Luusi 1:6 - Bbaibbuli y'oLugwere

⁶ Awo oNawume ngʼaali omu kyalo kyʼe Mowaabbu, nʼawulira ati, oMusengwa agabiriire abantube amakungula amasa. Kale iye nʼategeka okuzwayo akange e ika nʼabalyabe.

Luusi 1:6 ပူးပေါင်းရင်းမြစ်များ

ENtandiika 21:1

Awo oMusengwa nʼakwatira oSaala ekisa ngʼoweyabbaire asuubizire.

ENtandiika 28:20

Awo oYaakobbo ni yeeyama eeri oMusengwa ati, “Owoobba waabba aamo na nze, nʼonkuuma omu lugendo lwange lunu, era nʼompa ebyokulya nʼebyokuzwala,

ENtandiika 48:15

Awo nʼasabira oYusufu enkabi ati, “OKibbumba, ozeiza wange oIbbulaimu nʼobbaabba oIsaka ogubaweereryanga, oKibbumba ondabiriirenge okuzwa omu butobuto bwange paka lwatyanu, owe abaana banu enkabi.

ENtandiika 50:25

Era oYusufu nʼalayiza abaana ba Isirairi ngʼabakoba ati, “OKibbumba oweyalibabbeera era nʼabalungamya okukanga e Kanani, mwaliteekwa okwaba nʼamagumba gange okugatoola omu kyalo kinu.”

EZabbuli 102:14

Ekyo kityo olwʼokubba abaweereryabo bataka ino oSayuuni, basaalirwa okubona ngʼajigirikire!

EZabbuli 111:5

Agabirira abamutya ebyokulya, era ayebukirya endagaanoye bulijo.

EZabbuli 132:15

Naawanga oSayuuni enkabi omu bintu bingi ino, abadoobi baakyo nabaikutyanga nʼebyokulya.

EZabbuli 145:15

Amaiso gʼebyomi byonabyona galingirira niiwe era obiwa ebyokulya omu biseera ebituuce.

EZabbuli 146:7

Alamula mu bwenkanya abo abebagadya, era awa abanzalwa ekyokulya. OMusengwa ateera abasibe,

EZabbuli 147:14

Aleeta eidembe oku nsaloyo nʼamawanga agandi era akuwa ekyokulya ekikira obusa ekikumala.

OKuzwa 3:16

“Oyabe okumbaanie aamo abeekubbemberi bʼaBaisirairi, kaisi obakobe oti, ‘OMusengwa iye oKibbumba wʼabazeiza baanywe, iye oKibbumba wa Ibbulaimu, era owa Isaka, era owa Yaakobbo, yambonekeire nʼankoba ati, “Mbaire nga neekeenenya ebibafaaku era mboine ebibabakolere e Misiri.

OKuzwa 4:31

Awo abeekubbemberi bʼaBaisirairi ni baikirirya. Era owebawuliire bati oMusengwa aboine okugada kwʼaBaisirairi era abalumirwa, ni bakotamya emitwe gyabwe, ni basinza oMusengwa.

ENgero 30:8

Tiwaganya nimba nʼokalebule nʼokubbeyanga; tiwampanga obudoobi, waire obusuni, neye ongabirirenge ebyokulya ebineetaaga.

Matayo 6:11

Otuwe nabuli lunaku ekyokulya ekitwetaaga.

Luuka 1:68

“Tuwuujenge oMusengwa iye oKibbumba wa Isirairi, olwʼokubba acaaliire abantube era abanunwire.

Luuka 19:44

Balibamalirawo nakimo era paka nʼabaana baanywe. Era mpaawo eibbaale kadi limo eryalisigala nga lyombeke oku liinaye, olwʼokubba timwamanyicirye ekiseera oKibbumba ekiyaiziireemu okubalokola.”

1 Temuseewo 6:8

Kale owetubba nʼebyokulya nʼebizwalo, ebyo bitumalenge.

1 Peetero 2:12

Inywe mwebityenge kusani nʼomu bantu abataikirirya oKibbumba kaisi waire babatumulangaku kubbikubbi, neye era nga babona ebikole byanywe ebisa era baligulumalya oKibbumba oku lunaku oluyalisaliraku emisango.

Luusi 1:5

oMakuloni nʼoKiriyoni bona ni bafa. Atyo oNawume nʼasigala ngʼabula abataane abo ababiri nʼoibaaye.

Luusi 1:7

Yasetukire nʼabalyabe nʼazwa e giyabbaire atyama, nʼakwata oluguudo olumukanja omu kyalo kyʼe Buyudaaya.

1 Samwiri 2:21

Awo oMusengwa nʼawa oKaana enkabi, nʼabyala abaana abaisuka basatu, nʼabaala babiri. Ngʼebyo biri awo, omwana oSamwiri nʼakulira omu Weema eya Musengwa.