دانیال 4:3 - کیتاب مقدّس به گیلکی (رشتی)

³ چی عظیمه خودا نیشأنه‌یأن و چی پیله‌دأنه‌یه اونٚ معجزه‌یأن. اونٚ پادشایی تا اَبد پا بر جا مأنه و اونٚ حکومت نسل اندر نسل.»

دانیال 4:3 ပူးပေါင်းရင်းမြစ်များ

ایوب 25:2

«حکومت و هیبت خودا شینه؛ اون، آسمانأنٚ جور آرامشَ بپا کونه.

مزامیر 86:10

چونکی عظیم ایسی و عجیبٚ کارأنَ انجام دهی؛ فقط تو خودا ایسی!

دانیال 2:2

هَنٚ وأسی پادشا فرمان بدَه تا جادوگرأن، افسونگرأن، فالگیرأن و اُسطُرلابچی‌یأنَ اونٚ ورجأ بأورید تا بتأنید او خوابی‌یَ کی بیده اونٚ رِه تعبیر بوکونید. اوشأنم بمویید اونٚ ورجأ بِیسَه‌یید.

دانیال 2:44

«او پادشایأنٚ سلطنتٚ دورأن، خودایٚ آسمانأن، سلطنتی‌یَ برپا کونه کی هیوخت جٚه بین نیشه و هیتّأ قومٚ دیگرٚ دس دنکفه. او پادشایی تومامٚ سلطنتأنٚ دیگرَ دورسنه و نابودَ کونه ولی خودش تا اَبد پایدار مأنه.

دانیال 4:17

نگهبانأنٚ موقدّس اَ تصمیمَ اعلام بوکودیدی و موجودأنٚ موقدّس اَ حوکمَ تعیین بوکودید تا زنده‌یأن بدأنید کی خودای موتعال اینسأنٚ حکومتأنَ پادشایی کونه و اَ حکومتأنَ هر کی‌یَ اونٚ دیل بخوأیه بخشه، حتی پست‌ترین آدمأنَ.›

دانیال 7:14

و ایقتدار و جلال و قودرتٚ پادشایی اونَ فدَه بوبوسته تا مردومأن، جٚه تومامٚ میلتأن، قومأن و زبانأن اونَ خدمت بوکونید. اونٚ قودرت جٚه بین نیشه و اونٚ پادشایی هیوخت نابودَ نیبه.

دانیال 7:27

سلطنت، قودرت و عظمت جٚه پادشایی‌یأنی کی تومامٚ آسمانٚ جیر حکومت کونیدی فیگیفته به و خودای موتعالٚ موقدّسأنَ فده‌به. خودا پادشایی تا اَبد ایدامه پیدا کونه و تومامٚ حاکمأن خودایَ پرستش و ایطاعت کونیدی.›

۱پطرس 4:11

اگه کسی موعظه کودَن‌دره، وأ جوری گب بزنه عینٚ خیالٚ خودا گب زِئن دره؛ و اگه کسی خدمت کونه، او قوّتٚ اَمرأ خدمت بوکونه کی خودا اونَ فدِه، کی همه‌تأ کارٚ دورون خودا نام عیسایٚ مسیحٚ وأسی جلال بیأفه. جلال و قوّت خوداوندٚ شین ببه تا اَبدالاباد. آمین.