دانیال 1:4 - کیتاب مقدّس به گیلکی (رشتی)

⁴ اَ جوانأن، وأستی بی‌عیب و نقص، خوش بر رو، و یاد گیفتنٚ وأسی زبر و زرنگ، دانا و فهیم بیبید و بابِلی زوان و ادبیاتَ یاد بیگیرید تا بتأنید پادشا کاخٚ دورون خدمت بوکونید.

دانیال 1:4 ပူးပေါင်းရင်းမြစ်များ

پیدایش 41:46

یوسف سی سال دأشتی کی مصرٚ پادشاهٚ خادم بوبوسته. پس یوسف جٚه فرعونٚ ورجه بوشو کی تومامٚ سرزیمینٚ مصرَ بگرده.

دانیال 2:10

اُسطُرلابچی‌یأن جواب بدَه‌ییدی: «اَی پادشا، اَ جهانٚ دورون کسی نِیسه کی بتأنه شیمی دستورَ انجام بده چونکی هیچ پادشایی هر چقدر پیله و قوی ببه اَ جور درخوأست خو جادوگرأن، افسونگرأن و اُسطُرلابچی‌یأنٚ جأ نوکوده.

دانیال 2:2

هَنٚ وأسی پادشا فرمان بدَه تا جادوگرأن، افسونگرأن، فالگیرأن و اُسطُرلابچی‌یأنَ اونٚ ورجأ بأورید تا بتأنید او خوابی‌یَ کی بیده اونٚ رِه تعبیر بوکونید. اوشأنم بمویید اونٚ ورجأ بِیسَه‌یید.

دانیال 3:8

او وخت چند نفر اُسطُرلابچی بموییدی جُلُو و یوهودیأنٚ جأ شکایت بوکودیدی.

دانیال 4:7

وختی جادوگرأن، افسونگرأن، اُسطُرلابچی‌یأن و طالع‌بینأن بموییدی، می خوابَ اوشأنٚ رِه تعریف بوکودم ولی نتأنستید اونَ مِره تعبیر بوکونید.

دانیال 5:11

تی مملکتٚ دورون ایتأ مردای ایسَه کی خودایأنٚ موقدّسٚ روحَ دأره. تی پئرٚ سلطنتٚ موقع، بینش، هوش و حکمتی کی خودایأنٚ حکمتٚ مأنستن بو، اونٚ دورون وجود دأشتی. نبوکدنصرٚ پادشا، تی پئر، اونَ جادوگرأن، افسونگرأن، اُسطُرلابچی‌یأن و طالع‌بینأنٚ رئیس چأکوده‌بو،

دانیال 5:7

فریاد بزه کی تومامٚ افسونگرأن و اُسطُرلابچی‌یأن و طالع‌بینأنَ بأورید و اون، بابِلٚ حکیمأن بوگفته: «هر کی بتأنه اَ بینیویشته‌یَ بخوأنه و مِره تعبیر بوکونه، دستور دهم ارغوانی ردای اونَ دوکونید و طوقٚ طلا اونٚ گردن تأودید، بأزین اون سوّمی حاکمٚ مملکت به.»

دانیال 9:1

اوّلی سالی کی داریوش، خشایارشاه پسر کی نسلٚ ماد جأ بو، بابِلی‌یأنٚ مملکتٚ پادشا بوبوسته‌بو،

اعمالٚ رسولأن 7:20

«هو روزأن بو کی موسی بدونیا بمو. موسی زأکٚ خیلی قشنگی بو و اونَ سه ماه خودش پئرٚ خانه میأن قایمٚ کوده بدأشتیدی.

اعمالٚ رسولأن 7:22

موسی مصریأنٚ حکمت و دانشٚ اَمرأ پیله بوسته و اونٚ کردکارأن پیله آدمأنٚ مأنستن بو.