Matayo 1:3 - Bbaibbuli y'oLugwere

³ OYuda yabbaire iteeye wa Pereezi nʼoZeera, era ibo omawaabwe yabbaire Tamali. OPereezi yabbaire iteeye wa Kazirooni, era oKazirooni yabbaire iteeye wa Laamu.

Matayo 1:3 ပူးပေါင်းရင်းမြစ်များ

ENtandiika 38:11

Awo oYuda nʼakoba oTamali omulyawe ati, “Okange omu kisito kya iteewo era osigale ngʼoli namwandu, paka omwana wange oSeera oweyakula nʼabba ngʼatuukire okukusika.” Yakobere atyo, olwʼokubba yatiire ati nʼoyo yena ayinza okufa ngʼabagandabe. Kale oTamali nʼayaba nʼatyama omu kisito kya iteeye.

ENtandiika 38:6

Oluzwanyuma nga wabitirewo ekiseera, oYuda nʼakwera Eri omwanawe omubere, omukali eriinalye Tamali.

ENtandiika 46:12

Nʼomutaane wa Yaakobbo ogondi bati, Yuda, nʼabataane ba Yuda banu: Eri, nʼOnani, nʼoSeera, nʼoPereezi, nʼoZeera. Neye Eri, nʼOnani babbaire bamalire okufeera omu kyalo kyʼe Kanani. Era nʼabataane ba Pereezi banu bona baabire e Misiri: OKezirooni nʼoKamuli.

Matayo 1:2

OIbbulaimu yabbaire iteeye wa Isaka, oIsaka yabbaire iteeye wa Yaakobbo, era oYaakobbo yabbaire iteeye wa Yuda nʼabagandabe.

Matayo 1:4

OLaamu yabbaire iteeye wʼAminadabbu, Aminadabbu yabbaire iteeye wa Nakusoni, era oNakusoni yabbaire iteeye wa Salumooni.

Luuka 3:33

kaisi oNasoni iye yabbaire mutaane wʼAminadabbu, Aminadabbu iye nʼabba mutaane wʼAdimini, Adimini iye yabbaire mutaane wʼArini, Arini nʼabba mutaane wa Kazirooni, oKazirooni oyo nʼabba mutaane wa Pereezi, kaisi oPereezi iye yabbaire mutaane wa Yuda,