Matayo 7:2 - Bbaibbuli y'oLugwere

² Ekyo kityo olwʼokubba, ngʼowemusalira abandi emisango, nywena webalibasalira. Era ekipimo ekimukolesya omu kusalira abandi emisango, niikyo ekinanyere ekyo ekibalikolesya okubasalira nywena emisango.

Matayo 7:2 ပူးပေါင်းရင်းမြစ်များ

2 Samwiri 21:5

Ni bakoba okabaka bati, “Iye omusaiza oyo eyatakire okutumalawo kaisi titwabbaku awantu wonawona omwIsirairi,

EZabbuli 109:17

Iye yatakanga kulaama, kale oleke ebiraamibye bimukangire; ngʼowenandi nʼasiimanga okutakirya abantu enkabi, kale oleke gimwesambe.

OKuzwa 21:24

Era owaabba amutoiremu liiso yena bamutoolangamu liiso, owaabba amubbongoiremu liino yena bamubbongolangamu liino. Owaabba amutemwire ku ngalo, yena bamutemulanga ku ngalo, owaabba nga ku kigere yena ku kigere.

Matayo 6:14

“Singa musoniya abantu ababakola ebibalumirirya, oItewaanywe aali omwigulu nywena abasoniya.

Maako 4:24

Era nʼayongereryaku ati, “Mugenderere engeri egimuwulisisya. Ekipimo ekimukolesya okumpulisisya, ekinanyere ekyo niikyo oKibbumba ekiyalikolesya okupima ebiyalibawa, era nʼokwongeraku yalibongereryaku.

Luuka 6:38

Owemwagabanga, nywena mwalisuna. Ebimwalisuna balibapimira omu kipimo ekituuce ekibasiinyire, kaisi ni bakitengeetyamu, era ni kiizulira nakimo nʼomutwe. Kale ekipimo ekimukolesya okupimira abantu, era niikyo ekibalikolesya okubapimira nywena.”

2 Abʼe Kolinso 9:6

Aale mwebukirye muti iye oyo asiga ensigo ngʼakekereza era yalikungula kitono, neye oyo asiga ebingi, era yalikungula bingi.

Yaakobbo 2:13

Ekyo kityo olwʼokubba omuntu atasaasira, balimusalira omusango omumaiso ga Kibbumba nga tibamukwatira kisa naire. Neye era, omu kusala omusango, oKibbumba abba nʼekisa.

Kubiikula 18:6

Era akoba abamalaika ati: “Musasule oBbabbulooni ebintu ebibbibibbi ebiyakolere abandi. Oku bikole ebyʼekibuga ekyo, inywe musingisyewo emirundi mibiri. Obulumi obuyatuucirye oku bainaye mubumutuuceku yena nga mukubbisyamu emirundi mibiri.

ABalamuzi 1:7

Awo Adoni Bbezeki nʼakoba ati, “Abakabaka ensanvu abenatemereku ebinkumu nʼennwe enene, bakumbaanianga obukunkumukira ansi wʼemenza yange. Atyanu oKibbumba ansaswire kiikyo zena ekinabakolere.” Ni bamutwala e Yerusaalemi, era eeyo giyafeereire.

ABalamuzi 5:27

Nʼaika aabigere bya Yayeeri, nʼaganguka nʼagwa; nʼakalambalala aawo. Aabigere bya Yayeeri nʼaika; e giyaikire, aawo giyagwire nʼafa.

1 Samwiri 15:33

Neye oSamwiri nʼakoba ati, “Ngʼempiimayo oweyalekere abakali ababyaire nga babula abaana, atyo omaawo weyaabba omu bakali abainaye yena ngʼabula omwana.” Era oSamwiri nʼaitira Agagi omumaiso ga Musengwa e Girugaali.