دانیال 11:4 - کیتاب مقدّس به گیلکی (رشتی)

⁴ ولی وختی در اوجٚ قودرت ایسه، اونٚ حکومت پاشیدَه به و آسمانٚ چار طرفٚ بادأنٚ اَمرأ تقسیم به. اونٚ نسل، اونٚ حکومت و اونٚ قودرتَ ارث نبره، چره کی اونٚ پادشایی ریشه جأ بکنده به و دیگرأنَ فَده به.

دانیال 11:4 ပူးပေါင်းရင်းမြစ်များ

مزامیر 39:6

رأس رأسی اینسأن ایتأ سایه‌یَ مأنه کی شوئون و اَمون کونه؛ هَچین بیخودی دیل‌نیگرانَ به؛ مال و منال جمَ کونه، ولی نأنه اونٚ جأ کی ایستفاده کونه.

دانیال 7:2

و بوگفته: «شب خواب بیدم کی باد جٚه آسمانٚ چار طرف پیله دریایٚ کولاک بوکودید.

دانیال 7:6

«بأزین، سومی جانورَ بیدم کی پلنگٚ مأنستن بو. خو پوشتٚ سر، چارتأ بال دأشتی کی اونٚ بالأن پرنده بالأنٚ مأنستن بو. اون چارتأ سر دأشتی و حکومت اونَ فَده بوبوسته.

دانیال 7:8

«هوطو کی اونٚ شاخأنَ فندرستن دوبوم، بیدم ایتأ کوجه‌دأنه شاخ اوشأنٚ میأن بوجور اَمون دره کی او سه‌تأ شاخأنٚ قبلی‌یَ بیخٚ جأ بکنده. اَ شاخ، چومأنی، اینسأنٚ چومأنٚ مأنستن دأشتی و دهنی کی پیله پیله گب زه‌یی.

دانیال 8:22

او چارتأ شاخ کی او بشکفته شاخٚ جا سر بوجور بمویید، چارتأ سلطنتأنی ایسیدی کی اونٚ قومٚ جأ ویریزیدی ولی هیتّأ، اوّلی مأنستن پور قوّت نیبیدی.

دانیال 8:8

او نرٚ بوز قویترَ بوسته ولی وختی کی اونٚ قوّت ویشترَ بوسته، اونٚ پیله‌دأنه شاخ بشکفته و چارتأ چوم‌دکفٚ شاخٚ دیگر اونٚ جا سر، به سمتٚ چار طرفٚ بادأنٚ آسمان بوجور بمو.

متّی 12:25

عیسی اوشأنٚ فیکرأنَ بخوأنده و اوشأنَ بوگفته: «هر سلطنتی کی بر ضدٚ خودش تقسیم ببه، نابودَ بِه، و هر شهر یا خانه‌یی کی بر ضدٚ خودش تقسیم ببه، پابرجا نمأنه.

لوقا 12:20

ولی خودا اونَ گه: ‹بی عقل، هَه ایمشب تی زندگی تومامَ به. هسأ او چیزأنی کی انبار بوکودی کی شین وأ ببه؟›