۱پطرس 2:1 - کیتاب مقدّس به گیلکی (رشتی)

¹ هَنٚ وأسی هر جور کینه و تومامٚ دغلبازی، دوز و کلک و حسودی و همه جور پشتٚ سر گب زِئنَ شیمی جأ دورَ کونید

Gilaki New Testament

¹ بأزین، خودتأنٚ وجودَ جٚه هر چی کینه و دوشمنی، دوز و کلک و دورویی، حسودی و پوشتٚ سٚر نأجورٚ گب زِئن پأکٚ کونید.

کتاب مقدس به زبان گیلکی - گویش شرقی

¹ پس هرجور بدی و هرجور چاچولبازی و دورویی و حسودی، و هر ایفترا شمرأجی دورأکونین

کتاب مقدس به زبان گیلکی - گویش رشت و غرب گیلان

¹ پس هر جور بَدی، و هرجور حیله و دورویی و حسودی، و هر افتراییَ شیمی جا دورَ کونید.

۱پطرس 2:1 ပူးပေါင်းရင်းမြစ်များ

ایوب 36:13

«خودا نشنأسأن خوشأنٚ غیظَ تلنبارَ کونید، و وختی اوشأنَ بندٚ دورون تأوده، کومکٚ وأسی داد و فریاد نوکونید.

مزامیر 32:2

خوشا بحالٚ کسی کی خوداوند اونٚ گونایَ بحیساب نأوره، و مکر و حیله اونٚ روحٚ میأن ننَه.

مزامیر 34:13

تی زوانَ بدی جأ دور بدأر و تی لبأنَ گول زِئنٚ جأ.

مزامیر 37:1

شرورٚ آدمأنٚ وأسی، حرص و جوش نوأ خوردن، و بدکارأنٚ وأسی حسودی نوکون.

مزامیر 73:3

چونکی مغرورٚ آدمأنٚ ره حسودی بوکودم و شرورأنٚ سلامتی‌یَ بیدم.

متّی 15:7

اَی ریاکارأن! اِشعیای نبی درباره‌یٚ شومأن چی خُب پیشگویی بوکوده کی بوگفته:

متّی 23:28

شومأنم هَطو مردومٚ جُلُو شمرَ دوروستکار نیشأن دیهیدی ولی شیمی باطن پور جٚه ریاکاری و شرارته.

متّی 24:51

و اونَ تیکه‌تیکه کونه و تأوده جایی کی ریاکارأن ایسَه‌ییدی، جایی کی گریه کونیدی و دندانأنَ سر به سر سابیدی.

متّی 7:5

اَی ریاکار، اوّل او روبارخالَ تی چومٚ جأ بیرون بأور، بأزین بهتر تأنی بیدینی تا پرٚ کاهَ تی برأرٚ چومٚ جأ بیرون بأوری.

مَرقُس 12:15

ولی عیسی اوشأنٚ دورویی‌یَ بفأمسته و بوگفته: «چره مرَ آزمایش کونیدی؟ ایتأ سکه بأورید می ورجأ کی اونَ بیدینم.»

لوقا 11:44

وای بر شومأنی کی بی‌نام و نیشانٚ قبرأنٚ مأنیدی کی مردومأن نأنسته‌بو اوشأنٚ سر لقد نهیدی.»

لوقا 12:1

وختی کی هیزارأن نفر مردومأن جمَ بوسته‌بید، ایجوری کی کس‌کسَ پا جیر کفتیدی و لقد دمج کودیدی، عیسی اوّل وأگردسته خو شاگردأنَ بفرمأسته: «فریسیأنٚ مأنستن نیبید. هَطو کی تورشٚ خمیر تومامٚ خمیرٚ رو اثر کونه، فریسیأنٚ ریاکاری‌یم اینسأنَ آلودَه کونه.

لوقا 6:42

چوطویی تأنی تی برأرَ بیگی: ‹اَی برأر جان، بِیس او پرٚ کاهَ تی چومٚ جأ بیرون بأورم› در صورتی کی ایتأ پیله‌دأنه چوبَ تی چومٚ دورون نیدینی؟ اَی ریاکار، اوّل او چوبَ تی چومٚ جأ بیرون بأور تا بتأنی بهتر بیدینی. بأزین پرٚ کاهَ تی برأرٚ چومٚ جأ بیرون بأور.

یوحنا 1:47

وختی عیسی بیده کی نَتَنائیل اونٚ طرف اَمون دره، درباره‌یٚ اون بوگفته: «حقیقتاً کی اَنه او مردٚ ایسرائیلی کی در اون هیچ مکر و حیله‌یی پیدا نیبه!»

۱پطرس 2:16

او کسأنٚ مأنستن زندگی بوکونید کی کاملاً آزاد ایسید ولی آزادی اَمرأ شیمی گونایأنَ لاپوشأنی نوکونید بلکی خودا خدمتگوزارأنٚ مأنستن زندگی بوکونید.

۱پطرس 2:22

«اون هیچ گوناهی نوکوده جوفت و کلکٚ اَمرأ گب نزه.»

۱پطرس 3:10

چونکی «هر کی حیاتَ ناجه دأره و خوأیه خوروم روزأن بیدینه وأسی بدی‌یَ خو زوانٚ جأ دور بدأره و جوفت و کلکَ خو لبأنٚ جأ.

۱پطرس 4:2

و اَطویی بقیه‌یٚ خو عمرَ جسمٚ دورون، نفسٚ ناجورٚ خوأسته‌یأنَ خدمت نوکونه بلکی خودا ایراده انجام دَئنٚ وأسی گوذرأنه.

۱پطرس 4:4

اوشأن قاقَ بیدی کی هسأ تومامٚ اَ لاابالی‌گری سیلٚ دورون شومأن دِه اَشأنٚ اَمرأ شرکت نوکونیدی و شمرَ فحش و فلاکت دیهیدی.