Matayo 4:7 - Bbaibbuli y'oLugwere

⁷ OYesu nʼairamu ati, “Era bakiwandiikire bati: ‘Tokemanga oMusengwa iye oKibbumbawo.’ ”

Matayo 4:7 ပူးပေါင်းရင်းမြစ်များ

EZabbuli 106:14

Nga bali omwidungu babitiriirye okutaka ebyokulya, era owebabbaire eeyo, ni bagezesya oKibbumba.

EZabbuli 78:18

Ni bakema oKibbumba mu kugenderera, nga bamusaba ebyokulya ebibayoya.

EZabbuli 78:41

Emirundi nʼemirundi ni bakema oKibbumba, ni basunguwalya oMutukulye wa Isirairi.

EZabbuli 78:56

Neye era ni bagezesya oKibbumba era ni bajeemera oyo oNambulaku aMwagaagana. Tibakwaite ebiragirobye.

EZabbuli 95:9

ngʼowebankemere ni bangezesya, waire nga babbaire baboine ebinabbaire nkolere.

OKuzwa 17:2

Kale abantu nago ni bayombesya oMusa, nga bakoba bati, “Otuwe amaizi tunywe!” OMusa nʼabairamu ati, “Lwaki munnyombesya? Era lwaki mugezesya oMusengwa?”

OKuzwa 17:7

Era oMusa nʼawa ekifo ekyo eriina ati, Maasa nʼe Meribba, olwʼokubba aBaisirairi bayombere era ni bagezesya oMusengwa nga bakoba bati, “OMusengwa ali na iswe ooba bbe?”

OKubala 14:22

mpaawo oku bantu abo ababoine ekitiisya kyange nʼobumanyiciryo bwʼebyewunyo ebinakolere omu kyalo kyʼe Misiri nʼomwidungu, neye ni banjemera era ni bangezesya emirundi giinu atyanu ikumi, era nandi ni bagondera eigono lyange,

Matayo 21:16

Kale ni bakoba oYesu bati, “Owulira abaana abo ebibakoba?” Awo oYesu nʼabairamu ati, “Niikyo ekyo. Neye timusomangaku eKiwandiike ekikoba kiti, ‘Wayegeserye abaana abatobato nʼebibbuuta okukuwuuja kusani!’ ”

Matayo 21:42

Awo oYesu nʼababuulya ati, “Timukisomangaku omu Biwandiike ekiti? ‘Eibbaale abombeki eribagaine, lisuukire niiryo erikulu erisiba ensonda. Ekyo oMusengwa niiye eyakikolere, ni tukibona, ni tukyewunya.’ ”

Matayo 4:10

Awo oYesu nʼamukoba ati, “Sitaani! Onzwe omumaiso, bakiwandiikire bati: ‘Osinzenge Musengwa iye oKibbumbawo, era guwaweereryanga yenkani.’ ”

Matayo 4:4

OYesu nʼamwiramu ati, “Bakiwandiikire bati: ‘Omuntu tabba mwomi omu bwizulye ngʼalya kyokulya kyonkani, neye yeetaaga nabuli kibono oKibbumba ekyatumula.’ ”

Luuka 4:12

OYesu nʼairamu ati, “Bakiwandiikire bati, ‘Tokemanga oMusengwa iye oKibbumbawo.’ ”

Bikole 15:10

Aale atyanu bainange, lwaki mwendererya oKibbumba nga mugereka oku baikirirya aBatali Bayudaaya ekijooko kyʼaMateeka ekyatukaire iswe abanyere naabba abazeiza baiswe okukwata ni tugatuukirirya?

Bikole 5:9

OPeetero niiwo okumukoba ati, “Mutyo-so wemwaikirizaganyire okukema oMwoyo wa Musengwa? Aale nʼowentumulira aanu, ensindo gyʼabaliikire oibaawo ngijo giri oku mulyango, mbabo baingira. Wena bakutwala.”

1 Abʼe Kolinso 10:9

Era titwakemanga oKurisito okubona ooba ngʼayinza okutubonereza, ngʼabamo kwabo owebamukemere, ni kibazweraku empiri okubaita.

AMateeka 6:16

Timwakemanga oMusengwa iye oKibbumba waanywe ngʼowemwamukemere e Maasa.

AbʼEbbulaniya 3:9

OKibbumba yakobere ati: ‘Eeyo, bankemere ni bangezesya, waire nga babbaire baboine ebikulu ebinakolere okumala emyanka 40.’