Matayo 5:3 - Bbaibbuli y'oLugwere

³ “Bʼenkabi abadoobi omu bwomi bwabwe obwʼomwoyo olwʼokubba abo obwakabaka bwʼomwigulu ibwo bwabwe.

Matayo 5:3 ပူးပေါင်းရင်းမြစ်များ

EZabbuli 1:1

Wʼenkabi iye oyo atakolera oku malabuki gʼababbibabbi waire okukwata enzira yʼabakola ebikole ebibbibibbi, waire kukolagana nʼabo abanyooma oMusengwa.

EZabbuli 112:1

Muwuuje oMusengwa! Wʼenkabi iye oyo atya oMusengwa, era iye oyo asangaalira eino mu kugondera biragirobye.

EZabbuli 128:1

Wʼenkabi iye oyo atya oMusengwa. Oyo atambulira omu manzirage!

EZabbuli 146:5

Wʼenkabi iye oyo ngʼoKibbumba wa Yaakobbo niiye obubbeeribwe, iye oyo ngʼeisuubirye liri mu Musengwa iye oKibbumbawe,

EZabbuli 2:12

Mukotamye emitwe omumaiso gʼomwanawe okumuwa ekitiisya, nga bbe, yasunguwala nʼabajigirica mangu. Ekyo kityo olwʼokubba obulwabwe tibulwa okusetuka. Neye bʼenkabi abo bonabona abairukira egyali okubakuuma.

EZabbuli 34:18

OMusengwa abba kumpi nʼabawoiremu amaani, anunula abawoireiremu nakimo eisuubi.

EZabbuli 41:1

Wʼenkabi iye oyo alumirwa abadoobi, ebigosi owebimutuukaku, oMusengwa amununula.

EZabbuli 51:17

Esadaaka egyosiima niigwo omwoyo ogwenenya. Omwoyo ogwenenya era ogwikaikana, Kibbumba tiwagugaanenge.

EZabbuli 84:12

Oo Musengwa oWabwezye Bwonabwona, nga wʼenkabi iye oyo akwesiga!

ENgero 16:19

Kisa okwewombeeka nʼobba aamo nʼabebajolonga, okukiraku okugabana ebinyage nʼabʼamalala.

ENgero 29:23

Okwekudumbalya kwʼomuntu, kwalimwica; neye eyeedembula omu mwoyo, bamuwa ekitiisya.

ENgero 8:32

“Atyanu baana bange, mumpulisisye; bʼenkabi ibo abo abakwata amanzira gange.

Matayo 11:25

Awo omu kiseera ekyo oYesu nʼakoba ati, “Nkuwuuja, Bbaabba, iwe oMusengwa afuga eigulu nʼekyalo, olwʼokubba amazima ganu wagabisire abalabuki nʼabategeera, kaisi nʼogamanyikisya bantu ababula ekibamaite ooti baana abatobato.

Matayo 11:6

Wʼenkabi omuntu oyo atambuusabuusamu.”

Matayo 13:16

“Neye inywe muli bʼenkabi olwʼokubba amaiso gaanywe gabona, nʼamatwi gaanywe gawulira.

Matayo 19:14

Neye oYesu nʼakoba ati, “Muleke abaana abatobato baize egyendi, timwabaloberya, olwʼokubba abali ooti baabo, niibo ababba omu bwakabaka bwʼomwigulu.”

Matayo 24:46

Era kyalibba kisa eeri omuweererya oyo, iye omusengwawe oweyaliira kaisi nʼamwajirya ngʼakola ekyo ekiyamulagiire.

Matayo 25:34

“Awo oKabaka ngʼatyaime oku ntebeye nago, yalikoba abo abalibba oku lubba lwʼengalo endiiro ati, ‘Inywe oBbaabba abeyawaire enkabi, mwize mubbe omu bwakabaka obwebabategekeire okuzwa owebabbumbiire ekyalo.

Matayo 3:2

Obukwendabwe bwabbaire buti, “Mwenenye, olwʼokubba obwakabaka bwʼomwigulu bwigereire.”

Matayo 8:11

Era mbakobera nti bangi balizwa e njuyi nʼe njuyi, era ni batyama oku mbaga nʼoIbbulaimu, nʼoIsaka, nʼoYaakobbo omu bwakabaka bwʼomwigulu.

