۱پطرس 4:12 - کیتاب مقدّس به گیلکی (رشتی)

¹² اَی عزیزأن، جٚه اَ آتشی کی آزمایش بوستنٚ وأسی شیمی میأن رأ دکفته، قاقَ نیبید و خیال نوکونید کی ایتأ عجیبٚ ایتفاق شمرَ دکفتن دره،

Gilaki New Testament

¹² اَی جأنٚ دیلأن، قأق و مأتٚ نیبید چٚره ایمتحأن و زحمت شِمِره نٚهأ و فیکر و خیأل نوکونید کی ایتأ عجأیب غرأیبٚ ایتفأق شِمِره دکفته، چونکی اَ سختیأن، شیمی ایمأنٚ ایمتحأن کودنٚ وأسی ایسه.

کتاب مقدس به زبان گیلکی - گویش شرقی

¹² أی عزیزؤن، ای آتش أجی کی شمره أزمیت گیتن ئبه شیمئه مئن دکته، ماتأنبین، کی بخألئه یکته عجایب غرایب چی شیمئه سر بمأ.

کتاب مقدس به زبان گیلکی - گویش رشت و غرب گیلان

¹² اَی عزیزان، جه اَ آتشی کی شیمی امتحان کودنِ واسی شیمی میان دَکفته، ماتَ نیبید، انگار کی عجیبِ چی شیمی سر بامو دَره.

۱پطرس 4:12 ပူးပေါင်းရင်းမြစ်များ

دانیال 11:35

ایتأ عده حکیمأن کفیدی و اَطویی پاک و تیمیز و بی‌عیب بیدی و اَ وضع ایدامه دأره تا آخرٚ زمأن فأرسه، چره کی اونٚ وخت تعیین بوبوسته.

۱پطرس 2:11

اَی عزیزأن، تمنا کونم شومأن کی اَ دونیا دورون غریب و بی‌کس ایسیدی، جٚه نفسٚ خوأهشأن کی شیمی روحٚ اَمرأ جنگستَن دریدی، دوری بوکونید.

۱پطرس 4:4

اوشأن قاقَ بیدی کی هسأ تومامٚ اَ لاابالی‌گری سیلٚ دورون شومأن دِه اَشأنٚ اَمرأ شرکت نوکونیدی و شمرَ فحش و فلاکت دیهیدی.

۱پطرس 5:9

پس شیمی ایمأنٚ دورون قایم بیبید و اونٚ جُلُو بِیسید، چره کی دأنیدی شیمی برأرأنم دونیا همه جا اَ رنجأنٚ دورون دکفتیدی.