دانیال 3:7 - کیتاب مقدّس به گیلکی (رشتی)

⁷ هَنٚ وأسی تومامٚ مردومٚ هر میلت و قوم و زبانی هَطو کی کرنا و نی و تنبور و چنگ و سنتورٚ صدا و هر جور سازٚ دیگرٚ نوایَ ایشنأوستیدی، طلایی مجسمه جُلُو کی نبوکدنصرٚ پادشا بر پا بوکوده‌بو، زیمینٚ سر کفتیدی و اونَ پرستش کودیدی.

دانیال 3:7 ပူးပေါင်းရင်းမြစ်များ

دانیال 2:46

بأزین نبوکدنصرٚ پادشا بکفته دانیالٚ پا جیر، اونَ سوجده بوکوده و دستور بده کی اونٚ رِه پیش‌کشی بأورید و بوخور بوسوجأنید.

دانیال 3:10

مگه شومأن دستور ندَییدی کی هر کس کی کرنا و نی و تنبور و چنگ و سنتور و دُهُلٚ صدا و هر جور سازٚ دیگرٚ نوایَ بیشنأوه وأ زیمینٚ سر بکفه و مجسمه‌یٚ طلایی‌یَ پرستش بوکونه؟

دانیال 3:4

جارچی فریاد بزه: «اَی قومأن و اَی ملتأنی کی زبانأنٚ جورواجورٚ اَمرأ گب زنیدی، اَ دستورَ گوش بدید!

دانیال 3:5

هَطو کی کرنا و نی و تنبور و چنگ و سنتور و دُهُلٚ صدا و هر جور سازٚ دیگرٚ نوایَ بیشتأوستیدی، شومأن وأ طلایی مجسمه جُلُو کی نبوکدنصرٚ پادشا بر پا بوکوده، زیمینٚ سر بکفید و اونَ پرستش بوکونید.

دانیال 3:6

هر کی زیمینٚ سر نکفه و اونَ پرستش نوکونه، هو وخت آتشٚ تونٚ دورون تأودَه به.»

دانیال 3:8

او وخت چند نفر اُسطُرلابچی بموییدی جُلُو و یوهودیأنٚ جأ شکایت بوکودیدی.

اعمالٚ رسولأن 14:16

خودا در گوذشته ایجازه بده کی تومامٚ قومأنٚ غیریهودی هر کدام خوشأنٚ رایَ بیشید.