۱پطرس 3:11 - کیتاب مقدّس به گیلکی (رشتی)

¹¹ وأسی بدی جأ رو وأگردأنه و خوروم کارأن بوکونه، آرامشٚ رِه وأمجه و اونٚ دونبأل ببه.

Gilaki New Testament

¹¹ وأستی بدی جَا سیوأ وأبه و خودشٚ کردکأر، آرأمٚش و مهرٚوأنی اَمرأ بٚبه.

کتاب مقدس به زبان گیلکی - گویش شرقی

¹¹ خأن بدی جی دوری بوکونه و خوبی بوکونه؛ صلح و سلامتی دومبال دبون و اونه دومبال بوکونه.

کتاب مقدس به زبان گیلکی - گویش رشت و غرب گیلان

¹¹ بایستی بَدی جا دوری بُکونه و خُبی بُکونه؛ صلح و سلامتی دُمبال بگرده و اونِ دُمباله رو بِبه.

۱پطرس 3:11 ပူးပေါင်းရင်းမြစ်များ

ایوب 1:1

««عوصٚ» سرزیمینٚ دورون ایتأ مردای زندگی کودی کی اونٚ نام ایوب بو. او مردای هیچ عیبی نأشتی و دوروستکار و خوداترس بو و بدی جأ دوری کودی.

ایوب 2:3

خوداوند شیطانَ بوگفته: «تی فیکر، می خادم ایوبٚ رو نهَه؟ اونٚ مأنستن هیکس زیمینٚ سر نِیسَه. هیچ عیبی نأره و دوروستکار و خوداترسه و بدی جأ دوری کونه. اون هَطویی خورَه بدأشته با اَنکی مرَ انتریک بوکودی کی اونَ بی‌دلیل ضرر برسأنم.»

ایوب 28:28

و اینسأنَ بوگفته: ‹وأ بدأنید حکمت، خودا جأ ترسئن ایسه، و فأم، بدی جأ دوری کودنه.›»

مزامیر 34:14

بدی جأ رو وأگردأن و خوروم کارأنَ پیشَ گیر، آرامشٚ رِه وأمج و اونٚ دونبأل بوبو.

مزامیر 37:27

تی دیمَ بدی جأ وأگردأن و خُبی بوکون؛ بأزین تا اَبد زندگی کونیدی.

متّی 5:45

اَطویی شیمی آسمانی پئرٚ زأکأن ایسیدی، چونکی خودا خو نورٚ آفتابَ خوروم آدمأنَ و بدٚ آدمأنٚ رِه ایجور تابأنه و خو وارشم دوروستکارٚ آدمأن و نافرمانٚ آدمأنٚ رِه یکسان وأرأنه.

متّی 5:9

خوشا بحالٚ کسأنی کی صلح طلب ایسیدی، چونکی اوشأن خودا زأکأن دوخوأده بیدی.

متّی 6:13

اَمرَ وسوسه‌یأنٚ جأ دور بدأر و او شریر جأ نجات بده. چونکی پادشایی، قودرت و جلال، تا اَبد تی شینه. آمین.

مَرقُس 14:7

فقیرأنَ همیشه شیمی اَمرأ دأریدی و هر وخت بخوأیید تأنیدی اوشأنَ کومک بوکونید، ولی من همیشه شیمی ورجأ نِئسَم.

لوقا 1:79

تا اوشأنی‌یَ کی تاریکی و مرگٚ سایه دورون ایسَه‌ییدی، دتأوه و اَمرَ صلح و سلامتی طرف هیدایت بوکونه.»

لوقا 6:35

شومأن وأ شیمی دوشمنأنَ دوس بدأرید و اوشأنَ خُبی بوکونید و پولی‌یَ کی قرضَ دیهیدی، اونٚ پسَ گیفتنٚ رافا نئیسید. بأزین ایتأ پیله پاداش آسمانٚ جور فیگیریدی. شیمی هَه کارأنٚ اَمرأ موتعالٚ خودا زأکأن بیدی، چونکی خودا خطاکارأن و ناسپاسانٚ اَمرأ مهربانی مره رفتار کونه.

لوقا 6:9

عیسی فریسیأن و دینٚ علمایَ بفرمأسته: «شمرَ ایچی وأورسم، مرَ جواب بدید. شَبّاتٚ روزٚ دورون خُبی کودن جایزه یا بدی کودن؟ اینسأنٚ جانَ نجات دَئن یا اونَ هلاکَ کودن؟»

یوحنا 17:15

می درخوأست اَن نی‌یه کی اوشأنَ از اَ دونیا ببری، بلکی خوأیم از شَرور موحافظت بوکونی.

۱پطرس 3:12

چونکی خوداوندٚ چوم پارسا آدمأنَ فندره و اوشأنٚ دوعایَ گوش دهه ولی خو رویَ بدکارأنٚ جأ وأگردأنه.»