دانیال 11:2 - کیتاب مقدّس به گیلکی (رشتی)

² «هسأ ایتأ حقیقتَ ترَ گم: سه‌تأ پادشایٚ دیگر، پارسٚ سرزیمینٚ دورون ویریزیدی و بأزین، چارمی پادشا اَیه کی تومامٚ اوشأنٚ جأ خیلی ثروتمندتر به و اونٚ مال و منال باعیث به کی اون قودرتمند ببه و همه‌تأنَ به ضدٚ یونانٚ حکومت انتریکَ بوکونه.

دانیال 11:2 ပူးပေါင်းရင်းမြစ်များ

عِزرا 4:24

او وخت معبدٚ کار کی اورشلیمٚ میأن نهَه‌بو، هوطو بمأنسته تا داریوش، پارسٚ پادشا سلطنتٚ دوّمی سالٚ میأنی.

عِزرا 4:7

و اردشیر سلطنتٚ میأنم، بِشلام و میترِدات و طَبِئیل و الباقی اونٚ همدسأن ایتأ دس‌نیویشته، اردشیر، پارس پادشا رِه، آرامی زوانٚ اَمرأ بینیویشتید و ترجمه بوبوسته.

استر 1:1

اَ پیشامدأن هو زمانی ایتفاق دکفته کی خشایارشاه، صد و بیست و هفت ولایتَ حکومت کودی، کی جٚه هندوستانٚ مرز تا جنوبٚ مصر بو

دانیال 10:1

کوروش، پارسٚ پادشا سومی سالٚ حکومت بو. هو وخت دانیالَ کی اونَ «بَلطَشَصَّرم» دوخوأدیدی، ایتأ پیام الهام بوبوسته‌بو و اَ پیام حقیقت دأشتی و ایتأ پیله‌دأنه جنگَ پیشگویی کودی کی آینده میأن ایتفاق دکفه. اَ پیامٚ فهمستن، رویا میأن اونٚ رِه آشکارَ بوسته.

دانیال 11:25

«او وخت دیل و جرأت یأفه و ایتأ پیله لشکرٚ اَمرأ جنوبٚ پادشایَ حمله کونه. جنوبٚ پادشایم ایتأ پیله‌دأنه لشکرٚ قوی مره اونٚ جنگ شه، ولی اونٚ ضد، نقشه‌یأن کشیدی و شکست خوره.

دانیال 7:5

«دوّمی جانورَ بیدم کی خرسٚ مأنستن بو. اون ایتأ شانه بوجور، ایتأ شانه بیجیر ایپچه راستَ بوسته و سه‌تأ دنده خاشأنَ به گاز دأشتی. ایتأ صدا اونَ بوگفته: ‹ویریز، هر چی تأنی گوشت بوخور.›

دانیال 8:21

او نرٚ بوز کی مویأنٚ زیادی دأشتی، یونانٚ پادشاهه و او درازٚ شاخ کی اونٚ چومأنٚ وسط نهَه‌بو اوّلی پادشاهه.

دانیال 8:26

اونچی کی او رویا دورون درباره‌یٚ شبأن و صُبأن بوگفته بوبوسته حقیقته، ولی اونَ مُهر و موم بوکون، چونکی آینده‌یٚ خیلی دورٚ میأن انجام به.»

دانیال 8:4

و بیدم او قوچ مغرب، شومال و جنوبٚ طرف شاخ زه‌یی و هیچ جانوری نتأنستی اونٚ جُلُو بِیسه و هیکس نتأنستی کسی‌یَ اونٚ دسٚ جأ نجات بده. هرچی اونٚ دیل خوأستی کودی و قویترَ بوستی.

یوحنا 10:35

هیچ قسمتی از کیتابٚ موقدّس از اعتبار ساقطَ نیبه. اگه اوشأنی کی کلامٚ خودا اوشأنَ فأرسه، خودایأن خوأنده بیبید،