۱پطرس 5:1 - کیتاب مقدّس به گیلکی (رشتی)

¹ من کی خودم روحأنی رهبرأنٚ جأ ایسم و مسیحٚ رنج کشئنٚ شاهدم و هَطویم او جلالٚ جأ کی آشکار به، شیریکم، شیمی روحأنی رهبرأنَ تأکید کونم:

Gilaki New Testament

¹ و هسأ، ایتأ خأهیش کیلیسا روحأنی رهبرأنٚ جَا دأرم؛ چونکی خودمٚم ایتأ روحأنی رهبرٚم و مسیح رنجأنٚ شأهید بوم و هطویم اونی وأگردٚستنٚ روجٚ وخت، اونی جلالٚ رِه شیریک بَم.

کتاب مقدس به زبان گیلکی - گویش شرقی

¹ مو کی خودم یکته از مشایخم و مسیح رنجؤنه شاهید بوم و او جلال مئن که آشکارأبنه شریک ایسم، او مشایخه کی شیمئه مئن ایسأن سفارش کؤنم:

کتاب مقدس به زبان گیلکی - گویش رشت و غرب گیلان

¹ من کی خودم ایتا جه ریش سفیدان ایسَم و مسیحِ رنج ئانِ شاهد بوم و اُ جلالِ درون کی آشکارَ به شریکم، اُ ریش سفیدان کی شیمی میان ایسائیدَ سفارش کونَم:‏

۱پطرس 5:1 ပူးပေါင်းရင်းမြစ်များ

لوقا 24:48

همه‌تأنٚ شومأن بیده‌یید و شاهد ایسید کی تومامی‌یٚ او پیشگویی‌یأن ایتفاق دکفته.

اعمالٚ رسولأن 1:22

پس اَطو دوعا بوکودیدی: «خوداوندأ، تو همه کسٚ قلبَ جأ وأخبری. تو خودت، اَمرَ نیشأن بدن کی اَ دو نفرٚ جأ کویتأیَ اینتخاب بوکودی

اعمالٚ رسولأن 1:8

ولی او چیزی کی وأستی بدأنید هَنه کی وختی روح‌القدس شمرَ نازل ببه، قوّت گیریدی کی اورشلیم و تومامی‌یٚ یهودیه و سامره اوستانأنٚ میأن، تا دورترین نقطه‌یٚ دونیا، می شاهدأن بیدی.»

اعمالٚ رسولأن 11:30

پس اَ کارَ بوکودیدی و هدایایی برنابا و شائولٚ دس فدَه‌ییدی تا اوشأنم اورشلیمٚ کلیسا مشایخَ فدید.

اعمالٚ رسولأن 14:23

اوشأن، هر کلیسا میأن، مشایخی ایماندارأنٚ رِه اینتخاب بوکودیدی و دوعا و روزه اَمرأ اوشأنَ به خوداوند عیسی کی به اون ایمأن بأورده بید بیسپردیدی.

اعمالٚ رسولأن 15:4

وختی پولُس و برنابا فأرسه‌ییدی اورشلیم، ایماندارأن و رسولأن و مشایخ بموییدی اوشأنٚ پیشواز و پولُس و برنابا هرچی‌یَ کی خودا اوشأنٚ دسٚ جأ انجام بده‌بو، اَشأنٚ‌ره بوگفتیدی.

اعمالٚ رسولأن 15:6

پس رسولأن و مشایخ دورٚ هم جمَ بوستیدی تا اَ مسئله‌یَ رسیدگی بوکونید.

اعمالٚ رسولأن 2:32

«خودا هَه عیسایَ سه روز بعدٚ مرگ زندَه کوده و اَمأن همه‌تأن شاهد ایسیم.

اعمالٚ رسولأن 20:17

اون جٚه شهرٚ میلیتوس، پیغامی مشایخٚ کلیسایٚ اَفِسُسٚ‌ره اوسه کوده کی اوشأنَ بأوره خو ورجأ.

اعمالٚ رسولأن 20:28

مواظبٚ خودتأن و تومامٚ گله‌یی کی روح‌القدس شمرَ ناظرٚ اوشأن قرار بده بیبید، چونکی خودا او جمعٚ ایماندارأنَ به قیمتٚ خو خون بیهه. بأزین شومأن وأستی اوشأنَ خُب چوپانی بوکونید.

اعمالٚ رسولأن 21:18

فردایٚ او روز، پولُسٚ اَمرأ بوشوییم یعقوبٚ ورجأ کی رهبرٚ کلیسای اورشلیم بو. مشایخم همه‌تأن بموییدی اویه.

اعمالٚ رسولأن 3:15

شومأن چشمه‌یٚ حیاتَ بوکوشتید ولی خودای پئر، اونَ جٚه مورده‌یأنٚ میأن ویریزأنه و اَمأن شاهدیم.

فیلیپیان 1:19

چونکی دأنم شیمی دوعایأنٚ اَمرأ و عیسی مسیحٚ روحٚ کومکٚ اَمرأ، اَشأن باعیث بیدی من نجات بیأفم،

۱پطرس 1:12

اوشأنٚ رِه آشکارَ بوسته کی شمرَ خدمت کودید نه خودشأنَ، او وختی کی جٚه چیزأنی گب زه‌ییدی کی هسأ شومأن اینجیلٚ موبشرأنٚ جأ ایشتأوید، اوشأنی کی روح‌القدسٚ قوّتٚ اَمرأ کی آسمانٚ جأ روانه بوسته، شمرَ بشارت دیهید. حتی فرشته‌یأن اوشأنٚ درکٚ رِه ناجه دأریدی.

۱پطرس 1:7

و اَطویی شیمی اصلٚ ایمأن ایمتحانٚ میأن ثابت ببه، و عیسی مسیحٚ ظوهورٚ موقع، باعیثٚ ستایش، جلال و حورمت ببه، هو ایمأن کی طلا جأ گیرانقیمت‌تره، هو طلا کی آتشٚ مره خالصَ به ولی ایروز جٚه بین شه.

۱پطرس 4:13

بلکی جٚه اَ خأطر خوشحال بیبید کی عیسی مسیحٚ رنجأنٚ دورون شریکیدی، کی اونٚ جلالٚ ظوهورٚ وخت، تومام و کمال شاد بیبید.

۱پطرس 5:4

کی او وختی کی شبانأنٚ رئیس ظوهور کونه، تاجٚ جلالَ کی هیوخت جٚه بین نیشه، اونٚ دسٚ جأ فیگیرید.