۱پطرس 4:13 - کیتاب مقدّس به گیلکی (رشتی)

¹³ بلکی جٚه اَ خأطر خوشحال بیبید کی عیسی مسیحٚ رنجأنٚ دورون شریکیدی، کی اونٚ جلالٚ ظوهورٚ وخت، تومام و کمال شاد بیبید.

Gilaki New Testament

¹³ خوشأل بیبید کی اَطویی مسیح رنج و زحمتٚ میأن شیریکَ بید؛ بأزین شیمی خوشألی اونی پور جلال وأگردٚستنٚ روجٚ میأن کأمیلَ به.

کتاب مقدس به زبان گیلکی - گویش شرقی

¹³ بلکی این أجی شاد ببین کی مسیح عذابؤن مئن شریکأبؤین، تا او زمت که اون جلال آشکارأبنه، شمرأم شاد ببین و واز بوکونین.

کتاب مقدس به زبان گیلکی - گویش رشت و غرب گیلان

¹³ بلکی اَنه جا کی مسیحِ عذابانِ درون شریک بُبوستید خوشحال بیبید، تا اُ موقع کی اونِ جلال آشکار بِبه، شمانم شادی بُکونید و واز و وَلنگ بُکونید.

۱پطرس 4:13 ပူးပေါင်းရင်းမြစ်များ

متّی 16:27

چونکی اینسأنٚ پسر خو پئرٚ جلال و فرشته‌یأنٚ اَمرأ اَیه و هر کسی‌یَ مطابقٚ اونٚ کارأن پاداش فده.

متّی 25:21

اونٚ ارباب بوگفته: ‹آفرین، اَی غولامٚ خُب و امین! چیزأنٚ کمٚ دورون امین بی، پس چیزأنٚ زیادی‌یَ ترَ ایسپأرم. بیأ و تی اربابٚ شادی میأن شریکَ بو!›

متّی 25:23

اونٚ ارباب بوگفته: ‹آفرین، اَی غولامٚ خُب و امین! چیزأنٚ کمٚ دورون امین بی، پس چیزأنٚ زیادی‌یَ ترَ ایسپأرم. بیأ و تی اربابٚ شادی میأن شریکَ بو!›

متّی 25:31

«وختی کی اینسأنٚ پسر خو جلال و شکوه و همه فرشته‌یأنٚ اَمرأ بأیه، خو تختٚ پورشکوه سر نیشینه

متّی 25:34

بأزین اوشأنی‌یَ کی اونٚ راستٚ طرف ایسَه‌ییدی، گه: ‹بأیید، اَی شومأنی کی می پئرٚ جأ برکت فیگیفتیدی، پادشایی‌یَ ارث ببرید، کی جٚه اوّلٚ خلقتٚ دونیا شِمره آمادَه بوسته‌بو.

متّی 5:12

خوشحال بیبید و شادی بوکونید، چونکی بأزین آسمانٚ جور پیله پاداش شیمی شین به، چره کی هَطویم پیغمبرأنی کی پیشتر بموییدی اذیت و آزار بیده‌ییدی.

مَرقُس 8:38

چره کی هرکی اَ زناکار و گوناهکارٚ نسلٚ میأن، من و می گبأنٚ جأ عارناموس بدأره، اینسأنٚ پسرم، او وختی کی خو پئرٚ جلالٚ دورون، موقدّسٚ فرشته‌یأنٚ اَمرأ اَیه، اونٚ جأ عار دأره.»

لوقا 17:30

روزی کی اینسأنٚ پسر بأیه، هو روزأنٚ مأنستن بِه.

اعمالٚ رسولأن 16:25

نزدیکٚ نصفٚ شب بو کی پولُس و سیلاس دوعا کونان و سرود خوأنان خودایَ ستایش کودید و زندانیأنٚ دیگرم گوش دَئن دیبید،

اعمالٚ رسولأن 5:41

رسولأن شورا جأ بیرون بوشوییدی و خوشحال بید کی اینتخاب بوبوسته‌بید کی عیسی نامٚ وأسی توهین بیبید.

فیلیپیان 3:10

خوأیم مسیح و اونٚ قیام کودنٚ قوّتَ بشنأسم و اونٚ درد و رنجٚ اَمرأ شریکَ بم و اونٚ مرگٚ مره ایتأ ببم،

۱پطرس 1:13

پس شیمی حواسَ جمَ کونید و پرهیزکاری اَمرأ تومامٚ شیمی اومیدَ بنید او فیضٚ سر کی عیسی مسیحٚ ظوهورٚ موقع شمرَ عطا به.

۱پطرس 2:21

چره کی هَنٚ وأسی دعوت بوبوستیدی، چونکی مسیح شیمی وأسی عذاب بکشه و شِمرِه سرمشق بنَه کی اونٚ رأیَ بیشید.

۱پطرس 5:1

من کی خودم روحأنی رهبرأنٚ جأ ایسم و مسیحٚ رنج کشئنٚ شاهدم و هَطویم او جلالٚ جأ کی آشکار به، شیریکم، شیمی روحأنی رهبرأنَ تأکید کونم:

۱پطرس 5:10

بعدٚ اَنکی ایتأ کوجه مودّت زمأت رنج بکشه‌ییدی، خودایی کی تومامٚ فیض اونٚ جأ ایسه، کی شمرَ در مسیح دعوت بوکوده کی خو جلالٚ اَبدی دورون شریک بیبید، خودش شمرَ دوواره راستَ کونه و شمرَ اوستوار، قودرتمند و پا بر جا کونه.