Yona 1:3 - Bbaibbuli y'oLugwere

³ Neye oYona omu kifo kyʼokwaba e Nineeve, nʼakwata nzira gendi, nʼataka kwaba Talusiisi olwo ayezye okwiruka oMusengwa. Awo oYona nʼaserengeta oku mwalo e Yoopa e giyayajiirye emeeri eyaba e Talusiisi, nʼasasula empiiya egyʼentambula, nʼaingira omu meeri eyo ni baaba, olwo ayezye okwiruka oMusengwa.

Yona 1:3 ပူးပေါင်းရင်းမြစ်များ

ENtandiika 3:8

Awo akanaigulo ako omusaiza nʼomukaliwe, ni bawulira ensindo gya Musengwa ngʼatambula omu musiri nago, ni bamwebisaku omu misaale gyʼomu musiri nago.

ENtandiika 4:16

Kale oKaini nʼazwa omumaiso ga Musengwa, nʼayaba nʼatyama omu kyalo kyʼe Noodi ekiri e buzwaisana wʼEdeni.

EZabbuli 107:23

Abamo baseeyeeyeire oku nyanza omu meeri; nga batambulya ebyamaguli oku gunyanza.

Yona 1:10

Abavugi bʼemeeri owebawuliire ekyo, emyoyo ni gibakutuka era ni bamubuulya bati, “Okolere niki ekyo?” Bamubwirye batyo olwʼokubba oYona yabbaire amalire okubakobera ngʼobwali kwiruka ku Musengwa.

Yona 4:2

Omu kusabakwe nʼakoba oMusengwa ati, “Aale Musengwa, ekyo tiniikyo ekinakobere nga nkaali ndi e waiswe nti kiwakola? Era niikyo ekyo ekyagirire ni neeyuna okukwirukaku neeyabire e Talusiisi. Namaite nti iwe oli Kibbumba owʼekisa era osaasira, olwawo okusunguwala, era owʼokutaka okutakoma era omutegeke okucuusa ekiseego nʼoleka okubonereza omuntu.

Luuka 9:62

Neye oYesu nʼamwiramu ati, “Ngʼomuntu akwata enkumbi yʼente kaisi nʼalolyamika e nyuma owaatabba wamugaso, atyo nʼomusengereri wange alolyamika e nyuma tabba wamugaso omu bwakabaka bwa Kibbumba.”

Bikole 15:38

Neye ekyo ekyʼokwaba nʼomuntu eyabeekutwireku nʼabaleka omu Panfiriya, oPawulo iye nʼatakisiima.

Bikole 26:19

“Nʼolwekyo, kabaka Agulipa, zena tinajeemeire ebiragiro ebinasunire omu kwolesebwa okwo okwazwire omwigulu.

Bikole 9:36

Omu kibuga kyʼe Yoopa mwabbairemu omukali omwikirirya eriinalye bati Taabbiisa, omu Luyonaani bati Doloka. OTaabbiisa oyo yabbaire muntu akola ebikole ebisa bulijo era ngʼabbeera ino abadoobi.

Bikole 9:38

Atyanu, akabuga oYoopa kabbaire kumpikumpi nʼakabuga oLiida. Kale abaikirirya abʼomu Yoopa owebakiwuliireku bati oPeetero ali omu Liida, ni batumayo abasaiza babiri e giri oPeetero okumwekungirira bati, “Tukwegairiire, oizeku e waiswe era oyanguweku!”

Bikole 9:42

Amawuliro gʼekikole ekyo ni gasalaanikira omu Yoopa mwonamwona, era abantu bangi ni baikiririrya omu Musengwa.

Bikole 9:43

Atyo oPeetero nʼatwala eibbanga eryeraku omu Yoopa, ngʼatyama wʼomusaiza ogubeeta oSimooni omuwaali wʼamadiba.

1 Abʼe Kolinso 9:16

Owendaabba eeri abantu aMawuliro aMasa, timpezya okwenyumiriza olwʼekyo olwʼokubba oKibbumba yandagiire okukikola, era nga mba wakugada owentalaabba aMawuliro aMasa ago.

2 Abʼe Sesalonika 1:9

Balibawa ekibonerezo ekyʼokudamba okwʼemirembe nʼemirembe, ni bababbinga nʼomumaiso ga Musengwa owʼekitiisya eino.

Yoswa 19:46

nʼoMeyalukoni, nʼoLaakoni, nʼekitundu ekiringiriire e Yoopa.