Maako 10:14

OYesu oweyaboine abeegibe ekibakola, nʼanyiiga, nʼabakoba ati, “Muleke abaana abatobato baize e gyendi era timwabaloberya, olwʼokubba abali ooti baabo, niibo ababba omu bwakabaka bwa Kibbumba.

Luuka 11:28

Neye iye oYesu nʼairamu ati, “Tete-so abʼenkabi eino niibo abo abawulira ekibono kya Kibbumba era ni bakikoleraku.”

Luuka 18:14

Awo oYesu nʼabakoba ati, “Mbakobera nti oodi iye owʼoluzwanyuma yakangire e ika ngʼoKibbumba amusoniyire okukiraku oodi ogondi. Ekyo kityo olwʼokubba buli eyegulumalya balimwica, neye iye oyo eyewombeeka balimugulumalya.”

Luuka 22:29

zena mbawa obwezye okufuga obwakabaka nga zena oBbaabba oweyampaire obwezye okufuga,

Luuka 22:30

kaisi muliire oku menza yange omu bwakabaka bwange. Era mwalityama oku ntebe egyʼobufugi eikumi na ibiri ni musalira ebika eikumi na bibiri ebya Isirairi emisango.”

Luuka 4:18

“OMwoyo wa Kibbumba andiku, olwʼokubba oKibbumba yannondere okulaabba aMawuliro aMasa eeri abadoobi. Antumire okukobera abasibe ati bayezya okuzwa omu busibe, nʼaboofu bona ati baiza kwiramu ni babona. Era antumire okukobera abebagadya ati bayezya okusuna eidembe,

Yokaana 20:29

OYesu nʼamukoba ati, “Iwe oikiriirye olwʼokubba omboineku. Ibo nga bʼenkabi abatambonangaku neye ni baikirirya!”

AMateeka 8:2

Era mwebukiryenge oMusengwa iye oKibbumba waanywe ngʼoweyabeekubbembeire omu lugendo lwonalwona, emyanka egyo 40 omwidungu, okubaikaikania nʼokubagezesya, olwʼokutaka okumanya ekiri omu myoyo gyanywe, ooba nga mwakwatanga amateekage ooba bbe.

Yaakobbo 1:10

Nʼomwikirirya omusuni, yena asaaniire yeesiime owebamwicaica olwʼokubba mwikirirya wa Kurisito, olwʼokubba omuntu omusuni owʼoku kyalo kunu azwa kuwaawo ngʼekimuli kyʼokwisubi.

Yaakobbo 1:12

Yeesiimire ino omuntu oyo aguminkiriza omu kiseera kyʼokumukema, olwʼokubba oweyalimala okuwangula, balimuwa obwomi oKibbumba obuyasuubizire abamutaka ngʼengule yʼobuwanguli.

Yaakobbo 2:5

Muwulire, boluganda abatake eino! Abadoobi omu byʼomu kyalo kinu oKibbumba tiniibo abeyalondere okubba abasuni omu kwikirirya, era nʼokusuna obwakabaka obuyasuubizire abamutaka?

Kubiikula 19:9

Omalaika nʼankoba ati, “Owandiike oti, ‘Bʼenkabi abo abebayetere oku mbaga eyʼobugole eya Ntaama oMutomuto wa Kibbumba.’ ” Era nʼankoba ati, “Ebyo ebibono niibyo ebinanyerenyeere oKibbumba ebiyatumwire.”

Kubiikula 22:14

Bʼenkabi abo abooza ebizwalo byabwe ebyʼomu mwoyo ni bitukula, niikwo okusuuka abatukulye olwʼomusaaye ogwasusukire omu kufa kwa Ntaama oMutomuto wa Kibbumba. Ekyo kibawa okubaikirirya okwingira omu kibuga ekyo nga babita mu miryango, era basunire eidembe eryʼokulya oku bineneka ebyʼomusaale ogwʼobwomi obutawaawo.

Kubiikula 3:17

Iwe okoba oti, “Ndi musuni, ndi nʼebintu bingi, mbulaku ekindamba.” Neye nga tomaite oti oli nkudawu asaaniire kukusaasira. Nkubona ngʼoli mudoobi, era omwofu, era aali obwere.