دانیال 2:12 - کیتاب مقدّس به گیلکی (رشتی)

¹² اوشأنٚ جوابٚ جأ، پادشایَ اَنقدر غیظَ گیفته کی دستور بدَه تومامٚ بابِلٚ‌ حکیمأنَ بوکوشید.

دانیال 2:12 ပူးပေါင်းရင်းမြစ်များ

ایوب 5:2

رأس رأسی کی غیظ، احمقَ کوشه و حسودی، ساده دیلَ هلاکَ کونه.

دانیال 2:24

بأزین دانیال بوشو اَریوکٚ ورجأ کی پادشا اونَ فرمان بده‌بو بابِلٚ حکیمأنَ بوکوشه و بوگفته: «بابِلٚ حکیمأنَ نوأ کوشتن. مرَ ببر پادشا ورجأ تا من اونٚ خوابَ تعبیر بوکونم».

دانیال 2:5

پادشا اوشأنَ بوگفته: «حوکم بوکودم کی اگه می خواب و اونٚ تعبیرَ مرَ نیگید، شمرَ تیکه تیکه بوکونید و شیمی خانه‌یأنَ فوگُردأنید.

دانیال 3:13

نبوکدنصرَ خیلی غیظَ گیفته و دستور بدَه کی شَدرَک، میشَک و عبدنغو‌یَ بأورید. وختی اوشأنَ پادشا ورجأ بأوردیدی،

دانیال 3:19

نبوکدنصر وختی اوشأنٚ گبأنَ بیشنأوسته اونَ خیلی غیظَ گیفته و اونَ آتش گیفتَن دوبو. دستور بده آتشَ جٚه اونچی کی معمول بو، هفت برابر ویشتر داغَ کونید

دانیال 5:19

اَ پیله مقامٚ وأسی کی خودا اونَ فدَه‌بو، مردومأن جٚه تومامٚ میلتأن، قومأن و زبانأن اونٚ جأ ترس و وحشت دأشتیدی. شیمی پئر تأنستی هر کسی‌یَ کی اونٚ دیل خوأستی، بوکوشه و یا اونَ زنده بدأره. هر کسَ خوأستی سر بولندَ کودی ویا اونَ پستَ کودی.

متّی 2:16

وختی هیرودیس بفهمسته کی ستاره‌شنأسأن اونَ گول بزه‌ییدی، اونَ خیلی غیظَ گیفته و دستور بدَه کی بیشید بیت‌لحمٚ میأن و اونٚ دور و اطراف، تومامٚ دو ساله پسر زأکأنَ و کوجه‌دأنه‌ترم بوکوشید، جٚه اَ خأطر کی ستاره‌شنأسأنٚ جأ بیشنأوسته‌بو کی ستاره دو سال پیش ظاهیرَ بوسته‌بو.

متّی 5:22

ولی من شمرَ گم، هر کسی خو برأرٚ مره غیظ بوکونه، اونٚ حقه کی موجازات ببه؛ هر کی خو برأرَ ‹پخمه› دوخوأنه، اونٚ حقه کی محاکمه ببه و هر کسی‌یم خو برأرَ احمق دوخوأنه، اونٚ حق جهندمٚ آتشه.