Matayo 5:8 - Bbaibbuli y'oLugwere

⁸ Bʼenkabi abo abaseega ku biibyo oKibbumba ebyasiima byonkani, olwʼokubba ibo balibona oKibbumba.

Matayo 5:8 ပူးပေါင်းရင်းမြစ်များ

ENtandiika 32:30

Kale oYaakobbo nʼakoba ati, “Mboine oKibbumba maiso ku maiso, kaisi era ni nsigala nga ndi mwomi!” Nʼolwekyo nʼawa ekifo ekyo eriina Peniyeeri.

2 Samwiri 22:27

Weeragisya ngʼobwoli mulongoole eeri abo abalongoole omu myoyo, neye weeragisya ngʼobwoli muzira eeri ababbibabbi.

EZabbuli 15:2

Niiye oyo onambulaku ekyokumunenya, akola ebituuce, era atumula ebyʼamazima.

EZabbuli 18:26

Weeragisya ngʼobwoli mulongoole eeri abo abalongoole omu myoyo, neye weeragisya ngʼobwoli muzira eeri ababbibabbi.

EZabbuli 24:4

Abo bonkani abakola ebisa, era abaseega ku biibyo oKibbumba ebyasiima byonkani. Era abatawaayo obwomi bwabwe okusinza ebifaananyi, era nga tibalayira ebyobubbeyi.

EZabbuli 51:10

Oo Kibbumba, ombumbiremu omwoyo omulongoole, onteekemu omwoyo omuyaaka era omwesimbu.

EZabbuli 51:6

Iiwe osangaalira mazima omu mwoyo gwʼomuntu. Onsomesya amalabuki omu mwoyo gwange.

EZabbuli 73:1

OKibbumba dala musa eeri oIsirairi, eeri abo abʼemyoyo emirongoole.

ENgero 22:11

Iye oyo ataka okubba nʼomwoyo omulongoole nʼokutumula ebibono ebyʼekisa, asuuka mukaagwa wa kabaka.

Bikole 15:9

Ekikoba kiti, tiyalagire enjawulo aakati waiswe nabo olwʼokubba bona ebibbibibbi byabwe yabibasoniyire lwʼokwikirirya mu Yesu.

1 Abʼe Kolinso 13:12

Atyanu ekitubona oku Kibbumba kifaananaku nʼekifaananyi ekibonekera omu ndabirwamu entangaali. Neye oluzwanyuma twalimubona maiso ku maiso. Era atyanu titumaite buli kintu neye kwolwo twalibimanya byonabyona, ngʼoKibbumba owatutegeerera nakimo iswe.

2 Abʼe Kolinso 7:1

Nʼolwekyo batake bange ngʼowebatusuubizire ebyo, twetukulye okuzwa mwebyo byonabyona ebyonoona omubiri nʼomwoyo, kaisi tubbeere nakimo batukulye olwa kutya oKibbumba.

Tito 1:15

Eeri abalongoole omu myoyo, buli kintu kibba kirongoole. Neye eeri abo aboonoonoki omu myoyo nʼabataikirirya, mwibo timubbaamu kikenene naire, olwʼokubba tobona ngʼobuwongo bwabwe nʼebiseego byabwe bibba byayonoonekere ira.

AbʼEbbulaniya 10:22

twigerere eeri oKibbumba nʼomwoyo ogubulamu bubbeyi, era ogwizwire okwikirirya. Tukikole nga tuli nʼemyoyo emiteere, nga gibulamu okuwulira omusango, era nʼemibiri gyaiswe nga gibulamu bufuduuki bwʼekibbikibbi nga giri ooti baginaabirye nʼamaizi agatukula.

AbʼEbbulaniya 12:14

Mwefudengeku okubba omwidembe nʼabantu bonabona, era mwefudengeku okubba abantu abatukulye, olwʼokubba mpaawo atali omutukulye eyalibona oMusengwa.

AbʼEbbulaniya 9:14

Neye oKurisito abulaku ekyokumunenya, yeewaireyo nʼafa ngʼesadaaka eeri oKibbumba omu maani ga Mwoyo atawaawo. Aale atyanu omusaayegwe tigwalikirawo ino okunaabya emyoyo gyaiswe nga gutoolawo okuwulira omusango olwʼebikole ebibbibibbi, ni tuweererya oKibbumba onanyere obwomi?

Yaakobbo 3:17

Neye amalabuki agazwa omwigulu, okusookera nakimo, gabba makenene, ganoonia idembe, era galeeta okulumirwa abandi, nʼobuwombeeki, nʼokusaasira abandi. Era, gaizwire ebikole ebisa, tigabbaamu kadi kwekubbira, waire obubbeyi.

Yaakobbo 4:8

Mwigerere eeri oKibbumba nga muteeka okwesiga kwanywe mu niiye, yena yaigerera egimuli. Mutukulye obwomi bwanywe inywe abakola ebibbibibbi, mutereerye emyoyo gyanywe inywe ababbeyi.

1 Peetero 1:22

Aale atyanu ngʼowemumalire okutukulya obwomi bwanywe olwʼokugondera amazima kaisi mubbe nʼokutaka aboluganda okwʼamazima, kale mutakanganenge ino nʼomwoyo gumo.

Kubiikula 22:4

Bamubonanga maiso ku maiso, era yaliwandiika eriinalye oku mpumi gyabwe okulaga ati babe.