Luusi 4:13 - Bbaibbuli y'oLugwere

¹³ Kale oBbowaazi nʼatwala oLuusi era nʼabba mukaliwe. Awo ni yeegaita naye era oMusengwa nʼawa oLuusi okwira eeri abakali abainaye, nʼabyala omwana mwisuka.

Luusi 4:13 ပူးပေါင်းရင်းမြစ်များ

ENtandiika 20:17

Era awo oIbbulaimu nʼasaba oKibbumba era oKibbumba nʼalamya Abbimereki, nʼomukali wʼAbbimereki era nʼabagalama bʼAbbimereki abakali, kaisi abantu abo bayezye okubyala tete.

ENtandiika 25:21

Atyanu olwʼokubba oLabbeeka yabbaire tabyalangaku, oIsaka ni yeegairira oMusengwa oku lwa mukaliwe oyo. Era oMusengwa nʼairamu okusabakwe, awo oLabbeeka nʼasuna ekida.

ENtandiika 29:31

Awo oMusengwa oweyaboine ngʼoYaakobbo tataka ino oLeeya ngʼowaataka oLaakeeri, nʼawa oLeeya olubyalo, neye oLaakeeri nʼabba ngʼabulaku omwana.

ENtandiika 30:2

OYaakobbo nʼasunguwalira oLaakeeri era nʼamukoba ati, “Oseega oti ninze oKibbumba akwimire olubyalo?”

ENtandiika 33:5

Awo Esawu nʼasiirya amaisoge, nʼalola oku bakali nʼabaana, kaisi nʼabuulya ati, “Banaani abo abooli nabo?” OYaakobbo nʼamwiramu ati, “Abo niibo abaana oKibbumba olwʼekisaakye abeyawaire omuweereryawo.”

EZabbuli 113:9

Awa omukali abula omwana eisangaalo omu kisitokye nʼamusuuca omukali omubyaire. Muwuuje oMusengwa.

EZabbuli 127:3

Okubyala abaana kirabo okuzwa eeri oMusengwa, dala kirabo kinanyerenyeere.

Luusi 3:11

Era atyanu mwala iwe, tiweeraliikirira. Njaba okukukolera byonabyona ebiwansaba, olwʼokubba abanange bonabona abʼomu kibuga kinu, bamaite ngʼoli mukali owʼempisa ensa.

Luusi 4:12

Eibyaire oMusengwa eriyalikuwa omu mukali oyo akaali omutomuto, libbe ngʼerya Pereezi, iye oTamali oguyabyaliire oYuda.”

1 Samwiri 1:27

Oonu niiye omwana ogunasabire oMusengwa, era yawuliire okusaba kwange, nʼamumpa.

1 Samwiri 2:5

Abo abaalyanga ni baikuta, atyanu bapakasa-bupakasi ekyokulya, neye ababbaire abanzalwa, tibakaali badamba ekyokulya. Eyabbaire abula omwana abyaire musanvu, neye odi eyabyaire abangi, tasigairye kadi moiza.”