دانیال 4:34 - کیتاب مقدّس به گیلکی (رشتی)

³⁴ بأزین کی اَ روزأن تومامَ بوسته، من، نبوکدنصر، می چومأنٚ مره آسمانَ فندرستم و می عقل، مرَ وأگردسته. هو موقع خودای موتعالَ موتبارک دوخوأدم و اونَ کی تا اَبد زنده‌یه ستایش و پرستش بوکودم، چره کی اونٚ حکومت تا اَبد پا بر جا مأنه و اونٚ پادشایی نسل اندر نسل ایدامه دأره.

دانیال 4:34 ပူးပေါင်းရင်းမြစ်များ

ایوب 1:21

و بوگفته: «لوخت و برئنده می مارٚ رحمٚ جأ بیرون بموم، لوخت و برئنده‌یم دونیا جأ شم. خوداوند فأدَه و خوداوندم فیگیفته! خوداوندٚ نام موتبارک ببه.»

مزامیر 10:16

خوداوند پادشا ایسه تا اَبد؛ قومأنی کی خودایَ قوبیل نأریدی، اونٚ سرزیمینٚ جأ جٚه بین شیدی.

مزامیر 7:17

خوداوندَ اونٚ عیدالتٚ وأسی شوکر کونم و موتعالٚ خوداوندٚ نامَ ستایش کونم.

مزامیر 9:2

تی وجودٚ وأسی شادی و خوشحالی کونم؛ تی نامَ، اَی خودایٚ موتعال، ستایش کونم.

دانیال 12:7

او فرشته‌یی کی کتانٚ لیباس دوکوده‌بو و بوجورتر روخانٚ ورجأ ایسَه‌بو، خو دسأنَ آسمانٚ طرف درازَ کوده و اونٚ صدایَ بیشنأوستم کی اونی‌یَ کی جاودانه ایسه قسم بوخورده و بوگفته: «اَ ایتفاقأن ای‌زمان، چند زمأن و نیم زمأن ایدامه دأره. وختی کی قومٚ موقدّسٚ قودرت شکست خوره، همه‌یٚ اَ پیشامدأن تومامَ به.»

دانیال 2:44

«او پادشایأنٚ سلطنتٚ دورأن، خودایٚ آسمانأن، سلطنتی‌یَ برپا کونه کی هیوخت جٚه بین نیشه و هیتّأ قومٚ دیگرٚ دس دنکفه. او پادشایی تومامٚ سلطنتأنٚ دیگرَ دورسنه و نابودَ کونه ولی خودش تا اَبد پایدار مأنه.

دانیال 4:2

اَطو صلاح بیدم نیشأنه‌یأن و معجزه‌یأنی کی خودایٚ موتعال مرَ عطا بوکوده شِمرِه بگم.

دانیال 4:26

نگهبانٚ موقدّس بوگفته کی دارٚ کونده و اونٚ ریشه‌یأنَ زیمینٚ سر بنید. اونٚ معنی اَنه کی وختی شومأن بفهمستید کی خودایه کی حکومت کونه، هو موقع دوواره شیمی پادشایی وأگرده.

دانیال 4:3

چی عظیمه خودا نیشأنه‌یأن و چی پیله‌دأنه‌یه اونٚ معجزه‌یأن. اونٚ پادشایی تا اَبد پا بر جا مأنه و اونٚ حکومت نسل اندر نسل.»

دانیال 4:32

شومأن مردومأنٚ جأ طردَ بید و صارا دورونی جک و جانورأنٚ اَمرأ زندگی کونیدی؛ گابأنٚ مأنستن شمرَ علف فدیدی کی بوخورید. هفت دوره اَطویی گوذره تا بفهمید کی خودای متعاله کی اینسأنٚ حکومتأنَ پادشایی کونه و اوشأنَ هر کی‌یَ اونٚ دیل بخوأیه بخشه.»

دانیال 4:36

هو وخت می عقل مرَ وأگردسته و می عظمت و شکوه می سلطنتٚ جلالٚ وأسی دوواره مرَ فدَه بوبوسته. می مشاورأن و پیله کسأن می دونبأل بگردستیدی و دوواره می تختٚ سلطنتٚ سر بینیشتم و می جلال و شکوه جٚه قبل ویشترَ بوسته.

دانیال 5:18

اَی پادشا، خودایٚ موتعال، شیمی پئر نبوکدنصرَ، سلطنت، عظمت، شکوه و جلال ببخشه‌بو.

دانیال 5:21

بأزین مردومأنٚ جأ طردَ بوسته، خو دیلٚ دورون جانورأنٚ مأنستن بوبوسته، وحشی اولاغأنٚ اَمرأ زندگی بوکوده، گابأنٚ مأنستن اونَ علف فدَه‌ییدی کی بوخوره و آسمانٚ ایازٚ جأ هیستَ بوسته تا زمأنی کی بفهمسته خودایٚ متعاله کی اینسأنٚ حکومتأنَ پادشایی کونه و هر کسی‌یَ کی اونٚ دیل بخوأیه، به سلطنت رسأنه.

دانیال 6:26

فرمان دهم کی تومامٚ مردومأنٚ سرتاسرٚ می پادشایی وأ دانیالٚ خودا جُلُو ترسان و لرزان بیبید! چونکی اون خودایٚ زنده و اَبدی ایسه. اونٚ پادشایی نابودَ نیبه و اونٚ قودرت پایانی نأره.

دانیال 7:14

و ایقتدار و جلال و قودرتٚ پادشایی اونَ فدَه بوبوسته تا مردومأن، جٚه تومامٚ میلتأن، قومأن و زبانأن اونَ خدمت بوکونید. اونٚ قودرت جٚه بین نیشه و اونٚ پادشایی هیوخت نابودَ نیبه.

دانیال 7:27

سلطنت، قودرت و عظمت جٚه پادشایی‌یأنی کی تومامٚ آسمانٚ جیر حکومت کونیدی فیگیفته به و خودای موتعالٚ موقدّسأنَ فده‌به. خودا پادشایی تا اَبد ایدامه پیدا کونه و تومامٚ حاکمأن خودایَ پرستش و ایطاعت کونیدی.›

دانیال 9:14

هَنٚ وأسی خوداوند فوری او بلایَ اَمی سر بأوردی، چونکی خوداوند، اَمی خودا کارأن همیشه عادلانه ایسه، ولی اَمأن اونٚ صدایَ گوش نوکودیم.

یونس 1:14

پس فریاد کونان دوعا بوکودیدی و بوگفتید: «خوداوندأ، تی جأ خوأییم اَمرَ، اَ مردأکٚ وأسی هلاک نوکونی و وَنل کی اَمی دس، ایتأ بی‌گناهٚ خونٚ اَمرأ آلوده به. چونکی اَی خوداوند، هرچی خوأستی، بوکودی.»

لوقا 1:33

اون تا اَبد یعقوبٚ خاندانَ فرمانروایی کونه. اونٚ پادشایی هیوخت تومامٚ بوستنی نی‌یه.»

لوقا 18:13

ولی او باجگیر دور بِیسه و جرأت نوکوده خو سرَ آسمانٚ طرف راستَ گیره. خجالت و غم و غورصه اَمرأ خو سینه‌یَ زه‌یی و گفتی: ‹خودایا، من گوناهکارم. مرَ رحم بوکون!›

یوحنا 5:26

چونکی هوطو کی پئر در خودش حیات دأره، خو پسرم عطا بوکوده کی در خودش حیات بدأره.