دانیال 3:4 - کیتاب مقدّس به گیلکی (رشتی)

⁴ جارچی فریاد بزه: «اَی قومأن و اَی ملتأنی کی زبانأنٚ جورواجورٚ اَمرأ گب زنیدی، اَ دستورَ گوش بدید!

دانیال 3:4 ပူးပေါင်းရင်းမြစ်များ

استر 8:9

هو وخت کی بیست و سوّمی روزٚ ماهٚ سوّم بو کی اونَ «سیوان» گفتیدی، پادشا کاتبأنَ دوخوأدیدی. اوشأن تومامی‌یٚ مردخایٚ دستورأنَ، ساتْراپأن، ولایتأنٚ فرماندارأن و اَمیرأنٚ صد و بیست و هفت ولایت، هندوستانٚ مرز تا جنوبٚ مصرٚ رِه بینیویشتید. اَ دس‌نیویشته‌یأن تومامٚ ولایتأنَ، اوشأنٚ خط و اوشأنٚ قومٚ زبان و هَطویی یهودیأنٚ‌ره به اوشأنٚ خط و زبان، بینیویشته بوبوسته.

دانیال 3:10

مگه شومأن دستور ندَییدی کی هر کس کی کرنا و نی و تنبور و چنگ و سنتور و دُهُلٚ صدا و هر جور سازٚ دیگرٚ نوایَ بیشنأوه وأ زیمینٚ سر بکفه و مجسمه‌یٚ طلایی‌یَ پرستش بوکونه؟

دانیال 3:3

پس اوستاندارأن، حاکمأن، فرماندارأن، مشاورأن، خزانه‌دارأن، قاضیأن، دادرسأن و تومامٚ ولایتأنٚ صاحب‌منصبأن، نبوکدنصرٚ بر پا بوکوده مجسمه تبرکٚ کودنٚ وأسی بموییدی و اونٚ جُلُو به پا بِیسَه‌ییدی.

دانیال 3:7

هَنٚ وأسی تومامٚ مردومٚ هر میلت و قوم و زبانی هَطو کی کرنا و نی و تنبور و چنگ و سنتورٚ صدا و هر جور سازٚ دیگرٚ نوایَ ایشنأوستیدی، طلایی مجسمه جُلُو کی نبوکدنصرٚ پادشا بر پا بوکوده‌بو، زیمینٚ سر کفتیدی و اونَ پرستش کودیدی.

دانیال 4:1

جٚه نبوکدنصرٚ پادشا به تومامٚ قومأن و همه‌یٚ مردومأنی کی زیمینٚ سر زندگی کونیدی و هر زبانٚ اَمرأ گب زنیدی: «سلامتی‌یٚ فراوان بر شومأن،

دانیال 4:14

اون فریاد بزه و بوگفته: ‹درختَ وَوینید و اونٚ شاخه‌یأنَ قطعَ کونید، اونٚ ولگأنَ وأچینید و اونٚ میوه‌یأنَ پخش و پلا بوکونید. حیوانأنَ جٚه اونٚ سایه جیر و پرنده‌یأنَ جٚه اونٚ شاخه‌یأن فراری بدید.

دانیال 6:25

بأزین داریوشٚ پادشا به تومامٚ میلتأن و قومأن و زبانأنی کی تومامی زیمینٚ دورون زندگی کودید اَطویی بینیویشته: «سلامتی‌یٚ فراوان بر شومأن!