Matayo 15:9 - Bbaibbuli y'oLugwere

⁹ Era nʼengeri egibansinzamu tintuuce, olwʼokubba ebibono ebyʼabantu-obuntu, niibyo ebibeegesya bati Mateeka ga Kibbumba.’ ”

Matayo 15:9 ပူးပေါင်းရင်းမြစ်များ

EZabbuli 39:6

buli ooti kiriirye, tibubba omu kifo ekimo! Byonabyona ebyakola bimufeera bwereere. Akumbaania obugaiga nga tamaite eyalibba onanyerebwo.

EZabbuli 73:13

Olwo dala nteganiire bwereere okwekuuma nandi ni njonoona, era ni neekuuma okutabbaaku omusango?

OKuzwa 20:7

“Tiwakolesyanga eriina lyange olwʼebigendererwa ebibbibibbi, olwʼokubba Nze oMusengwa iye oKibbumbawo nabonerezanga omuntu yenayena eyakolesyanga eriina lyange olwʼebigendererwa ebibbibibbi.”

ABaleevi 26:16

awo nalibakola binu: Nalibakola ebizizi, ekikoba kiti, nalibaleetaku obulwaire obutalama nʼomusuuja ogwaliboofuwalya, ni guleetera obwomi bwanywe okusebengerera. Mwateganiranga bwereere okukoma ebirime, olwʼokubba abalabe baanywe niibo ababiryanga.

ABaleevi 26:20

Amaani gabafeeranga bwereere, olwʼokubba eitakali lyanywe tiryabalenge ebibala, nʼemisaale gyʼokwitakali eryo tigyanenekenge.

Matayo 15:10

Awo olundi oYesu nʼayeta ekiziima kyʼabantu, ni kyaba e gyali, nʼakikoba ati, “Mumpulisisye era mutegeere

Maako 7:7

Nʼengeri egibansinzamu tintuuce olwʼokubba ebibono ebyʼabantu-obuntu, niibyo ebibeegesya bati mateeka ga Kibbumba.’

1 Abʼe Kolinso 15:2

Era aMawuliro aMasa ago niigo agabalokola singa mugumira oku kibono ekinalaabbire egimuli. Ekikoba kiti anambula ekyo, okwikirirya kwanywe kubba kwabbaire mpaamu makulu.

AMateeka 12:32

“Mwefudengeku okutuukiriryanga ebimbalagira byonabyona. Timubyongerangaku waire okubitoolaku.”

1 Temuseewo 1:4

Obakobe balekeraawo okusiisira oku bisimo, nʼomu kunonenkererya enyiriri empanvu egya maliina gʼabazeiza baabwe. Ebyo byongera kuleeta kwakana omu kifo kyʼokwegesya abantu ebya Kibbumba nga babita omu kwikirirya.

Tito 1:14

Nga tibateeka emyoyo gyabwe ku bifumo byʼeKiyudaaya ebyobubbeyi ooba ku mateeka abantu abo abagaana amazima egibagunjire-obugunji.

AbʼEbbulaniya 13:9

Timwaganyanga ni babagotesyagotesya nʼenjegesya egitali gimo endiibi, egitaabirana nʼamazima ga Kibbumba. Kisa obugumu bwa kwikirirya, omu myoyo gyaiswe, ni bwemerera ku kumanya kisa oKibbumba ekiyatulagire, neye tikubulombolombo bwa byakulya, obutagasa nʼokugasa abo ababusengererya.

Yaakobbo 2:20

Musirusiru iwe ataikirirya ekinkoba, dala otaka okumanya oti okwikirirya okubulaku ebikole mpaawo ekikukugasa?

Kubiikula 22:18

Ndabula buli awulira ebibono ebyʼobunaabbi ebiri omu kitabo kinu nti, eyalibyongereryaku, oKibbumba yalimwongereryaku okugada okubawandiikire omu kitabo kinu.

1 Samwiri 25:21

ODawudi yabbaire amalire okukoba ati, “Mazima nakuumiire bwereere ebintu byʼomusaiza oyo byonabyona, ebyabbaire omwidungu, nandi ni kigotaku waire kimo. Kale iye ansaswiremu bibbibibbi omu bisa ebinamukoleire.