Luuka 6:3 - Bbaibbuli y'oLugwere

³ Awo oYesu nʼabairamu ati, “Inywe timusomangaku omu Biwandiike kwekyo okabaka oDawudi nʼabeyabbaire nabo ekibakolere enzala oweyabalumire?

Luuka 6:3 ပူးပေါင်းရင်းမြစ်များ

Matayo 19:4

Neye oYesu nʼabairamu ati, “Timusomangaku eKiwandiike ekikoba kiti okuzwera nakimo oku ntandiika oweyabbumbiire ekyalo, oKibbumba ‘yabbumbire omusaiza nʼomukali.’

Matayo 21:16

Kale ni bakoba oYesu bati, “Owulira abaana abo ebibakoba?” Awo oYesu nʼabairamu ati, “Niikyo ekyo. Neye timusomangaku eKiwandiike ekikoba kiti, ‘Wayegeserye abaana abatobato nʼebibbuuta okukuwuuja kusani!’ ”

Matayo 21:42

Awo oYesu nʼababuulya ati, “Timukisomangaku omu Biwandiike ekiti? ‘Eibbaale abombeki eribagaine, lisuukire niiryo erikulu erisiba ensonda. Ekyo oMusengwa niiye eyakikolere, ni tukibona, ni tukyewunya.’ ”

Matayo 22:31

Kaisi ebifa oku kuzuukira, timusomangaku oKibbumba ekiyakobere? Yakobere ati,

Matayo 4:2

OYesu oluzwanyuma lwʼokumala enaku 40 nga talya omusana nʼobwire, awo enzala nʼemuluma.

Maako 12:10

Dala mmaite nti eKiwandiike mwakisomereku ekikoba kiti: ‘Eibbaale abombeki eribagaine, lisuukire niiryo erikulu erisiba ensonda.

Maako 12:26

“Kaisi ebifa oku kuzuukira, dala mmaite nti mwasomereku omu kitabo kya Musa, omu kitundu ekitumula oku kisaka, ngʼoKibbumba yakobere oMusa ati, ‘Ninze oKibbumba wa Ibbulaimu, era owa Isaka, era owa Yaakobbo.’