دانیال 4:12 - کیتاب مقدّس به گیلکی (رشتی)

¹² اونٚ ولگأن خوشگل بو و اَنقدر میوه دأشتی کی همه‌تأن تأنستید اونٚ جأ بوخورید. صارا حیوانأن اونٚ سایه جیر ایستراحت کودید و آسمانٚ پرنده‌یأن اونٚ شاخه سر خوشأنٚ رِه فک نَییدی و تومامٚ جانورأن اونٚ میوه‌یَ خوردیدی.

دانیال 4:12 ပူးပေါင်းရင်းမြစ်များ

ایوب 12:24

عقلَ جٚه دونیا رهبرأن فیگیره و اوشأنَ بیابانٚ میأن کی هیچ رأهی نأره، اویرَ کونه.

ایوب 14:7

«چره کی درخت اومید دأره کی اگه وأوِه ببه دوواره رشت کونه و اونٚ غومچه یأن جٚه بین نیشیدی.

ایوب 14:9

آبٚ بو جأ سبزَ به و تازه نهالٚ مأنستن شاخه زنه.

دانیال 4:14

اون فریاد بزه و بوگفته: ‹درختَ وَوینید و اونٚ شاخه‌یأنَ قطعَ کونید، اونٚ ولگأنَ وأچینید و اونٚ میوه‌یأنَ پخش و پلا بوکونید. حیوانأنَ جٚه اونٚ سایه جیر و پرنده‌یأنَ جٚه اونٚ شاخه‌یأن فراری بدید.

متّی 13:32

با اَنکی خردلٚ دانه، همه‌یٚ دانه‌یأنٚ جأ کوچیکتره، امّا وختی کی رُشت کونه، ایتأ درخت بِه کی همه‌یٚ گیاهأنٚ باغٚ جأ پیله‌تره، جوری کی پرنده‌یأن اَییدی و اونٚ شاخه‌یأنٚ میأن لانه چأکونیدی.»

مَرقُس 13:32

«هیکس او روز و ساعتَ نأنه، جغرز پئر؛ حتی فرشته‌یأنی کی آسمانٚ دورون ایسَه‌ییدی و پسرم نأنیدی.

مَرقُس 4:32

ولی وختی بکأشته به، رُشت کونه و باغٚ همه‌تأ گیاهأنٚ جأ پیله‌ترَ به، پیله شاخه‌یأن اَوره، جوری کی آسمانٚ پرنده‌یأن اونٚ سایه جیر لانه چأکونیدی.»

لوقا 13:19

خردلٚ دأنه‌یَ مأنه کی اینفر اونَ خو باغٚ دورون کأره، پیله دار به و پرنده‌یأن اونٚ سر لانه چأکونیدی.»