دانیال 10:12 - کیتاب مقدّس به گیلکی (رشتی)

¹² بأزین او فرشته مرَ بوگفته: «اَی دانیال، نوأ ترسئن، چره کی جٚه او اوّلی روز کی تصمیم بیگیفتی کی خوابٚ تعبیرَ درک بوکونی و تی خودا ورجأ فروتن بیبی، تی درخوأست قوبیل بوبوسته و تی گبأنٚ وأسی بموم.

دانیال 10:12 ပူးပေါင်းရင်းမြစ်များ

دانیال 10:11

بأزین فرشته مرَ بوگفته: «اَی دانیال، اَی عزیزٚ خوداوند، اَ گبأنی کی ترَ گفتن درم دقتٚ مره گوش بدن و ویریز، چره کی هَنٚ وأسی تی ورجأ اوسه کوده بوبوستم.» وختی اَ گبأنَ بزه، هوطو کی می جان پرکستی، به پا بِیسم.

دانیال 10:19

و بوگفته: «اَی عزیزٚ خودا، نوأ ترسئن. سلامتی تی اَمرأ ببه، قوی بوبو و قایم بِیس.» وختی اَ گبَ بزه، قوّت بیگیفتم و اونَ بوگفتم: «اَی سرور، گب بزنید، چره کی شومأن مرَ قوّت ببخشه‌ییدی.»

متّی 28:10

او وخت عیسی اوشأنَ بفرمأسته: «نوأ ترسئنید! بیشید و می برأرأنَ بیگید کی رأ دکفید بیشید جلیل. اویه مرَ دینیدی.»

متّی 28:5

بأزین فرشته زنأکأنَ بوگفته: «نوأ ترسئنید! دأنم کی عیسی دونبأل گردیدی کی مصلوب بوبوسته.

مَرقُس 16:6

جوان اوشأنَ بوگفته: «نوأ ترسئنید! شومأن عیسای ناصری دونبأل گردیدی کی مصلوب بوبوسته. اون، مورده‌یأنٚ دونیا جأ ویریشته! اَیه نئسَه. جایی کی اونٚ جسدَ بنَه‌بید بیدینید.

لوقا 1:13

فرشته وأگردسته بوگفته: «زکریا، نوأ ترسئن! تی دوعا خودا ورجأ مستجاب بوبوسته. تی زنای، الیزابت، ایتأ پسر تِره زأیه کی اونٚ نامَ وأستی یحیی دوخوأنی.

لوقا 1:30

ولی فرشته وأگردسته بوگفته: «مریم، نوأ ترسئن. خودا ترَ لطف بوکوده.

لوقا 2:10

فرشته وأگردسته اوشأنَ بوگفته: «نوأ ترسئنید، من ایتأ خوروم خبرٚ پیله شادی‌یَ شِمرِه اعلام کونم کی تومامیٚ آدمأنٚ شینه.

لوقا 24:38

عیسی بفرمأسته: «شمرَ چیسه؟ چره شیمی دیلأن آشفته‌یه و چره نخوأییدی بأور بوکونید کی من خودمم؟

اعمالٚ رسولأن 27:24

و مرَ بوگفته: ‹پولُس، ترس نوأ دأشتن، چونکی تو وأستی قیصرٚ ورجأ فأرسی تا به اونٚ دس محاکمه بیبی. یقین بدأر کی خودا تی همسفرأنٚ جانَ ترَ بخشه.›