دانیال 4:16 - کیتاب مقدّس به گیلکی (رشتی)

¹⁶ ببه کی هفت دوره میأن، اونٚ اینسأنی افکار به حیوانی افکار تبدیل ببه.

دانیال 4:16 ပူးပေါင်းရင်းမြစ်များ

دانیال 11:13

چره کی شومالٚ پادشا ایتأ لشکرَ جمَ کونه کی اونٚ اوّلی لشکرٚ جأ پیله‌تره، و بعدٚ چند سال ایتأ پیله موجهزٚ لشکرٚ اَمرأ وأگرده.

دانیال 12:7

او فرشته‌یی کی کتانٚ لیباس دوکوده‌بو و بوجورتر روخانٚ ورجأ ایسَه‌بو، خو دسأنَ آسمانٚ طرف درازَ کوده و اونٚ صدایَ بیشنأوستم کی اونی‌یَ کی جاودانه ایسه قسم بوخورده و بوگفته: «اَ ایتفاقأن ای‌زمان، چند زمأن و نیم زمأن ایدامه دأره. وختی کی قومٚ موقدّسٚ قودرت شکست خوره، همه‌یٚ اَ پیشامدأن تومامَ به.»

دانیال 4:23

«اَی پادشا، شومأن نگهبانٚ موقدّسی‌یَ بیده‌ییدی کی آسمانٚ جأ بیجیر بمو و بوگفته: ‹دارَ وَوینید، جٚه بین ببرید ولی اونٚ کونده و ریشه‌یأنَ آهینی و برنجی زنجیلٚ اَمرأ دَودید و بیابانٚ واشأنٚ دورون خاکٚ رو سرأ دید. ببه کی آسمانٚ ایاز اونَ هیستَ کونه و هفت دوره، جانورأنٚ میأن زندگی بوکونه.›

دانیال 4:25

شومأن، مردومأنٚ جأ طردَ بید و صارا جک و جانورأنٚ اَمرأ زندگی کونیدی؛ گابأنٚ مأنستن شمرَ علف فدیدی کی بوخورید و آسمانٚ ایازٚ جأ هیستَ بیدی. هفت دوره اَطویی گوذره تا بفهمید کی خودای متعاله کی اینسأنٚ حکومتأنَ پادشایی کونه و اوشأنَ هر کی‌یَ اونٚ دیل بخوأیه بخشه.

دانیال 7:25

اون، ضدٚ خودای موتعال گب زنه و خودا موقدّسأنَ آزار رسأنه و سعی کونه هم وختأنی کی تعیین بوبوسته و هم شریعتَ وأگردأنه. اوشأن ای‌زمان، چند زمأن و نیم زمأن اونٚ دسٚ دورون تسلیم بیدی.

دانیال 7:28

«هَن بو خوابی کی من بیدم. من، دانیال، می فیکرأنٚ جأ خیلی پریشأنَ بوستم و می رنگ و رو بپرسته، ولی می خوابَ هیکسَ نوگفتم.»