Matayo 5:5 - Bbaibbuli y'oLugwere

⁵ Bʼenkabi abo abʼeiwooyo, olwʼokubba oKibbumba yalibawa byonabyona ebiyabasuubizire.

Matayo 5:5 ပူးပေါင်းရင်းမြစ်များ

EZabbuli 147:6

OMusengwa asetula abebanyooma, neye afafaagania ababbibabbi.

EZabbuli 149:4

Ekyo kityo olwʼokubba oMusengwa asiima abantube; abbeera abawombeeki ni bawangula.

EZabbuli 22:26

Abadoobi baalyanga ni baikuta. Abo abanoonia oMusengwa bamuwuujanga. Emyoyo gyabwe gibbenge myomi emirembe nʼemirembe.

EZabbuli 25:13

Omuntu oyo yaabbanga nʼebyobusuni era eibyairerye lyalisikira ekyalo.

EZabbuli 25:9

Alungamya abawombeeki omu kukola ebintu ebituuce, era nʼabeegesya okukwata amanzirage.

EZabbuli 37:11

Neye ibo abʼeiwooyo balisikira ekyalo, era balibba mwidembe eribitiriri.

EZabbuli 37:22

Abo oMusengwa abaawa enkabi balisikira ekyalo. Neye abo abaalaama balijigirika.

EZabbuli 37:29

Abatuukirirye balisikira ekyalo, era ni bakityamamu emirembe gyonagyona.

EZabbuli 37:34

Weesigenge oMusengwa, era ogonderenge ebiragirobye. Yalikugulumalya, nʼosikira ekyalo. Era walibona ababbibabbi nga babajigirica.

EZabbuli 37:9

Ekyo kityo olwʼokubba abakola ebibbibibbi balibajigirica. Neye abeesiga oMusengwa, balisikira ekyalo.

EZabbuli 69:32

Abebagadya balibona ekyo, ni basangaala. Ibo abanoonia oKibbumba baliiramu amaani.

OKubala 12:3

Atyanu oMusa yabbaire musaiza muwombeeki ino okukiraku omuntu yenayena oku kyalo.

Matayo 11:29

Inywe abananyere mugondere enjegesya yange, era mwegere ku ninze, olwʼokubba ndi wʼeiwooyo era ndi muwombeeki. Era mwasuna ekiwuumulo kyʼemyoyo gyanywe.

Matayo 21:5

“Mukobere abantu bʼe Sayuuni muti: ‘Aale mubone, okabaka waanywe aiza egimuli. Muwombeeki, era aiza ngʼatyaime oku mpunda, ekikoba nti aiza ngʼali oku mpunda omutomuto.’ ”

Abʼe Looma 4:13

Era oKibbumba okusuubiza oIbbulaimu nʼabʼekiizukulukye ati balirya ekyalo kyonakyona, tikyazwire ku kubba kiti yabbaire atuukirirya aMateeka. Kyabbbaire lwakubba kiti oKibbumba yamusiimire, okumusiima okwo nga kwaizirewo lwa iye kwikiririrya mu Kibbumba.

Abʼe Galatiya 5:23

nʼobuwombeeki, nʼokwegendereza. Ebyo bibulaku iteeka eribyakanisya.

AbʼEfeeso 4:2

Mubbenge bawombeeki ino, bʼeiwooyo era baguminkiriza. Era mulagenge okutakangana, nga nabuli moiza aguminkiriza omwinaye ebyabba asoberye.

Abʼe Kolose 3:12

Muli bantu oKibbumba abeyalondere okubba ababe, nʼabawa okubba abatukulye era abaataka eino. Nʼolwekyo mubbenge bantu abaizwire okusaasira, nʼekisa, nʼobuwombeeki, nʼeiwooyo, era nʼokuguminkiriza.

1 Temuseewo 6:11

Kale iwe omuntu wa Kibbumba, weewalenge ebibbibibbi ebyo byonabyona. Osengereryenge ebya butuukirirye, obwomi oKibbumba obwasiima, nʼokwikirirya, nʼokutaka, nʼokuguminkiriza, nʼeiwooyo.

2 Temuseewo 2:25

Era ali nʼokubba muntu ayegesya nʼeiwooyo abo abamwakanisya, amo oKibbumba nʼademba nʼabawa okwenenya ni bamanya amazima.

Tito 3:2

Obasisiitire okutatumulanga bundi oku muntu kadi moiza, era beewalenge oyombo; nga balumirwa abantu bonabona. Era, bawenge buli muntu ekitiisya,

Yaakobbo 1:21

Mulekewo emize gyonagyona nʼempisa embiibbi ebiizwire omu bantu. Mwikiriryenge nʼobugondi bwonabwona ekibono kya Kibbumba ekibabasigiremu ngʼabayezyesya okukiwulira, era ekyezya okulokola obwomi bwanywe.

Yaakobbo 3:13

Boluganda omu Kurisito, mwinywe mulimu eyewulira ati ali nʼamalabuki? Aale agalagirenge mu mpisagye ensa, mu bikolebye ebisa ebyakola, nʼomu bugondi obuzwa omu malabuki.

1 Peetero 3:15

Wazira inywe omu myoyo gyanywe iye oKurisito mumuwenge ekitiisya ngʼoMusengwa waanywe, era bulijo mubbenge beetegeki okwiramu nabuli muntu ababuulya ngʼataka mumusonzolere eisuubi erimulinalyo. Neye mukikolenge na buwombeeki era nga mubawa ekitiisya,

1 Peetero 3:4

Wazira, buli nʼokusinzirira ku kiikyo ekimuli omu bwomi bwanywe obwʼomwoyo. Ibwo nago nga busiipoono obutacucuka, ibwo budi obwa mu mwoyo ogwʼeiwooyo era omuwombeeki. Era obusiipoono obwo ibwo bwʼebbeeyi yʼamaani ino omumaiso ga Kibbumba.