Luuka 5:5 - Bbaibbuli y'oLugwere

⁵ OSimooni nʼamukoba ati, “Musengwa, ekiire kyonakyona twakalabaine neye nandi ni tukwatisyayo kantu konakona. Neye olwʼokubba niiwe okobere, kale oleke tutege obutimba.”

Luuka 5:5 ပူးပေါင်းရင်းမြစ်များ

Luuka 17:13

kaisi ni bamukoba maaminkirira bati, “Yesu oMusengwa, otukwatire ekisa!”

Luuka 8:24

Awo abeegibe ni baigerera e giyabbaire era ni bamulamuca ni bamukoba bati, “Musengwa, Musengwa, tufa!” Kale oYesu nʼalamuka, era nʼakaawuukira ogumpunga nʼoikendi, nʼamayengo gʼoku nyanza era ni biwaaku, era enyanza nʼeteeka.

Luuka 8:45

Awo oYesu nʼabuulya ati, “Naani ankwaiteku?” Bonabona ni beegaana. Kaisi oPeetero nʼakoba ati, “Musengwa, abantu bangi abali kukwekusirangaku, era nʼokukweguunyirangaku nakimo ino!”

Luuka 9:33

Abasaiza abo owebabbaire bazwawo e giri oYesu, oPeetero nʼakoba oYesu ati, “Musengwa, kisa nti tuli aanu. Era oleke tulukewo obusiisira busatu, akamo kako, nʼakandi ka Musa, nʼakandi kʼEriya.”

Luuka 9:49

Awo oYokaana nʼakoba ati, “Musengwa, enyumaku awo twaboine omuntu ngʼabbinga emizimu oku bantu ngʼakolesya eriinalyo, neye iswe ni tugezya okumuloberya olwʼokubba timusengereriwo aamo na iswe.”

Yokaana 15:14

Singa musigala nga mukola ebimbalagira mulaga muti muli bakaagwa bange.

Yokaana 2:5

Neye omaaye nʼakoba abaweererya bʼokumbaga ati, “Buli ekiyabakoba nga inywe mukikola.”

Yokaana 21:3

Awo oSimooni Peetero nʼabakoba ati, “Nze njaba kuvuba.” Ibo ni bamukoba bati, “Swena oleke twabe na iwe.” Era awo ni baaba, ni baniina omu lyato. Cooka ekiire ekyo kyonakyona ni batakwatisyaku ekintu.