Matayo 18:3 - Bbaibbuli y'oLugwere

³ Awo nʼabakoba ati, “Mbakobera amazima nti, okutoolaku nga mucuukire ni mwewombeeka ngʼabaana abatobato, neye nga bbe timwalingira naire omu bwakabaka bwʼomwigulu.

Matayo 18:3 ပူးပေါင်းရင်းမြစ်များ

EZabbuli 131:2

Wazira omwoyo gwange gwikaikana, ni nsirika ooti mwana ogubazirisirye owaikaikana, ngʼali omu kifubba kya maaye. Dala ngʼomwana ogubazirisirye owaikaikana, zena ntyo wenteereire.

Matayo 13:15

Ekyo kityo olwʼokubba abantu abo basuukire maisiyaaye ni batayezya kuntegeera niki ekinanyere ekyendi, basinyiire amatwi gaabwe ni gasiyalala batyo ni batayezya kuwulira ebyo ebimbakoba. Era nʼamaiso gaabwe gayofuwaire ni batayezya kubona ebyo ebinkola. Neye singa tiniikyo, bankutegeire niki ekinanyerenyeere ekyendi, nʼebyo amaiso gaabwe ebigabona nga nkola, nʼebyo amatwi gaabwe ebigawulira nga ntumula egibali. Batyo bankucuukire omu myoyo gyabwe ni baira egyendi, era ni mbalokola.’

Matayo 18:2

Kale awo oYesu nʼayeta omwana omutomuto, kaisi nʼamukoba okwemerera omumaiso gaabwe.

Matayo 18:4

Kale nʼolwekyo nabuli muntu eyewombeeka ooti mwana onu, niiye akira ekitiisya omu bwakabaka bwʼomwigulu.”

Matayo 19:14

Neye oYesu nʼakoba ati, “Muleke abaana abatobato baize egyendi, timwabaloberya, olwʼokubba abali ooti baabo, niibo ababba omu bwakabaka bwʼomwigulu.”

Matayo 19:23

Awo oYesu nʼakoba abeegibe ati, “Mbakobera amazima nti nga kigosi omusuni okwingira omu bwakabaka bwʼomwigulu!

Matayo 5:18

Mbakobera amazima, eigulu nʼekyalo nga bikaali biriwo, waire akasale akatyayi eino akʼoku kanyukuta akamo oku Mateeka ga Musa tikaligotaku paka byonabyona ebyo ebiri nʼokutuukirira nga bituukiriire.

Matayo 5:20

Nʼolwekyo mbakobera nti singa obutuukirirye bwanywe tibwakirengeku obwo obwʼaBafalisaayo nʼabakugu omu byʼaMateeka ga Musa timwalingira omu bwakabaka bwʼomwigulu.”

Matayo 6:16

Awo era oYesu ni yeeyongera ati, “Era owemusiibanga, timwabbanga bayungubali omumaiso ooti bananfunsi owebabba, olwʼokubba ibo bayungubala kaisi abantu bababone bati basiiba. Mbakobera amazima nti babba bamalire okusuna empeera yaabwe omu bwizulye eyʼokusuna ekitiisya omu bantu.

Matayo 6:2

Kale owemugabiranga abadoobi, timwewuujanga ooti bananfunsi owebakola omu makumbaaniro nʼomu nguudo, kaisi abantu babawe ekitiisya. Mbakobera amazima nti, empeera yaabwe eyʼokusuna ekitiisya omu bantu babba bagisunire mu bwizulye.

Matayo 6:5

Awo era oYesu ni yeeyongera ati, “Era owemubbanga musaba oKibbumba, timwabbanga ooti bananfunsi, olwʼokubba ibo bataka okusaba nga beemereire omu makumbaaniro nʼomu mansanganzira gʼenguudo, kaisi abantu bababone. Mbakobera amazima nti empeera yaabwe eyʼokusuna ekitiisya omu bantu babba bagisunire mu bwizulye.

Maako 4:12

kaisi dala, ‘balingirirenge, neye nga tibabona; bawulirenge, neye nga tibategeera, demba ni beenenya ni babasoniya ebibbibibbi byabwe.’ ”

Luuka 13:24

“Mwefude-kwefuda okwingira omu mulyango ogwo omudiiŋi, olwʼokubba mbakobera nti bangi baligezyaku okugwingiramu, neye era tibalyezya.

Luuka 22:32

Neye nze nkusabiire, tiwawaamu okwikirirya. Era owewalimala okwenenya, ogumyanga abeegi abainawo.”

Yokaana 1:51

Era oYesu nʼayongeraku okumukoba ati, “Mazima dala mbakobera nti mwalibona eigulu nga lyeigwire, nʼabamalaika ba Kibbumba nga baniina omwigulu era nga baika oku Mwana wa Muntu.”

Yokaana 3:3

Iye oYesu nʼamwiramu ati, “Mbakobera amazima nti omuntu owebatamubyala omulundi gwokubiri, tiwakwingira omu bwakabaka bwa Kibbumba.”

Yokaana 3:5

Iye oYesu nʼamwiramu ati, “Nkukobera amazima nti omuntu owebatamubatiza nʼamaizi era nʼasuna nʼoMwoyo oMutukulye, tiwakwingira omu bwakabaka bwa Kibbumba.

Bikole 14:22

Mu buli kibuga kwebyo egibatuukanga, nga bagumya abeegi ba Yesu emyoyo era ni babasisiitira beekalangulire omu kwikiririrya omu Yesu. Babakobanga bati, “Tuteekwa okukaanya ebigosi bingi kaisi twezye okwingira omu bwakabaka bwa Kibbumba.”

Bikole 28:27

Ekyo kityo olwʼokubba abantu abo basuukire maisiyaaye ni bateezya kuntegeera niki ekinanyere ekyendi. Basiinyiire amatwi gaabwe ni gasiyalala batyo ni bateezya kuwulira ebyo ebimbakoba, era nʼamaiso gaabwe gayofuwaire ni bateezya kubona ebyo ebinkola. Neye singa tiniikyo, bankategeire niki ekinanyerenyeere ekyendi, nʼebyo amaiso gaabwe ebigabona nga nkola, nʼebyo amatwi gaabwe ebigawulira nga ntumula egibali, batyo bankacuukire omu myoyo gyabwe ni baira egyendi, era ni mbalokola.’

Bikole 3:19

Nʼolwekyo mwenenye, mugaluke mwire eeri oKibbumba asoniye ebibbibibbi byanywe, kaisi emyoyo gyanywe gisunenge okwira obuyaaka okuzwa eeri oMusengwa iye oKibbumba.

1 Abʼe Kolinso 14:20

Kale boluganda timwabba ooti baana batobato omu nseega gyanywe. Wazira mubbe ooti baana abatobato ababula okumanya kwʼokukola ebikole ebibbibibbi, neye museegenge ooti bantu bakulu omu bwomi bwʼomwoyo.

1 Peetero 2:2

Kale ngʼabaana abaibo owebali nʼeireke lyʼamata agababbeera okukula kusani, nywena mutyo mubbenge nʼeireke lyʼamata ga mwoyo ondiko igo agababbeera okukula omu bwomi bwʼomwoyo era kaisi mubbe balokole.

2 Peetero 1:11

Era inywe balibaaniriza nʼeisangaalo eryʼamaani nga mwingira omu bwakabaka obutawaawo, obwa Musengwa waiswe era oMulokoli waiswe oYesu Kurisito.