۱پطرس 5:8 - کیتاب مقدّس به گیلکی (رشتی)

⁸ شیمی حواس بمأنه و شمرَ بپأیید چره کی شیمی دوشمن، ایبلیس، ایتأ شیرٚ مأنستن کی نعره زنه، گردستَن‌دره و کسی دونبأل گرده کی اونَ فٚوٚره.

Gilaki New Testament

⁸ شیمی حواس جم بٚبه و مورأقٚب بیبید، چونکی شیمی دوشمن شیطان هچین ایتأ شیرٚ گوروسنه مأنستَن نعره زٚنِه و گردستأندٚره و اینفرٚ دونبأل گردِه تأ بیأفه و اونَ فٚوٚره.

کتاب مقدس به زبان گیلکی - گویش شرقی

⁸ واخوب ببین و بپأین، شیمئه دوشمن، ابلیس، یکته شیر مورسؤن غرش کؤنه و ایرأ اورأ مجنه تا یگ نفره بیاجه و فوره.

کتاب مقدس به زبان گیلکی - گویش رشت و غرب گیلان

⁸ واخُب بیبید، شیمی حواس بمانه، شیمی دُشمند اِبلیس، ایتا شیرِ مانستن غُرّش کونه و هر طرف گرده و اینفرَ واموجه تا اونَ فَوَره.

۱پطرس 5:8 ပူးပေါင်းရင်းမြစ်များ

استر 7:6

استر بوگفته: «اَمی دوشمن و بد خوأه، هَه هامانی‌ ایسه کی اَمی ورجأ ایسَه.» هو وخت هامانٚ دیلٚ زاله، شاه و شهبانو ورجأ آبَ بوسته.

ایوب 2:2

خوداوند، شیطانٚ جأ وأورسه: «جٚه کویه اَمون‌دری؟» شیطأن خوداوندَ جواب بدَه: «زیمینٚ سر شوئون اَمون کودیم و گردستیم.»

دانیال 6:24

پادشا دستورٚ اَمرأ تومامیٚ کسأنی‌یَ کی دانیالَ ایفترا بزه‌بید، بأوردید و اوشأنَ زن و زأکأنٚ اَمرأ شیرأنٚ چاه دورون تأودَه‌یید. اوشأن چاه تأن فئنرسه‌بید کی شیرأن اوشأنَ فُتُرکستیدی و تومامٚ اوشأنٚ خاشأنَ بشکنه‌ییدی.

متّی 13:39

اینسأنٚ پسر خو فرشته‌یأنَ اوسه کونه و اوشأن، هرچی کی باعثٚ گوناه ببه و تومامی‌یٚ بدکارأنَ جٚه اونٚ پادشایی جمَ کونیدی

متّی 24:42

هَنٚ وأسی وأ بیدار بیبید، چونکی نأنیدی شیمی آقا چی روزی اَیه.

متّی 25:41

بأزین پادشا اوشأنی‌یَ کی اونٚ چپٚ طرف ایسَه‌ییدی، گه: ‹اَی ملعونأن، می جأ دورَ بید و بیشید آتشٚ جاودانی میأن کی شیطأن و اونٚ فرشته‌یأنٚ‌ره آمادَه بوسته.

متّی 4:1

بأزین روح‌القدس عیسایَ ببرده بیابانٚ دورون تا شیطأن اونَ وسوسه بوکونه.

متّی 4:11

او وخت شیطأن عیسایَ ولَ کوده و فرشته‌یأن بموییدی و اونَ خدمت بوکودیدی.

مَرقُس 4:15

بعضی جٚه مردوم، رأ سرٚ دأنه‌یأنَ مأنیدی، هویه کی کلام بکاشته به؛ هَطوتأ کلامَ ایشتأویدی، شیطأن اَیه و او کلامی‌یَ کی اوشأنٚ دورون بکاشته بوبوسته، دوزأنه.

لوقا 21:34

«شیمی حواسَ جمَ کونید، ونألید شیمی دیلأن جٚه زیاد خوردن، مستَ بوستن و فیکرأنی کی اَ دونیا شینه، تیره و تار ببه، تا او روزی کی من اَیم شومأن غافلگیرَ نیبید.

لوقا 21:36

تومامٚ لحظه‌یأن، می رافا بئسید و همه وختأن دوعا بوکونید کی بتأنید همه‌یٚ او وحشتناکٚ ایتفاقأن پشتٚ سر بنید و اینسأنٚ پسرٚ ورجأ بئسید.»

لوقا 22:31

«اَی شمعون، اَی شمعون، شیطأن بخوأسته او کیشاورزٚ مأنستن کی گندمَ کاه جأ سیوأ کونه، همه‌تأنٚ شمرَ آزمایش بوکونه

یوحنا 8:44

شومأن از شیمی پئر شیطانیدی و به دونبألٚ انجامٚ اونٚ خوأسته‌یأنیدی. اون از اوّل قاتل بو و حقیقتٚ اَمرأ نسبّتی نأشتی، چونکی هیچ حقیقتی در اون ننَه. هر وخت دوروغ گه، از ذاتٚ خودش گه. چونکی دروغگویه و دوروغگویأنٚ پئره.

۱پطرس 1:13

پس شیمی حواسَ جمَ کونید و پرهیزکاری اَمرأ تومامٚ شیمی اومیدَ بنید او فیضٚ سر کی عیسی مسیحٚ ظوهورٚ موقع شمرَ عطا به.

۱پطرس 4:7

همه چی تومامَ بوستن نزدیکه. پس شیمی حواسَ جمَ کونید و پرهیزکار بیبید کی بتأنید دوعا بوکونید.