اعمالٚ رسولأن 26:3 - کیتاب مقدّس به گیلکی (رشتی)

³ دأنم شومأن تأنیدی ایتأ قاضی و داورٚ خوبی بینٚ من و می طرفٚ دعوا بیبید، چونکی به آداب و رسوم و اختلافاتٚ مذهبی‌یٚ یهودیأن وارد ایسیدی. پس شیمی جأ اینتظار دأرم کی تومامی‌یٚ می گبأنَ صبر و حوصله اَمرأ گوش بدید.

Gilaki New Testament

³ هطویی‌یٚم دأنٚم کی شومأن یوهودٚ قأنونأن و رسم و روسومأنَ خُب شنأسیدی، پس خأهیش کونم صبر و حوصله اَمرأ می گبأنَ بشتأوید:

کتاب مقدس به زبان گیلکی - گویش شرقی

³ بخصوص اونکه دؤئنم شمه تمام یهود رسم و رسوم جی و اختلافاتی که اوشون میئن هنه به قایده آشنائی دئنین. الؤن، خواهش دئنم صبر أمره می گبون گوش بدین.

کتاب مقدس به زبان گیلکی - گویش رشت و غرب گیلان

³ علی الخصوص اَنکی دانم شُمان تمان یهود رسم و رسومِ جا و اختلافاتی کی اوشان میان دَره حیسّابی آشنائید. هَسّا خواهش کونم صبر امرا می گبَ گوش بُکونید.»

اعمالٚ رسولأن 26:3 ပူးပေါင်းရင်းမြစ်များ

اعمالٚ رسولأن 21:21

تی پشتٚ سر گیدی، تومامٚ یهودیأنی‌یَ کی غیریهودیأنٚ میأن زندگی کونیدی، تعلیم دیهی کی جٚه موسی شریعت رو وأگردأنید و اوشأنَ گی خوشأنٚ زأکأنَ ختنه نوکونید و یهودٚ قومٚ رسمَ بجا نأورید.

اعمالٚ رسولأن 24:10

وختی والی پولُسَ ایشاره بوکوده کی گب بزنه، اون اَطویی جواب بده: «دأنم سالیأنٚ درازی ایسه کی شومأن قضاوتٚ قومٚ یهودَ بر عهده دأریدی. پس شادی اَمرأ، جٚه خودم دفاع کونم.

اعمالٚ رسولأن 24:4

خیلی شیمی وختَ نیگیریم. تقاضا دأریمی اَمرَ موحبت بوکونید و اَمی گبأنَ گوش بدید.

اعمالٚ رسولأن 25:26

جٚه ایتهامی کی اونَ بزه‌ییدی، هیچ مدرکی نأشتیم کی قیصرٚ رِه بینیویسم. هَنٚ وأسی، اونَ بأوردم شیمی حوضور، مخصوصاً اَی آگْریپاسٚ پادشا، کی قضاوت بوکونید، تا بتأنم ایچی قیصرٚ رِه بینیویسم و اوسه کونم.

اعمالٚ رسولأن 26:2

«اَی پادشا حکیم، خیلی مِره باعثٚ خوشحالی ایسه کی در حوضورٚ شومأن جٚه اتهاماتی کی یهودیأن مرَ بزه‌ییدی و زنیدی، خودمٚ جأ دفاع بوکونم.

اعمالٚ رسولأن 26:26

دأنمه کی تأنم تومامی‌یٚ می گبأنَ آزادأنه بگم، چونکی پادشایی کی من اونٚ ورجأ ایسم، همه‌یٚ ماجرایأنی کی ایتفاق دکفته آگاهی دأره، چونکی هیچی خلوتٚ‌ جا میأن ایتفاق دنکفته.

اعمالٚ رسولأن 26:7

تومامی‌یٚ قومٚ یهود شبأنه روز با تومامی دیل و جان سعی بوکودیدی و کونیدی کی خودا دستورأنَ ایطاعت بوکونید تا به اَ بأور فأرسید کی من الأن دأرمه. اَی پیله‌دأنه پادشا، هَه امیدٚ وأسی ایسه کی اَشأن خوأییدی مرَ محکوم به مرگ بوکونید.

اعمالٚ رسولأن 28:17

سه روز بو کی رومٚ میأنی ایسَه‌بیم، پولُس رومٚ پیله آدمأنَ کی یهودیأن بید، دوخوأده. وختی اوشأن بموییدی، بوگفته: «اَی برأرأن، مرَ کی کاری بر ضدٚ قوم و اداب و رسومٚ اَمی آبااجداد نوکوده‌بوم، اورشلیمٚ میأن دسگیر و تحویلٚ رومیأن بدَه‌ییدی.

اعمالٚ رسولأن 6:14

چونکی اَمأن بیشتأوستیم کی گفتی: ‹عیسایٚ ناصری اَمی معبدٚ موقدّسَ خرابَ کونه و احکامی کی موسایٚ پیغمبر، اَمرَ بیسپرده، تغییر دهه.›»