Matayo 7:7 - Bbaibbuli y'oLugwere

⁷ Awo oYesu ni yeeyongera ati, “Musabenge, era balibawa; Munoonienge, era mwalibona; Mukonkonenge oku lwigi, era balibaigulirawo.

Matayo 7:7 ပူးပေါင်းရင်းမြစ်များ

ENtandiika 26:32

Oku lunaku olunanyere olwo, abaweererya ba Isaka ni baaba ni bamukobera ebikwata okwiruba eribakwire, ni bamukoba bati, “Tutuukire oku maizi.”

EZabbuli 10:17

Oo Musengwa, omaite abanambulaku obubbeeri ekibasuubira. Mazima owulira okukunga kwabwe nʼobairyamu amaani era nʼowulisisya nʼokusaba kwabwe.

EZabbuli 10:4

Omubbimubbi yeewaana era tanoonia oMusengwa. Era omu biseegobye mpaamu Kibbumba.

EZabbuli 119:12

Oo Musengwa nkuwuuja onjegesye amateekago.

EZabbuli 27:8

Mpulira omu mwoyo gwange ngʼonkoba oti, “Onnoonie,” Musengwa, zena njiramu omu mwoyo gwange nti, “Nakunoonianga.”

EZabbuli 34:4

Nanoonerye oMusengwa, nʼanjiramu, era yannunwire mu byonabyona ebyabbaire bintiisya.

EZabbuli 37:4

Eisangaalo olinoonienge mu Musengwa, era yakuwanga ebyo omwoyogwo ebigwegomba.

EZabbuli 50:15

Onjetenge ngʼoli omu bigosi, nakununulanga, era nʼongulumalya.”

EZabbuli 69:32

Abebagadya balibona ekyo, ni basangaala. Ibo abanoonia oKibbumba baliiramu amaani.

EZabbuli 70:4

Oleke abo bonabona abakunoonia, bajaagaane era basangaale oku lulwo. Abo abasiima obununulibwo, bakobenge bulijo bati, “OKibbumba bamugulumalye.”

EZabbuli 86:5

Oo Musengwa, oli musa era osoniya, oli wʼekisa kinene eeri abo bonabona abakusaba.

ENgero 8:17

Ntaka abo abantaka, era abo abanyikiira okunnoonia bambona.

Matayo 18:19

Era oYesu ni yeeyongera ati, “Era tete ekindi, mbakobera nti singa ababiri kwinywe oku kyalo owemwaikirizagananga ni mubbaaku nʼekimusaba, oBbaabba aali omwigulu yakibakoleranga.

Matayo 21:22

Era singa mwabbanga nʼokwikirirya, buli ekimwasabanga oKibbumba mwakisunanga.”

Matayo 6:33

Neye ekikira nakimo, mwemalirenge mu kunoonia bwakabaka bwa Kibbumba era nʼebyataka mukole, kaisi era musune byonabyona ebyo ebimwetaaga.

Matayo 7:11

Kale obanga inywe abakola ebibbibibbi mumaite okuwa abaana baanywe ebirabo ebisa, kaisi oItewaanywe owʼomwigulu tiyalikiraku ino okuwa ebirabo ebisa abo ababimusaba?”

Matayo 7:8

Ekyo kityo olwʼokubba nabuli asaba asuna, era oyo anoonia abona, nʼoyo akonkona oku lwigi bamwigulirawo.

Maako 11:24

Nʼolwekyo mbakoba nti, nabuli ekimwasabanga oKibbumba, mwikiriryenge muti mukisunire, era mwalikisuna.

Luuka 13:25

Kasita onanyere enyumba oweyalibba amalire okwigalawo olwigi, mwalyemerera e nza, ni mutandiika okukonkona oku lwigi nʼokwegairira nga mukoba muti, ‘Musengwa, otwigulirewo olwigi!’ Neye iye yalibairamu ati, ‘Inywe timbamaite era timmaite kadi nʼegimuzwera.’

Luuka 18:1

Awo oYesu nʼagerera abeegibe olugero okubeegesya ati bateekwa okusabanga oKibbumba bulijo anambula okudemba.

Yokaana 15:16

Era tiniinywe omwasalirewo okubba beegi bange, neye ninze enabalonderemu inywe era ni mbateekawo okukolanga ebikole ebisa. Kaisi awo oBbaabba ayezye okubawanga buli ekimusaba nga mubita omu liina lyange.

Yokaana 15:7

Neye owemubba ekintu ekimo na nze, era ni musigala nga mukolera oku bibono ebimbakoba, mwezya okusaba kyonakyona ekimutaka era oKibbumba yakibawanga.

Yokaana 4:10

Awo oYesu nʼamwiramu ati, “Singa obbaire omaite ekirabo oKibbumba ekyataka okukuwa, era singa omaite akusaba amaizi okunywa, wandibbaire omusabire amaizi agaleeta obwomi, era yandigakuwaire.”

Abʼe Looma 2:7

Abo nenca abeekalangulira omu kukola ebikole ebisaaniire ngʼekibasuubira Kibbumba kubasuuca bʼekitiisya omwigulu era nʼokutafa, yalibawa obwomi obutawaawo.

Abʼe Looma 3:11

Mpaawo kadi moiza ategeera oKibbumba, era mpaawo kadi moiza afaayo okumumanya.

AbʼEbbulaniya 11:6

Neye mpaawo muntu ayezya okusangaalya oKibbumba anambula kwikirirya, olwʼokubba buli aiza egiri oKibbumba, ali nʼokwikirirya ati oKibbumba aliwo, era ati awa empeera abo abamunoonia nʼeiganyi.

Yaakobbo 5:15

Okusaba okwo, okwizwire okwikirirya, kwalamya omulwaire oyo, oMusengwa nʼamwisuuca. Era owaabba nga yakolere ebibbibibbi, balibimusoniya.

1 Yokaana 3:22

era ni tusuna nabuli kitumusaba, olwʼokubba tukwata ebiragirobye, era ni tukola ebyasiima.