۱پطرس 2:9 - کیتاب مقدّس به گیلکی (رشتی)

⁹ ولی شومأن ایتأ اینتخاب بوبوسته میلت و ایتأ مملکت جٚه کاهنأن و ایتأ موقدّسٚ امّت و ایتأ قومیدی کی فقط خودا شین ایسیدی، کی اونٚ خوروم صفتأنَ اعلام بوکونید، هو خودایی کی شمرَ جٚه تاریکی، خو عجیبٚ نورٚ میأن دعوت بوکوده.

Gilaki New Testament

⁹ امّا شومأن، اوشأنٚ مأنستَن نیئید. شومأن خودا اینتخأب بوبوستيأن و اَمی پأدیشأ، عیسا کأهینأن و ایتأ موقدسٚ قوم ایسید تأ خودا محبتَ مردومٚ نیشأن بدید، چونکی اون شٚمٚره جٚه ظولومأت به خو عجیبٚ نورأن دعوت بوکوده.

کتاب مقدس به زبان گیلکی - گویش شرقی

⁹ أما شمه دؤجئه نسل و کاهینؤنی ایسین کی شاهؤنه کاهینی کؤنین. شمه مقدس میللت و خدا خاص مردوم ایسین تا اون عالی صفتؤنه اعلؤم بوکونین کی شمره تاریکی جی خوشه عجیب نور ئبه دوخؤنده.

کتاب مقدس به زبان گیلکی - گویش رشت و غرب گیلان

⁹ ولی شُمان انتخاب بُبوسته نسل و کاهنانی ایسید کی، شاهانه کاهنی کونیدی. شُمان مقدّسِ ملّت و مردومی ایسید کی خُدا مِلک اید، تا اونِ عالی صفت ئانَ اعلام بُکونید کی شمرأ تاریکی جا خو عجیب نورِ درون دعوت بُکوده.

۱پطرس 2:9 ပူးပေါင်းရင်းမြစ်များ

مزامیر 22:30

نسلأنی کی اَییدی اونَ ختمت کونیدی؛ و اوشأنی‌یَ کی بأزین اَییدی خوداوندٚ جأ خبر دیهید.

مزامیر 33:12

خوش بحالٚ قومی کی یهوه اوشأنٚ خودایه، او مردومأنی کی خودا خو ارث و میراثٚ وأسی اینتخاب بوکوده!

مزامیر 73:15

اگه بوگفته‌بیم: «هَجور گب زنم،» تی نسلٚ زأکأنَ خیانت کودیم.

متّی 4:16

اوشأنی کی تاریکی دورون ایسَه‌بید و هو سرزیمینٚ دورونی مرگٚ سایه اَمرأ ساکن بید، ایتأ پیله روشنایی بیده‌ییدی و اونٚ نور اوشأنٚ رِه بتأبسته.»

متّی 5:16

هَطویی شومأنم وأستی وئلید شیمی نور مردومَ بتأوه کی شیمی خوروم کارأنَ بیدینید و شیمی آسمانی پئرَ ستایش بوکونید.

لوقا 1:79

تا اوشأنی‌یَ کی تاریکی و مرگٚ سایه دورون ایسَه‌ییدی، دتأوه و اَمرَ صلح و سلامتی طرف هیدایت بوکونه.»

یوحنا 17:19

من خودمَ اوشأنٚ وستی تقدیس کونم، تا اوشأنم حقیقتٚ اَمرأ تقدیس بیبید.

اعمالٚ رسولأن 20:28

مواظبٚ خودتأن و تومامٚ گله‌یی کی روح‌القدس شمرَ ناظرٚ اوشأن قرار بده بیبید، چونکی خودا او جمعٚ ایماندارأنَ به قیمتٚ خو خون بیهه. بأزین شومأن وأستی اوشأنَ خُب چوپانی بوکونید.

اعمالٚ رسولأن 26:18

وأستی اوشأنٚ چومأنَ وازَ کونی تا جٚه ظلمتٚ تاریکی به می نور و روشنایی و جٚه شیطانٚ قلمرو به خودا طرف وأگردأنی تا کی اَشأنٚ گونایأن ببخشه ببه و کسأنی ورجأ کی جٚه ایمأن اَوردن به من موقدّس بوبوستید سأم بدأرید.›

اعمالٚ رسولأن 26:28

آگْریپاس وأگردسته، پولُسٚ جأ وَورسه: «تو خوأیی اَ گبأنٚ اَمرأ، مرَ مسیحی چأکونی؟»

فیلیپیان 3:14

خطٚ پایأنٚ فأرسئنٚ رِه حقّٚ سعی زنم، کی پیله دعوتٚ جایزه بدس بأورم کی خودا اونٚ رِه در مسیح عیسی مرَ دوخوأده.

۱پطرس 1:2

اوشأنی رِه کی خودایٚ پئر جٚه قبل در موردٚ اوشأن دأنستی و خودا روحٚ تقدیس کودنٚ مره اینتخاب بوبوستید کی عیسی مسیحٚ جأ ایطاعت بوکونید و اونٚ خون اَشأنٚ سر بپاشأنه ببه. خودا فیض و سلامتی شِمرِه فتّ و فراوان ببه.

۱پطرس 2:5

شومأنم کی زنده سنگأنٚ مأنستن ایسیدی، ایتأ روحأنی عیمارت شیمی جأ بساخته به و اَطویی موقدّسٚ کاهنأن بیدی کی عیسی مسیحٚ نامٚ اَمرأ روحأنی قوربانی‌یأنی کی خودا قوبیل کونه، تقدیم بوکونید.

۱پطرس 4:11

اگه کسی موعظه کودَن‌دره، وأ جوری گب بزنه عینٚ خیالٚ خودا گب زِئن دره؛ و اگه کسی خدمت کونه، او قوّتٚ اَمرأ خدمت بوکونه کی خودا اونَ فدِه، کی همه‌تأ کارٚ دورون خودا نام عیسایٚ مسیحٚ وأسی جلال بیأفه. جلال و قوّت خوداوندٚ شین ببه تا اَبدالاباد. آمین.