Tito 1:7 - Bbaibbuli y'oLugwere

⁷ Ekyo kityo olwʼokubba omulabiriri ngʼobwali muweererya wa Kibbumba ali nʼokubba ngʼabulaku ekyokumunenya, nga tiyeekudumbalya, nga tasunguwala mangu, nga timunywamwenge, nga timukambwe, era nga talulunkanira ebyobusuni.

Tito 1:7 ပူးပေါင်းရင်းမြစ်များ

ENtandiika 49:6

Tintaka okubeegaitaku omu nkiiko gyanywe, waire okubeegaitaku omu nkumbaana gyanywe. Ekyo kityo olwʼokubba omu busungu bwanywe, mwaitire abantu, era omwiralu lyanywe, mwatemere ebigere byʼente endaawo ni mubiremalya olwʼokwesangaalya.

ENgero 14:17

Owensire akola bintu byʼobusirusiru; era oyo asalira abainaye enkwe, asuna obucaawe.

ENgero 15:18

Omuntu owensire, asiikuula enyombo, neye omuguminkiriza, aikaikania empaka.

ENgero 16:32

Kisa okubba muntu alwawo okusunguwala okukiraku okubba owʼentalo, era okubba ngʼofuga obusungubwo, okukiraku oyo iye afuga ekibuga.

ABaleevi 10:9

“Iwe nʼabataanebo, timwanywanga enviinyo, ooba ekiteemeerya ekindi kyonakyona, owemwabbanga mwaba okwingira omu Weema eyʼoKunsisinkanirangamu nze oMusengwa. Singa mwalikikola, mwalifa. Era eryo lyabbanga iteeka eryʼenkalaakalira eeri inywe nʼabʼemirembe egyaliirawo.

Matayo 24:45

Awo oYesu ni yeeyongera ati, “Ndi kutumula ku muntu omwesigwa era iye oyo eyegendereza, iye omusengwawe ogwateekawo okulabirira abaweererya abainaye, nʼokubawa omugabo gwabwe ogwʼebyokulya omu kiseera ekituuce.

Luuka 12:42

OMusengwa nʼairamu ati, “Ndi kutumula ku muntu omwesigwa era iye oyo eyegendereza, iye omusengwawe ogwateekawo okulabirira abaweererya abainaye, nʼokubawa omugabo gwabwe ogwʼebyokulya omu kiseera ekituuce.

AbʼEfeeso 5:18

Era timwateemeeranga mwenge, olwʼokubba mwiza kweyononesya ni mubba bafafaagani, wazira munonienge okwizula oMwoyo oMutukulye.

Abʼe Firipi 1:1

Nze oPawulo nga ndi nʼoTemuseewo omuweererya omunange owa Kurisito oYesu, mbawandiikira inywe abantu ba Kibbumba abali omu kibuga kyʼe Firipi, abali ekintu ekimo nʼoKurisito oYesu. Era mpandiikira nʼabalabirizi aamo nʼabadikoni.

Tito 1:5

Nakulekere omu Kuleete nga ntaka otereerye ebyo ebyetaagisya okuteereerya, era oteekewo abeekubbemberi bʼamakanisa mu buli kibuga, ngʼowenakulagiire.

Tito 2:3

Abakali abakulu bona obeegesyenge otyo. Babbenge nʼempisa egisaanira abantu ba Kibbumba, nga tibasibirirya oku banaabwe, era nga tibagalama bʼomwenge. Bali nʼokwegesyanga bintu ebisa, nga kwoteekere okwebityanga ngʼekyokuboneraku,

1 Peetero 4:10

Buli moiza ali nʼokukolesya ekirabo kyʼomwoyo kyonakyona ekiyasunire, olwʼokugasa abandi. Era mutyo mukolesyenge kusani ebirabo byanywe ebyo nago, ebya buli ngeri oKibbumba ebiyabawaire.

1 Peetero 5:2

Dala nze mbakoba nti, mulabirirenge abaikirirya abo oKibbumba ababakwatisya, nga muli ooti baliisya owebalabirira ebiraalo byabwe ebyʼentaama. Era muweereryenge ngʼabalabirizi, ekikoba kiti, nga tirwakubaazya, neye nga mukutaka kwanywe, omu ngeri eyo iyo oKibbumba egyataka mubbeemu. Era timululunkaniranga mpiiya, wazira mubbenge bantu abayayaanira kuweererya.

2 Peetero 2:10

Ikyo ekyo kituuce okukiraku eino eino, eeri abo abaabira oku kwegomba okubbikubbi okwʼemibiri gyabwe era ni batala obwezye bwa Kibbumba. Era abeegesi abʼobubbeyi abo mpaawo ogubatya naire, kadi nsoni tigibakwata nʼokutumula ebyakalebule oku bʼekitiisya.