Yuda 1:14 - Bbaibbuli y'oLugwere

¹⁴ Era oku basomesya abanyere abo nago Enoka owʼekizukulu kyomusanvu okuzwera nakimo okwAdamu, beyalagwireku oweyakobere ati, “Aale mubone oMusengwa oYesu aiza nʼenkumi nʼenkumi gyʼabamalaikabe abatukulye,

Yuda 1:14 ပူးပေါင်းရင်းမြစ်များ

ENtandiika 5:18

OYaledi oweyabbaire nga wʼemyanka 162, nʼabyala omwana omwisuka bati, Enoka.

Matayo 16:27

Ekyo nkitumula olwʼokubba oMwana wa Muntu ayaba okwizira omu kitiisya kya Iteeye, nʼabamalaikabe, era awo awe nabuli muntu empeeraye, ngʼasinzirira ku biibyo nabuli muntu ebiyakolere.

Matayo 25:31

Awo oYesu nʼabakobera ati, “OMwana wa Muntu omu kitiisyakye oweyaliira era ngʼali nʼabamalaikabe bonabona, yalityama omu ntebeye eyʼekitiisya.

AMateeka 33:2

Yakobere ati, “OMusengwa yaizire e gituli ngʼazwera oku Lusozi oSinaayi, nʼazwayo ooti isana nʼatubonekera ngʼazwera omu Seiri; nʼayaka ooti isana ngʼasinzirira oku Lusozi oPalani. Yaizire nʼemitwalo gyʼabatuukirirye, oku ngaloye endiiro kwabbaireku omusyo ni gutwakira.

1 Abʼe Sesalonika 3:13

Akalangule emyoyo gyanywe, oMusengwa waiswe oYesu oweyaliiza aamo nʼabantube abatukulye, kaisi olwo abaajirye nga mubulaku ekyokubanenya, nga mutuukiriire omumaiso ga Kibbumba era oItewaiswe.

AbʼEbbulaniya 12:22

Neye inywe okubitira omu kwikirirya mwizire ku Lusozi oSayuuni, era mu kibuga kya Kibbumba onanyere obwomi, era mwizire mu Yerusaalemi ekyʼomwigulu, abamalaika enkumi nʼenkumi egibakumbaaniire omwisangaalo.

Kubiikula 1:7

“Ngoyo aizira oku bireri. Abantu bʼentumu gyonagyona balimubona, era nʼabo abamusumutire balimubona. Abantu abatamwikirirya bonabona oku kyalo balikubba enduulu okululwe.” Niikyo owekyalibba. Amiina.

Kubiikula 5:11

Awo ni nningirira era ni mpulira eigono eryʼabamalaika abangi, enkumi nʼenkumi, obukaire nʼobukaire, nga beeruguuliriirye entebe eyʼobwakabaka nʼebibbumbe ebyomi, nʼabakaire.