۱پطرس 2:11 - کیتاب مقدّس به گیلکی (رشتی)

¹¹ اَی عزیزأن، تمنا کونم شومأن کی اَ دونیا دورون غریب و بی‌کس ایسیدی، جٚه نفسٚ خوأهشأن کی شیمی روحٚ اَمرأ جنگستَن دریدی، دوری بوکونید.

Gilaki New Testament

¹¹ جأنٚ دیلٚ برأرأن، شومأن اَ دونیأ میأن ایتأ رأدٚوأر ویشتر نیئید و شیمی اصلی خأنه آسمأنٚ میأن نٚهأ. جٚه اَ خأطر، شیمی جَا خأهیش کونم خودتأنَ جٚه اَ دونیأ وسوسه‌یأن کی پور جٚه گونأیه دؤر بٚدأرید. شومأن اَ جور خأسته‌یأن و هوسأنٚ رِه چأکوده نوبوستید، اَنی وأسی ایسه کی اوشأن شیمی روح و جأن اَمرأ جنگ و دعوأ کودأندرد.

کتاب مقدس به زبان گیلکی - گویش شرقی

¹¹ أی عزیزؤن، شمرأجی کی ای دونیای مئن مسافر و غریبین خواهش کؤنم کی جسم هوا و هوس أجی کی شیمئه روح ضید جنگسه دره، دوری بوکونین.

کتاب مقدس به زبان گیلکی - گویش رشت و غرب گیلان

¹¹ ای عزیزان، شیمی جا کی اَ دُنیا درون مسافر و غریبید خواهش کونَم کی جسمِ هوا و هوس جا کی شیمی روحِ ضد جنگ کودَن دَره، دوری بُکونید.

۱پطرس 2:11 ပူးပေါင်းရင်းမြစ်များ

پیدایش 21:34

و ایبراهیم مدت زماتٚ زیادی فلسطینیأنٚ سرزیمینٚ دورون ساکن بوبوسته.

پیدایش 23:4

«من شیمی میأن غریبم و بَموم اَیه ساکن بوبوستم. ایتأ قبر مرَ بوفروشید تا من بتأنم می مُرده‌یَ اویه دفنَ کونم.»

پیدایش 47:9

یعقوب بوگفته: «صد و سی ساله کی زیمینٚ سر کوچ کودن درم. می عمرٚ سالأن پور جٚه درد و رنج و کوتاه بو و به طولٚ سالأنٚ کوچ کودنٚ می اجداد فَنرسه.»

مزامیر 39:12

اَی خوداوند، می دوعایَ بیشنأو، می ایجگره صدایَ گوش بدن، به می گریه صدا تی گوشَ نوأ دٚوٚستن چونکی تی ورجأ ایتأ مهمانٚ مأنستن ساکن بوبوستم، هَچین ایتأ غریبه، تومامٚ می آبا و اجدادٚ مأنستن.

لوقا 21:34

«شیمی حواسَ جمَ کونید، ونألید شیمی دیلأن جٚه زیاد خوردن، مستَ بوستن و فیکرأنی کی اَ دونیا شینه، تیره و تار ببه، تا او روزی کی من اَیم شومأن غافلگیرَ نیبید.

اعمالٚ رسولأن 15:20

بلکی غیریهودیأنٚ‌ره بینیویسیم کی جٚه خوردنٚ قوربانی‌یٚ بُتأن، بی‌عفتی‌ آدمأن، حیواناتی کی خفَه بوستیدی و خون، دوری بوکونید.

اعمالٚ رسولأن 15:29

جٚه خوردنٚ قوربانی‌یٚ بت‌پرستأن و خون و گوشتٚ حیواناتی کی خفَه بوستیدی و بی‌عفتی‌یٚ آدمأن. اگه اَ کارأنَ نوکونید، کارٚ پسندیده بوکودیدی. خودا همه‌تأنٚ شمرَ بدأره.»

۱پطرس 1:1

جٚه عیسی مسیحٚ رسول، پطرس، اینتخاب بوبوسته‌یأن، هو غریبٚ کسأنی وأسی کی پونتوس و غَلاطیه و کاپادوکیه و آسیا و بیطینیه میأن پراکندَه بوستیدی،

۱پطرس 1:17

شومأن، او کسی‌یَ پئر دوخوأنیدی کی هر کسَ اونٚ کارأنٚ وأسی بی‌طرفداری داوری کونه، پس شیمی غربتٚ دورانَ ترسٚ اَمرأ بوگذرأنید،

۱پطرس 4:12

اَی عزیزأن، جٚه اَ آتشی کی آزمایش بوستنٚ وأسی شیمی میأن رأ دکفته، قاقَ نیبید و خیال نوکونید کی ایتأ عجیبٚ ایتفاق شمرَ دکفتن دره،

۱پطرس 4:2

و اَطویی بقیه‌یٚ خو عمرَ جسمٚ دورون، نفسٚ ناجورٚ خوأسته‌یأنَ خدمت نوکونه بلکی خودا ایراده انجام دَئنٚ وأسی گوذرأنه.