Matayo 11:3 - Bbaibbuli y'oLugwere

³ okubuulya oYesu bati, “Niiwe oKibbumba oguyasuubizire okutuma okwiza okununula abantu, ooba tukuumirire gondi?”

Matayo 11:3 ပူးပေါင်းရင်းမြစ်များ

ENtandiika 12:3

Nawanga enkabi abo abakusabiranga enkabi, nabuli eyakulaamanga zena namulaamanga. Era amawanga gonagona agʼoku kyalo naligawa enkabi nga mbitira mu baizukulubo.”

ENtandiika 3:15

Era nateekawo ekinakoolo akatiwo nʼomukali oyo, nʼakati wʼeibyaireryo nʼeibyairerye. Eibyairerye lyatentenanga emitwe gyʼeibyaireryo nʼeibyaireryo lyaboizanga ebitindiro byʼeibyairerye.”

ENtandiika 49:10

Yuda niiwe owakwatanga omwigo ogwʼobufugi, era omwibyaireryo niimwo omwazwanga abafugi, paka amawanga owegaligondera eibyaireryo. Era niiryo abantu eribagonderanga.

EZabbuli 118:26

Wʼenkabi iye oyo aiza omu liina lya Musengwa. Tubasabira enkabi nga tuli omu nyumba ya Musengwa.

OKubala 24:17

“Ebinjolesebwa ebibakwataku, tibyakubbaawo biseera binu; ebinjolesebwa ebibakwataku, tibyakubbaawo kuti kunu. Okabaka yalizwayo omwibyaire lya Yaakobbo ooti nkota; okabaka yalizwa omu Baisirairi. Yalitentena empumi gyʼabʼeibyaire lya Mowaabbu, yalitentena ebiyanga byʼabʼeibyaire lya Seezi bonabona.

Matayo 11:10

OYokaana oyo, niiye eBiwandiike ogubitumulaku biti: ‘Aale obone, ntuma omukwenda wange akwekubbembere, okukwewulirya enzira egyoyaba.’ ”

Matayo 11:4

Awo oYesu nʼabairamu ati, “Mukange era mumukobere ebimuwuliire nʼebimuboine.

Matayo 21:5

“Mukobere abantu bʼe Sayuuni muti: ‘Aale mubone, okabaka waanywe aiza egimuli. Muwombeeki, era aiza ngʼatyaime oku mpunda, ekikoba nti aiza ngʼali oku mpunda omutomuto.’ ”

Matayo 21:9

Awo ebiyindi byʼabantu ebyabbaire bimwekubbembeire, nʼebindi nga bimuzwaku e nyuma, ni baaba nga baaminkirira bati, “Tuwuuje oKurisito oMwizukulu wa Dawudi! Wʼenkabi iye oyo aiza omu liina lya Musengwa iye oKibbumba! Tumuwuuje oMusengwa aali omwigulu!”

Maako 11:9

Awo ababbaire beekubbembeire, nʼababbaire bazwa e nyuma, ni baaminkirira bati, “Tuwuuje oMusengwa iye oKibbumba. Wʼenkabi iye oyo aiza omu liina lya Musengwa iye oKibbumba.

Luuka 19:38

Bembanga bati, “Wʼenkabi okabaka oyo aiza omu liina lya Musengwa iye oKibbumba! Eidembe libbe omwigulu, nʼekitiisya kibbe eeri oKibbumba aali omwigulu.”

Yokaana 11:27

Iye nʼamwiramu ati, “Niikyo Musengwa, njikirirya nti niiwe oKurisito oMwana wa Kibbumba, oguyasukireku amafuta. Era niiwe oyo eyabbaire nʼokwiza oku kyalo.”

Yokaana 12:13

Awo ni bakwata ensansa egitali nkujuulye, era ni baaba okumwaniriza nga webaceera bati, “Tuwuuje oMusengwa iye oKibbumba! Wʼenkabi iye oyo aiza omu liina lya Musengwa iye oKibbumba! Tumuwuuje iye oyo oKabaka wa Isirairi.”

Yokaana 16:14

Era oMwoyo oyo yangulumalyanga olwʼokubba yabakoberanga kiikyo ekiyawuliranga okuzwa egyendi.

Yokaana 4:21

Awo iye oYesu nʼamukoba ati, “Mukali iwe, oikirirye ebyenkoba nti ekiseera kiiza, ekimwalibbanga timukaali musinzira oItewaiswe oKibbumba ku lusozi lunu waire mu Yerusaalemi.

Yokaana 6:14

Awo oluzwanyuma abantu owebaboine akamanyiciryo kʼekyewunyo oYesu akeyakolere, ni batandiika okutumula bati, “Dala onu niiye onaabbi oodi oMusa oguyatumwireku ati yaliiza oku kyalo!”

Yokaana 7:31

Neye era bangi omu kiziima kyʼabantu ababbaire awo ni bamwikiririryamu, nga bakoba bati, “Kaisi nago oKurisito ogubasukireku amafuta oweyaliiza yalikola obumanyiciryo wʼebyewunyo obukiraku onu obwakola?”

AbʼEbbulaniya 10:37

Wasigaire akaseera kampi ino, “Oyo owʼokwiza aize, era ala tiyalirwa.