Matayo 5:6 - Bbaibbuli y'oLugwere

⁶ Bʼenkabi abo abanzalwa nʼabʼenyonta okukola oKibbumba ebyataka, olwʼokubba oKibbumba yalibaikutya.

Matayo 5:6 ပူးပေါင်းရင်းမြစ်များ

EZabbuli 107:9

Ekyo kityo olwʼokubba abo abali enyonta, iye agibamalaku era aikutya abanzalwa nʼebintu ebisa.

EZabbuli 145:19

Atuukirirya okwegomba kwabo abamutya, era awulira okwekunga kwabwe nʼabanunula.

EZabbuli 17:15

Neye nze nalibba omumaisogo olwʼokubba tinabbengere omusango. Era nalyesiima owenaliramukira ni nkubona maiso ku maiso.

EZabbuli 63:5

Omwoyo gwange gwanogananga ooti muntu aliire ekyokulya ekinoli, era nayembanga nʼeisangaalo okukuwuuja.

EZabbuli 65:4

Wʼenkabi iye oyo ogwolonda nʼomusemberya e gyoli okubbanga omu kifookyo ekitukulye. Twaikutanga ebisa ebyʼomu nyumbayo, ebyʼomu Yeekaaluyo entukulye.

EZabbuli 84:2

Njoya ino, era mpulira nfa okubona oMusengwa e gyabba. Omwoyo gwange nʼomubiri gwange, byekunga nga byegomba oKibbumba onanyere obwomi.

ENgero 10:24

Omubbimubbi ebyatya bimutuukaku; neye abatuukirirye ebibeetaaga babisuna.

ENgero 21:21

Iye oyo eyeefudaku okukola ebyʼobutuukirirye era alaga okutaka asuna obwomi, nʼobutuukirirye nʼekitiisya.

Luuka 1:53

Abali omu kwetaaga abawaire ebintu ebisa bingi, neye abasuni nʼababbinga nga badambaku akantu konakona.

Luuka 6:21

Muli bʼenkabi inywe enzala abeeruma atyanu, olwʼokubba balibaikutya. “Muli bʼenkabi inywe abali omu maliga atyanu, olwʼokubba mwalisangaala.

Luuka 6:25

“Wobe! Ala inywe omwikutire, nga mulabire! Ekyo kityo olwʼokubba inywe enzala yalibaluma. “Wobe! Ala inywe abaseka atyanu, nga mulabire! Ekyo kityo olwʼokubba inywe enima yalibakwata era mwalikunga.

Yokaana 4:14

Neye buli anywa amaizi gadi ageemuwa, enyonta tiyaliiramu okumuluma emirembe nʼemirembe. Era amazima aganyere, amaizi ago agempa omuntu oyo, mwiye galisuuka nsulo eyalimuwa obwomi obutawaawo.”

Yokaana 6:27

Timwemaliranga mu kukolerera kusuna kyokulya ekibebenyeka, wazira mwemalirenge mu kukolerera kusuna kyokulya kidi ekyʼomwoyo abantu ekibalya ni basuna obwomi obutawaawo. Iye agaba ekyokulya ekyo nago niiye oMwana wa Muntu. Ekyo kityo olwʼokubba niiye oKibbumba iye oIteeye oguyawaire akamanyiciryo kʼobwezye obwo.”

Yokaana 7:37

Oku lunaku olusembayo era nga niirwo olukira obukulu oku Mukolo ogwʼoBusiisira, oYesu nʼayemerera, era nʼatumula maaminkirira ati, “Buli muntu enyonta ogweruma, aize egyendi anywe.

Kubiikula 7:16

Tibaliirayo kulumwa nzala nʼenyonta. Eisana tiryalibooca, naabba ekyoca ekindi kyonakyona.