Luusi 4:11 - Bbaibbuli y'oLugwere

¹¹ Awo abeekubbemberi nʼabantu bonabona ababbaire oku geeti ni bakoba bati, “Iswe tuli bajulizi. Era tusaba tuti oMusengwa abbeere omukali oyo aali kwiza omu kisitokyo, abbe ngʼoLaakeeri nʼoLeeya, ibo bombi ababyaliire oIsirairi abaana abangi. Era tusaba tuti wena ogaigawale omu kika kyʼEfulaasi era otutumuke omu Bbeserekeemu.

Luusi 4:11 ပူးပေါင်းရင်းမြစ်များ

ENtandiika 23:10

Atyanu Efulooni yena yabbaire atyaime aawo aamo nʼaBakiiti abainaye, okumpi nʼomulyango gwʼekikomera kyʼoku kibuga. Awo Efulooni nʼairamu oIbbulaimu ngʼabantu bonabona abaliwo bawulira ati,

ENtandiika 24:60

Atyanu babbaire bakaali okubaseebula, ni basabira oLabbeeka enkabi, nga bakoba bati, “OKibbumba akuganye mwala waiswe obyalagane, enkali nʼensaiza, era eibyaireryo liwangulenge ebibuga byʼabalabe baalyo.”

ENtandiika 29:16

Atyanu oLaabbaani yabbaire nʼabaalabe babiri, omukulu nga niiye oLeeya, omutomuto nga niiye oLaakeeri.

ENtandiika 29:25

Awo eizo waaku amakeezi, oYaakobbo nʼamanyica ati yeegaitire nʼoLeeya. Kale nʼakoba oLaabbaani ati, “Niki kinu ekiwankolere? Nze nkukoleire iwe kumpa Laakeeri. Neye lwaki ombeyere?”

ENtandiika 29:32

OLeeya nʼabba kida, nʼabyala omwana mwisuka. Era oLeeya nʼakoba ati, “OMusengwa aboine okugada kwange, era atyanu oibawange yantaka.” Kale oLeeya nʼawa omwana eriina ati, Lubbeeni.

ENtandiika 35:23

Abeyabyaire nʼoLeeya niibo banu: OLubbeeni omwana omubere owa Yaakobbo, nʼoSimyoni, nʼoLeevi, nʼoYuda, nʼoIsakaali, nʼoZebbulooni.

ENtandiika 35:24

Ibo abeyabyaire nʼoLaakeeri niibo banu: OYusufu nʼoBbenyamini.

EZabbuli 132:6

Twawuliireku tuti eSanduuku yʼeNdagaano eri mwEfulaasi, ni tugibonera omu misiri gyʼe Yaali.

ENgero 14:1

Omukali owʼamalabuki ategeka amakaage, neye omusirusiru olwʼobusirusirubwe, ajigirica agage.

ENgero 31:23

Oibaaye mumanye ino, era mukubbemberi ogubawa ekitiisya omu kibuga.

Matayo 2:6

‘Inywe abantu bʼomu kibuga e Bbeserekeemu ekyʼomu Buyudaaya, ekibuga kyanywe tiniikyo ekisembayo okubba ekyʼekitiisya omu Buyudaaya, olwʼokubba mwikyo mwalizwamu omufugi, iye yakubbemberanga abantu bange abʼe Isirairi.’ ”

AMateeka 25:7

“Neye omusaiza oyo oweyaabbanga tataka okufumbirwa onamwandu wʼomugandawe, onamwandu oyo yayabanga oku geeti yʼekibuga abeekubbemberi e gibatyama, nʼabakoba ati, ‘Omuganda wa ibawange ali kugaana okutuukirirya obuvunaanyizibwa; againe okwingira omwange okwerula omwIsirairi omugandawe omugenzi. Tataka okutuukirirya obuvunaanyizibwa bwa mwizi wa namwandu ku nze.’

AMateeka 25:9

onamwandu yayabanga e gyali omu maiso gʼabeekubbemberi, nʼamubunulamu ongaito omu kigere ekimo, nʼamwanda ebitanta omu maiso, kaisi nʼamukoba ati, ‘Ekyo niikyo ekibakola omusaiza agaana okubyalira omugandawe omusika!’

Luusi 1:2

Omusaiza oyo yabbaire niiye Erimereki, omukaliwe nga niiye oNawume, abataane baabwe ababiri nga niibo oMakuloni nʼoKiriyoni. Abantu abo, babbaire bʼomu kika kyʼaBeefulaasi okuzwa omu Bbeserekeemu ekyʼomu Buyudaaya. Baabire omu kyalo kyʼe Mowaabbu ni babba eeyo.