Matayo 2:7 - Bbaibbuli y'oLugwere

⁷ Kale awo oKerode nʼayeta abasaiza abo abeetegereza ebyʼenkota, nʼababuulya mu kyama ekiseera ekinanyerenyeere onkota ekiyabonekeiremu.

Matayo 2:7 ပူးပေါင်းရင်းမြစ်များ

EZabbuli 55:21

Ebibonobye byabbaire binyuma okuwulira okukiraku okukomba amakita, neye nga ekimuli oku mwoyo, lutalo. Nʼebibonobye byabbaire byogi ooti mpiima.

OKuzwa 1:10

Atyanu tubasalire amalabuki, kaisi tibeeyongera obungi. Ekyo kityo olwʼokubba singa abalabe baiswe batanula olutalo okutulwanisya, aBaisirairi abo bayinza okubeeyimbyaku ni batulwanisya kaisi awo ni batwirukaku okuzwa omu Misiri.”

OKubala 24:17

“Ebinjolesebwa ebibakwataku, tibyakubbaawo biseera binu; ebinjolesebwa ebibakwataku, tibyakubbaawo kuti kunu. Okabaka yalizwayo omwibyaire lya Yaakobbo ooti nkota; okabaka yalizwa omu Baisirairi. Yalitentena empumi gyʼabʼeibyaire lya Mowaabbu, yalitentena ebiyanga byʼabʼeibyaire lya Seezi bonabona.

Matayo 2:1

OYesu owebamubyaliire omu kibuga e Bbeserekeemu, omwitwale lyʼe Buyudaaya, oKerode yabbaire niiye okabaka wʼeitwale eryo. Era abasaiza abeetegereza ebyʼenkota ni bazwera omu kyalo kyʼe buzwaisana, ni baaba omu kibuga e Yerusaalemi.

Matayo 2:16

Awo oKerode oweyamanyicirye ati abasaiza abeetegereza ebyʼenkota bamubbeyere-bubbeyi, nʼanyiiga ino. Kale nʼatuma abaisirikale okwita abaana abaisuka bonabona omu Bbeserekeemu nʼomu byalo ebikyeruguuliriirye, abo ababbaire abʼemyanka emibiri nʼokwika ansi. Ekyo yakikolere ngʼasinzirira ku kiseera abasaiza badi nago ekibamukobeire ekibaboneiremu onkota.

Matayo 2:8

Awo nʼabatuma e Bbeserekeemu ngʼabakoba ati, “Mwabe munoonererye nakusani omwana oyo, era owemwabba nga mumuboine, mwaira ni munkobera e gyali zena ni njaba ni mmusinza.”

Bikole 24:22

Awo oFirikisi, engeri egiyabbaire amaite kiwanvu oku bikwata oku kibbula kyʼabo abaikiririrya omu Nzira ya Musengwa nago, nʼayemererya okuwulisisya omusango ngʼakoba ati, “Omuduumiri wʼabaisirikale, oLiisiya oweyaliizira wenalisalira omusango gwanywe.”

Kubiikula 12:15

Ogumpiri ni gwandula amaizi okuzwa omu munwa gwagwo, nga mangi ooti mwiga, ni gasengererya omukali, gamumire.

1 Samwiri 18:21

OSawulo nʼaseega ati, “Oleke mmumuwe namweyambisye ngʼomutego, aBafirisuuti bamulwanisye iye oDawudi.” Nʼolwekyo oSawulo nʼakoba oDawudi ati, “Oli nʼomukisa ogwokubiri okufumbirwa omwala wange.”