۱پطرس 2:21 - کیتاب مقدّس به گیلکی (رشتی)

²¹ چره کی هَنٚ وأسی دعوت بوبوستیدی، چونکی مسیح شیمی وأسی عذاب بکشه و شِمرِه سرمشق بنَه کی اونٚ رأیَ بیشید.

Gilaki New Testament

²¹ اَ رنج و زحمت، ایتأ قیسمت جٚه شیمی خیدمٚتی ایسه کی خودا شٚمٚره بیسپأرده. مسیح شیمی الگویه کی شیمی وأسی زحمت بٚکٚشه. پس اونی رأیَ ایدأمه بدید.

کتاب مقدس به زبان گیلکی - گویش شرقی

²¹ چون شمه هین وأسی دوخؤنده بوبؤین، چون مسیحم شیمئه وأسی عذاب بکشئه و شیمئبه یکته سرمشق بنأ تا اون پاچالهَ پا دنین.

کتاب مقدس به زبان گیلکی - گویش رشت و غرب گیلان

²¹ چون، شُمان هنه ره دعوت بُبوستید، چونکی مسیح ئَم شیمی واسی عذاب بکشه و شمرأ ایتا نمونه بَنه، تا هو رائی کی اون بُشو، شُمانم بشید.

۱پطرس 2:21 ပူးပေါင်းရင်းမြစ်များ

متّی 10:38

«هر کی شمرَ قوبیل بوکونه، مرَ قوبیل بوکوده و هر کی‌یم مرَ قوبیل بوکونه، او کسی‌یَ کی مرَ اوسه کوده، قوبیل بوکوده.

متّی 11:29

می یوغَ شیمی دوشٚ رو بنید و می جأ تعلیم بیگیرید، چونکی من مهربان و فروتنم و شیمی جانٚ میأنی آسایش پیدا کونیدی،

متّی 16:24

بأزین خو شاگردأنَ بفرمأسته: «اگه کسی بخوأیه مرَ پیروی بوکونه، وأستی خورَه اینکار بوکونه، خو صلیبَ اوسأنه و می دونبألسر بأیه.

لوقا 24:26

نأنستیدی قبلٚ اَنکی مسیح به خو جلال برسه وأستی اَ زحمتأن و سختیأنَ بیدینه؟»

یوحنا 13:15

من اَ کارٚ اَمرأ شمرَ سرمشق بنَم تا شومأنم هَطو رفتار بوکونید کی من شیمی اَمرأ بوکودم.

یوحنا 16:33

اَ چیزأنَ شمرَ بوگفتم تا در من آرامش بدأرید، دونیا میأن شومأن به زحمت دکفیدی؛ ولی شیمی دیل قوی ببه، چونکی من بر دونیا غلبه بوکودم.»

اعمالٚ رسولأن 14:22

او شهرأنٚ میأن ایماندارأنَ تقویت و تشویق بوکودیدی کی خوشأنٚ ایمأنٚ دورون قایم بِیسید و اوشأنَ نصیحت بوکودیدی کی «اَمأن سختی‌یٚ زیادی‌یَ وأ پوشتٚ سر بَنیم تا به خودا پادشایی فأرسیم.»

اعمالٚ رسولأن 17:3

و توضیح بده و دلیل بأورده کی لازم بو اَمی گونایأنٚ کفاره وأستی مسیح رنج بکشه و جٚه مورده‌یأن ویریزه. اون گفتی: «اَ عیسایَ کی در موردٚ اون شِمره گب زِئن درم، هو مسیح ایسه.»

اعمالٚ رسولأن 9:16

من اونَ نیشأن دهم کی می نامٚ وأسی چی رنجی وأ بکشه.»

فیلیپیان 2:5

شومأنم هوطو فیکر بوکونید کی عیسی مسیح فیکر کودی:

۱پطرس 1:20

اون قبلٚ اَنکی دونیا خلق ببه، اینتخاب بوبوسته‌بو ولی هسأ کی آخرٚ زمأن ایسه شیمی وأسی ظوهور بوکوده.

۱پطرس 2:24

مسیح خودش اَمی گونایأنَ خو جانٚ اَمرأ صلیبٚ سر ببرده کی گوناهٚ رِه بیمیریم و پارسایی رِه زندگی بوکونیم، هونی کی اونٚ زخمأنٚ اَمرأ شفا بیگیفتید.

۱پطرس 3:18

چره کی مسیح هم ایوار گونایأنٚ وأسی رنج بکشه، ایتأ پارسا، بدکارٚ آدمأنٚ وأسی، کی شمرَ خودا ورجأ بأوره. جٚه نظرٚ جسمأنی بمرده ولی جٚه نظرٚ روحأنی زندَه بوسته،

۱پطرس 3:9

بدی‌یَ بدی اَمرأ و فحشَ فحشٚ اَمرأ جواب ندید بلکی در عوض، برکت طلب بوکونید چونکی هَنٚ وأسی دعوت بوبوستیدی کی برکتَ ارث ببرید.

۱پطرس 4:1

پس جٚه اَ خأطر کی مسیح خو جسمٚ دورون رنج بکشه، شومأنم هَه تصمیمٚ اَمرأ مسلح بیبید، چونکی او کسی کی خو جسمٚ دورون رنج بکشه دِه گوناه اَمرأ کاری نأره.

۱پطرس 4:13

بلکی جٚه اَ خأطر خوشحال بیبید کی عیسی مسیحٚ رنجأنٚ دورون شریکیدی، کی اونٚ جلالٚ ظوهورٚ وخت، تومام و کمال شاد بیبید.