Luuka 4:22 - Bbaibbuli y'oLugwere

²² Bonabona ni bamusiima ino, era ni beewunya olwʼebibono ebisa ebiyatumwire, ni bakoba bati, “Onu tiniiye omutaane wa Yusufu?”

Luuka 4:22 ပူးပေါင်းရင်းမြစ်များ

EZabbuli 45:2

Oli muŋoono okukiraku abasaiza bonabona, era oli mutumuli omusa, olwʼokubba oKibbumba akuwaire enkabi egyʼenkalaakalira.

EZabbuli 45:4

Omu kitiisyakyo ngʼoli oku mbalaasi owangulenge olwʼokulwanirira amazima, nʼobuwombeeki nʼobutuukirirye. Oleke engaloyo endiiro, ekole ebyewunyisya.

ENgero 10:32

Abatuukirirye bamanya ebibasaana okutumula; neye ababbibabbi ebibatumula bicaamu.

ENgero 16:21

Omuntu owʼamalabuki niiye ogubeeta omutegeeri, owʼebibono ebisa ategeeresya abantu mangu.

ENgero 25:11

Ekibono ekisa ekibatumula omu kaseera akatuuce, kisangaalya ooti kifaananyi kyʼomupeera ekibakolere omu zaabbu ni bakiteeka omu kibya ekyʼefeeza.

Luuka 2:47

Bonabona abamuwulisisirye, ni beewunya ino olwʼamalabukige nʼebyo yena ebiyabairangamu.

Luuka 2:48

Ababyairebe owebamuboine, ni beewunya ino. Omaaye nʼamukoba ati, “Mwana wange, lwaki otukolere otyo? Oiteewo na nze tubbaire tukunoonia nga tweraliikiriire ino.”

Luuka 21:15

Ekyo kityo olwʼokubba nze nalibawa ebibono nʼamalabuki, abalabe baanywe ebibatayezya okwakanisya waire okugaana.

Luuka 4:21

Awo nʼatandiika okubakoba ati, “Olwatyanu ekyo eKiwandiike ekimuwuliire, kituukirire.”

Yokaana 1:45

Kale oFiripo nʼanoonia oNasanairi era nʼamubona, kaisi nʼamukoba ati, “Tuboine omuntu oodi oMusa oguyatumwireku omu Kitabo kyʼaMateeka, era nʼabanaabbi bona ogubatumwireku omu Biwandiike. Era oyo nago niiye oYesu omutaane wa Yusufu owʼomu kibuga kyʼe Naazaleesi.”

Yokaana 6:42

Era nga bakoba bati, “Omusaiza onu tiniiye oYesu omwana wa Yusufu? Oiteeye nʼomaaye tubamaite. Kale ayezya atya atyanu okukoba ati, ‘Nazwire omwigulu?’ ”

Yokaana 7:46

Abaisirikale ni bairamu bati, “Mpaawo muntu eyabbaire atumwire ebyʼamaani ooti biidi oodi ebyatumula!”

Bikole 6:10

Neye era nandi ni bamwezya, olwʼokubba yabbaire nʼamalabuki mabitiriri egibali, ngʼoMwoyo oMutukulye niiye amuwa ebyokutumula.

Tito 2:8

Buli ekyotumula kiri nʼokubba kituuce, nga mpaamu kibakunenya, kaisi oyo akyakanisya aswale olwa kutabba nʼekibbikibbi ekyatutumulaku.