دانیال 3:5 - کیتاب مقدّس به گیلکی (رشتی)

⁵ هَطو کی کرنا و نی و تنبور و چنگ و سنتور و دُهُلٚ صدا و هر جور سازٚ دیگرٚ نوایَ بیشتأوستیدی، شومأن وأ طلایی مجسمه جُلُو کی نبوکدنصرٚ پادشا بر پا بوکوده، زیمینٚ سر بکفید و اونَ پرستش بوکونید.

دانیال 3:5 ပူးပေါင်းရင်းမြစ်များ

دانیال 2:46

بأزین نبوکدنصرٚ پادشا بکفته دانیالٚ پا جیر، اونَ سوجده بوکوده و دستور بده کی اونٚ رِه پیش‌کشی بأورید و بوخور بوسوجأنید.

دانیال 3:10

مگه شومأن دستور ندَییدی کی هر کس کی کرنا و نی و تنبور و چنگ و سنتور و دُهُلٚ صدا و هر جور سازٚ دیگرٚ نوایَ بیشنأوه وأ زیمینٚ سر بکفه و مجسمه‌یٚ طلایی‌یَ پرستش بوکونه؟

دانیال 3:15

هسأ اگه حاضریدی کی وختی کرنا و نی و تنبور و چنگ و سنتور و دُهُلٚ صدا و هر جور سازٚ دیگرٚ نوایَ بیشتأوستیدی، طلایی مجسمه جُلُو زیمینٚ سر بکفید و اونَ پرستش بوکونید، کی هیچی. ولی اگه اَ کارَ نوکونید، فوری آتشٚ تونٚ دورون تأودَه بیدی. بأزین دینیمی کویدأنه خودا تأنه شمرَ می دسٚ جأ نجات بده.»

دانیال 3:7

هَنٚ وأسی تومامٚ مردومٚ هر میلت و قوم و زبانی هَطو کی کرنا و نی و تنبور و چنگ و سنتورٚ صدا و هر جور سازٚ دیگرٚ نوایَ ایشنأوستیدی، طلایی مجسمه جُلُو کی نبوکدنصرٚ پادشا بر پا بوکوده‌بو، زیمینٚ سر کفتیدی و اونَ پرستش کودیدی.