Matayo 4:6 - Bbaibbuli y'oLugwere

⁶ Awo nʼakoba oYesu ati, “Ngʼoli Mwana wa Kibbumba, ojuuke ogwe ansi olwʼokubba bakiwandiikire bati: ‘OKibbumba yalagiranga abamalaikabe okukukuuma, era balikubbaka omu ngalo gyabwe, kaisi nandi ni weekontola ekigerekyo okwibbaale.’ ”

Matayo 4:6 ပူးပေါင်းရင်းမြစ်များ

EZabbuli 34:20

Akuumira nakimo omutuukirirye, amagumbage nandi ni kuvunikaku kadi limo.

EZabbuli 34:7

Abo abatya oMusengwa, omalaika wa Musengwa abakuuma nga yabeeruguulirirya, era abanunula.

Matayo 4:4

OYesu nʼamwiramu ati, “Bakiwandiikire bati: ‘Omuntu tabba mwomi omu bwizulye ngʼalya kyokulya kyonkani, neye yeetaaga nabuli kibono oKibbumba ekyatumula.’ ”

2 Abʼe Kolinso 11:14

Kaisi era ekyo tikyewunyisya, olwʼokubba oSitaani yena ayezya okwefaanania ooti malaika wʼekitangaala!

AbʼEbbulaniya 1:14

Neso abamalaika nago niikyo eniki? Aale tiniigyo emyoyo gyonagyona egiweererya oKibbumba, egyo egyatuma okubbeera abo abalisuna okubalokola?