Matayo 6:9 - Bbaibbuli y'oLugwere

⁹ “Kale atyanu mumusabenge muti, ‘Itewaiswe aali omwigulu, eriinalyo baliwe ekitiisya,

Matayo 6:9 ပူးပေါင်းရင်းမြစ်များ

2 Samwiri 7:26

kaisi olwo bakugulumalye emirembe gyonagyona, nga bakoba bati, ‘OMusengwa oWabwezye Bwonabwona niiye oKibbumba afuga oIsirairi.’ Era obonere nakimo ngʼabʼebyaire lyange bafuga emirembe gyonagyona.”

EZabbuli 111:9

Yanunwire abantube, nʼakola nabo endagaano eyenkalaakalira. Iye Mutukulye era wʼentiisya.

EZabbuli 115:3

OKibbumba waiswe abba mwigulu, era akola nabuli kyataka.

EZabbuli 72:18

OMusengwa Iye oKibbumba wa Isirairi bamuwuujenge, Iye yenkani akola ebyewunyisya.

ABaleevi 10:3

Awo oMusa nʼakoba Alooni ati, “Kinu niikyo oMusengwa ekiyatumwireku, oweyakobere ati, ‘Eeri abo abansemberera neeragisyanga ngʼobwendi mutukulye era abantu bonabona bampanga ekitiisya.’ ” Neye Alooni nʼasirika-busiriki.

Matayo 10:29

Obunyonyi obubiri bwa laisi ino, neye mpaawo kadi kamo kwibwo akagwa ansi ni kafa okutoolaku oItewaanywe nga niiye atakire atyo.

Matayo 23:9

Era oku kyalo timubbangaku nʼomuntu ogumuwa ekitiisya nga mumweta ‘Itewaanywe,’ olwʼokubba oItewaanywe omu mwoyo ali moiza, era ali mwigulu.

Matayo 26:29

Neye mbakoba nti okuzwa atyanu tinaliirayo tete okunywa ekyokunywa kyʼemizabbibbu, paka owenalikinywa na inywe omu ngeri empyaka, omu bwakabaka bwa Bbaabba.”

Matayo 26:42

Era nʼayaba omulundi gwokubiri, nʼasaba oKibbumba ati, “Bbaabba, ekipimo kinu ekyokugada owekibba nga tikyezeka okukintoolaku paka nga nkinywireku, kale kibbe ngʼowootaka.”

Matayo 5:16

Kale omu ngeri enanyere eyo, ekitangaala kyanywe kyakenge kityo omu bantu, kaisi babone ebikole byanywe ebisa, era olwʼebyo bawuujanga oItewaanywe aali omwigulu.”

Matayo 5:48

“Kale atyanu inywe mubbenge batuukirirye, oItewaanywe aali omwigulu ngʼobwali mutuukirirye.”

Matayo 6:14

“Singa musoniya abantu ababakola ebibalumirirya, oItewaanywe aali omwigulu nywena abasoniya.

Matayo 6:6

Neye owekubba kusaba, oingirenge omu kisengekyo, nʼoigalawo olwigi, kaisi nʼosaba oIteewo oKibbumba iye ataboneka. Era oIteewo oyo abona ebikole byʼomu kyama yalikuwa empeera.

Matayo 7:11

Kale obanga inywe abakola ebibbibibbi mumaite okuwa abaana baanywe ebirabo ebisa, kaisi oItewaanywe owʼomwigulu tiyalikiraku ino okuwa ebirabo ebisa abo ababimusaba?”

Luuka 15:18

Nakanga eeri obbaabba, mmukobe nti bbaabba, nabebenyere egyoli nʼeeri oKibbumba.

Luuka 15:21

Awo omutaane nago nʼamukoba ati, ‘Bbaabba, nabebenyere egyoli nʼeeri oKibbumba. Kale tinkaali mpomera okubba mwanawo!’

Luuka 2:14

“Ekitiisya kibbe eeri oKibbumba omwigulu! Era nʼoku kyalo, eidembe libbe omu bantu abo oKibbumba abaasiima!”

Yokaana 20:17

Awo oYesu nʼamukoba ati, “Tiwaneevambiryaku olwʼokubba nkaali okukanga egiri oBbaabba. Wazira oyabe egiri abaganda bange obakobere oti, ‘Nkanga egiri oBbaabba era oItewaanywe, oKibbumba wange era oKibbumba waanywe.’ ”

Abʼe Looma 1:7

Kale mbawandiikira inywe nywenanywena abali omu kibuga e Looma, oKibbumba abaataka eino, era abeyayetere okubba abatuukirirye. Ekinsaba kiri kiti oKibbumba oItewaiswe nʼoMusengwa oYesu Kurisito babakwatire ekisa, era babawe eidembe.

Abʼe Looma 8:15

Iye oMwoyo oKibbumba oguyabawaire tabasuuca tete bantu abadagaizira omumaiso ga Kibbumba ngʼabagalama owebabba eeri abasengwa baabwe. Wazira, oMwoyo oyo abasuuca bantu oKibbumba abatwala ngʼabaanabe abananyerenyeere, nʼatwezyesya okweta oKibbumba tuti, “Abba,” amakulu gaakyo kiti, “Bbaabba.”

Abʼe Galatiya 1:1

Ninze oPawulo eyasuukire omutume, tirwakusalawo kwa muntu omoiza ooba okwʼekibbubbu kyʼabantu neye lwa kusalawo kwa Yesu Kurisito, na Kibbumba oItewaiswe, eyazuukizire oYesu oyo omu bafu.

Abʼe Galatiya 4:6

Era olwʼokubba tuli baana ba Kibbumba, kagira atuma oMwoyo wʼoMwanawe, omu myoyo gyaiswe. OMwoyo oyo ayeta ati, “Abba,” amakulu gaakyo gati, “Bbaabba!”

1 Temuseewo 6:16

Iye yenkani atafa era abba omu kitangaala abantu ekibateezya kwigereraku, mpaawo eyabbaire amuboineku, era mpaawo ayezya okumubona. Iye wʼekitiisya, era iye wʼobwezye obutawaawo. Amiina.

1 Peetero 1:17

Era ooba ngʼoKibbumba mumweta Itewaanywe iye etiyekubbira ngʼasalira abantu emisango, neye iye ngʼowaasinzirira ku mirimo egibakola, aale mumutyenge nga niiye owemuli aanu oku kyalo ngʼabageni.

Kubiikula 4:11

“Musengwa iye oKibbumba waiswe, osaaniire ekitiisya nʼokukuwuuja, era nʼokubba nʼobwezye, olwʼokubba niiwe eyabbumbire byonabyona. Wabibbumbire, era ni bibbaawo ngʼowewatakire.”

Kubiikula 5:12

Ni batumula nʼeigono eryaminkirira bati: ONtaama oMutomuto wa Kibbumba, iwe ogubaitire, osaaniire okubba nʼobwezye, nʼobusuni, nʼamalabuki, nʼamaani. Era osaaniire ekitiisya, nʼokukugulumalyanga, nʼokukuwuujanga!