Matayo 5:7 - Bbaibbuli y'oLugwere

⁷ Bʼenkabi abo abakola ebyʼekisa, olwʼokubba oKibbumba yalibakwatira ekisa.

Matayo 5:7 ပူးပေါင်းရင်းမြစ်များ

2 Samwiri 17:28

Omu kwaba okumusisinkana bamutwaliire ebigonero, nʼebyokusumbiramu nʼebyokuliiramu, nʼengaano, nʼobbaale, nʼobusye, nʼengaano ensiike, nʼebijanjalo, nʼenkolimbo,

2 Samwiri 22:26

Oo Musengwa, weeragisya ngʼobwoli mwesigwa eeri abo abeesigwa egyoli, era weeragisya ngʼobwoli oNambulaku kyokukunenya eeri abo abanambulaku kyokubanenya.

EZabbuli 112:4

Omutuukirirye ekitangaala kimwakira nʼomu ndikiirya, olwʼokubba abba wʼekisa, era alumirwa, era mwenkanya.

EZabbuli 112:9

Agabira abadoobi nʼomwoyo gumo. Era ebikolebye ebyobutuukirirye tibalibyerabira emirembe gyonagyona, bamugulumalyanga ni bamuwa ekitiisya.

EZabbuli 18:25

Oo Musengwa, weeragisya ngʼobwoli mwesigwa eeri abo abeesigwa egyoli, era weeragisya ngʼobwoli oNambulaku kyokukunenya eeri abo abanambulaku kyokubanenya.

EZabbuli 37:26

Bulijo agaba nʼomwoyo gumo, era akoopa abandi, era abaanabe babba nʼenkabi.

ENgero 11:17

Omuntu owʼekisa yeegasa niiye onanyere neye omuntu omukambwe yeeretaku bigosi.

ENgero 11:25

Omugabi yagaigawalanga; iye oyo awa abandi obubbeeri, yena yasunanga.

ENgero 14:21

Iye oyo anyooma omuliranwawe akola kibbikibbi, neye iye oyo akolera abeetaaga ebyʼekisa abba wʼenkabi.

ENgero 19:17

Oyo iye akwatira omudoobi ekisa, abba akoopere Musengwa, era oMusengwa yalimusasula olwʼebisa ebyakolere.

Maako 11:25

“Era nabuli owemwirya emyoyo gyanywe eeri oKibbumba, owewabbaawo abba akolere ekibalumirirya inywe, mumusoniye, kaisi oItewaanywe aali omwigulu atire abasoniye nywena ebikole byanywe ebibbibibbi. [

Luuka 6:35

Neye inywe mutakenge abalabe baanywe, era mubakolerenge ebisa. Mukoopenge nga timufiireyo ooba tibabasasule. Olwo kaisi empeera yaanywe ebbe nene, era mubbe baana ba Kibbumba oNambulaku aMwagaagana, olwʼokubba iye wʼekisa eeri abatasiima nʼababbibabbi.

Abʼe Looma 11:30

ni yeecuusa. Na inywe eira mwajeemeire oKibbumba, okutoolaku kiti atyanu abakwatiire ekisa olwʼobujeemu bwʼaBayudaaya.

1 Abʼe Kolinso 7:25

Atyanu ebikwata oku batali bafumbo, mbula ekiragiro ekizwa eeri oMusengwa, neye ndi kuwaayo ekiseego ekyange ngʼomuntu iye nago omwesigwa olwʼekisa kya Musengwa oYesu.

2 Abʼe Kolinso 4:1

Nʼolwekyo oKibbumba ngʼowatukwatiire ekisa, nʼatuwa obuweererya bunu, titwawaamu amaani.

AbʼEfeeso 4:32

Wazira mubbenge abʼekisa, era nabuli moiza alumirwenge omwinaye, era musoniyaganenge, ngʼoKibbumba oweyabasoniyire inywe ngʼabitira omu Kurisito.

Abʼe Kolose 3:12

Muli bantu oKibbumba abeyalondere okubba ababe, nʼabawa okubba abatukulye era abaataka eino. Nʼolwekyo mubbenge bantu abaizwire okusaasira, nʼekisa, nʼobuwombeeki, nʼeiwooyo, era nʼokuguminkiriza.

1 Temuseewo 1:13

Newankubbaire ngʼeira nʼamutumulangaku bundi, ni muzumiriranga, era ni njiigaanianga abamwikirirya nʼobukambwe obungi, obone owansaasira. Yansasiire lwakubba ebyo nʼabikoleranga mu butamanya, nga nkaali kumwikirirya.

1 Temuseewo 1:16

Neye oKibbumba yankwatiire ekisa, nze akirira nakimo okubba akola ebibbibibbi, kaisi oKurisito oYesu ninze ogwabba alagiraku okuguminkirizakwe okutakoma, era ninze mbe ekyokuboneraku eeri abo abalimwikiriryamu era ni basuna obwomi obutawaawo.

AbʼEbbulaniya 4:16

Kale, atyanu twigerere nʼobumaliriri eeri entebe ya Kibbumba aizwire ekisa, era twasuna okutusaasira nʼokutukwatira ekisa, era nʼokutubbeera nabuli owetwetaagira.

AbʼEbbulaniya 6:10

Iye Kibbumba abba mwenkanya buli kiseera, nʼolwekyo tiyeerabire omulimo ogumwakolere. Era tiyeerabire nʼokutaka okumwamulagire okubitira omu bubbeeri obumwawaire, era obumwekalangula okuwa abatuukirirye.

Yaakobbo 2:13

Ekyo kityo olwʼokubba omuntu atasaasira, balimusalira omusango omumaiso ga Kibbumba nga tibamukwatira kisa naire. Neye era, omu kusala omusango, oKibbumba abba nʼekisa.

Yaakobbo 3:17

Neye amalabuki agazwa omwigulu, okusookera nakimo, gabba makenene, ganoonia idembe, era galeeta okulumirwa abandi, nʼobuwombeeki, nʼokusaasira abandi. Era, gaizwire ebikole ebisa, tigabbaamu kadi kwekubbira, waire obubbeyi.

1 Peetero 2:10

Mwabbaireku bantu abanambulamu, neye atyanu muli bantu ba Kibbumba. Mwabbaireku nga tibabakwatiire ekisa, neye atyanu bakibakwatiire.