Luusi 4:10 - Bbaibbuli y'oLugwere

¹⁰ Era ntwaire nʼoLuusi omukali oMumowaabbu, onamwandu wa Makuloni okubba mukali wange, kaisi mbeesyewo eriina lyʼomugenzi nʼebintubye era kaisi eriinalye tiryagota omu bʼomu kisitokye, ooba omu biwandiiko byʼekibuga kinu. Olwatyanu inywe muli bajulizi.”

Luusi 4:10 ပူးပေါင်းရင်းမြစ်များ

ENtandiika 29:27

Osooke omaleku enaku omusanvu egyʼekigole nʼoLeeya, kaisi nkuwe oLaakeeri yena omufumbirwe. Neye waabba nʼokunkolera okumala emyanka egindi musanvu.”

ENtandiika 38:9

Neye Onani yamaite ati abaana tibalibba babe. Kale oweyeegaitanga nʼonamwandu oyo, amaizi yagasukanga ansi kaisi tiyasunira omugandawe abaana.

EZabbuli 109:15

Oleke oMusengwa ayebukiryenge ebibbibibbi byabwe bulijo, era abonere nakimo ati babeerabira oku kyalo.

EZabbuli 34:16

Neye oMusengwa ayakanisya abo ibo abakola ebibbibibbi, okubonera nakimo ati abantu oku kyalo tibabeebukirya.

ENgero 18:22

Oyo iye asuna omukali owʼobufumbo abba asunire kintu kisa, era asuuka mukoda eeri oMusengwa.

ENgero 19:14

Enyumba nʼobusuni, babisika ku babyaire; neye oMusengwa niiye agaba omukali omutegeeri.

AbʼEfeeso 5:25

Kaisi inywe abasaiza abafumbo mutakenge abakali baanywe, ngʼoKurisito oweyatakire ekanisa, era ni yeewaayo okufa okulwayo.

AMateeka 25:6

Omwana omwisuka onamwandu oyo oguyasookanga okubyala, bamubalanga okubba mutaane wʼomugandawe eyafiire kaisi olwo eriina lyʼomugandawe eyafiire tiryagota omwIsirairi.”

AbʼEbbulaniya 13:4

Obufumbo abantu bonabona babuteekengemu ekitiisya, era babukuumenge nga butukulye, olwʼokubba abalendi, oKibbumba yalibasingisya omusango.

Yoswa 7:9

ABakanani nʼabantu abandi bonabona abali omu kyalo kinu, bawulira kinu, ni batuzingiza era ni batusaanyawo oku kyalo. Olwo atyanu walikola otya okusigalya ekitiisya kyʼeriinaryo erikulu?”

Luusi 4:9

Awo oBbowaazi nʼalangirira eeri abeekubbemberi nʼeeri abantu bonabona ati, “Muli bajulizi olwatyanu ngʼowengulire oku Nawume ebintu byonabyona ebyabbaire ebyʼErimereki nʼebyʼabataanebe, oKiriyoni nʼoMakuloni.