Luuka 4:18 - Bbaibbuli y'oLugwere

¹⁸ “OMwoyo wa Kibbumba andiku, olwʼokubba oKibbumba yannondere okulaabba aMawuliro aMasa eeri abadoobi. Antumire okukobera abasibe ati bayezya okuzwa omu busibe, nʼaboofu bona ati baiza kwiramu ni babona. Era antumire okukobera abebagadya ati bayezya okusuna eidembe,

Luuka 4:18 ပူးပေါင်းရင်းမြစ်များ

ENtandiika 3:15

Era nateekawo ekinakoolo akatiwo nʼomukali oyo, nʼakati wʼeibyaireryo nʼeibyairerye. Eibyairerye lyatentenanga emitwe gyʼeibyaireryo nʼeibyaireryo lyaboizanga ebitindiro byʼeibyairerye.”

EZabbuli 102:20

Nʼawulira okukenyera kwʼabasibe, nʼateera abebabbaire basaliire ogwʼokufa.”

EZabbuli 147:3

Alamya abanyolere omu myoyo, era ababudaabuda omu bukosefu byabwe.

EZabbuli 2:2

Abafugi bʼoku kyalo beetegeka, era abeekubbemberi bateesera aamo okulwanisya oMusengwa era okulwanisya oyo oguyasukireku amafuta.

EZabbuli 2:6

“Nteekere okabaka wange, oku lusozi lwange olutukulye oSayuuni.”

EZabbuli 34:18

OMusengwa abba kumpi nʼabawoiremu amaani, anunula abawoireiremu nakimo eisuubi.

EZabbuli 45:7

Otaka ebikole byʼobutuukirirye nʼocaawa obubbibubbi. Kagira nze oKibbumba, oyo oKibbumbawo, nkusukireku amafuta ni nkuwa eisangaalo erikira eryʼabandi bonabona.

EZabbuli 51:17

Esadaaka egyosiima niigwo omwoyo ogwenenya. Omwoyo ogwenenya era ogwikaikana, Kibbumba tiwagugaanenge.

Matayo 11:5

Ababbaire aboofu babona, ababbaire abaleme batambula, abagenge balama, ababbaire abamasiipe bawulira, abafu bazuukira, nʼabadoobi bona basuna enkabi gyʼokuwulira aMawuliro aMasa.

Matayo 12:18

“Onu niiye ogunnondere okubba omuweererya wange, omutake era ogunsiima eino. Nalimwicaaku oMwoyo wange, era yalikobera abantu aBatali Bayudaaya ngʼowenalibalamula nga tineekubbira.

Matayo 12:20

Oyo yalibba wʼeiwooyo era wʼekisa eeri abo abadamba obubbeeri nʼabanafu, paka oweyaliramula emisango nga tiyeekubbira.

Matayo 4:16

Abantu abali omu ndikiirya baboine ekitangaala ekyʼamaani. Era nʼabafu omu myoyo, ekitangaala kibaakiire.”

Matayo 5:3

“Bʼenkabi abadoobi omu bwomi bwabwe obwʼomwoyo olwʼokubba abo obwakabaka bwʼomwigulu ibwo bwabwe.

Luuka 4:17

Bamukwatisirye ekitabo kya naabbi Isaaya. Oweyakibiikwire, nʼatuuka e gibawandiikire bati:

Luuka 6:20

Awo oYesu nʼaira oku beegibe, kaisi nʼabakoba ati: “Muli bʼenkabi inywe abadoobi, olwʼokubba obwakabaka bwa Kibbumba bwanywe.

Luuka 7:22

Awo oYesu nʼairamu abakwenda ba Yokaana ati, “Mukange era mukobere oYokaana ebimuboine nʼebimuwuliire. Ababbaire boofu babona; ababbaire abaleme, batambula; abagenge balama, ababbaire abamasiipe bawulira; abafu bazuukira, nʼabadoobi bona basuna enkabi gyʼokuwulira aMawuliro aMasa.

Yokaana 1:41

Era iye Andereya ekintu ekiyasookere okukola kwabbaire kunoonia mugandawe oSimooni nʼamukoba ati, “Tuboine oMasiya.” Amakulu gati oKurisito ogubasukireku amafuta.

Yokaana 12:46

Nze naizire oku kyalo ngʼekitangaala, kaisi buli anjikiririryamu, tiyasigala omu ndikiirya.”

Yokaana 3:34

Ekyo kityo olwʼokubba oodi nago oKibbumba oguyatumire, atumula bibono ebyo ebyasuna okuzwa eeri oKibbumba olwʼokubba oKibbumba amuwa oMwoyowe omu bwizulye.

Bikole 10:38

Ekikoba kiti, mumaite ebifa oku Yesu owʼe Naazaleesi. Mumaite ngʼoKibbumba oweyamulondere, nʼamuwa oMwoyowe oMutukulye era nʼamaani okukola ebyewunyo. Era, mumaite ngʼoYesu oyo oweyabitabitanga wonawona nga waakolera abantu ebisa neenu waalamya nʼabo bonabona ababbaire ansi wʼeifuge lya Sitaani. Ebyo byonabyona yabikolanga olwʼokubba oKibbumba yaabbanga naye.

Bikole 26:18

okubatuucaaku obukwenda bwa Kibbumba obwabalibulya amaiso bubatoole omu ndikiirya yʼekibbikibbi baire omu kitangaala bakole ebyobutuuce. Ekikoba kiti, bazwe omwifuge lya Sitaani baire eeri oKibbumba, kaisi basune okubasoniya ebibbibibbi byabwe oteekeku nʼokusuna nʼomugabo aamo nʼabenatukwirye olwʼokunjikiririryamu.’ ”

Bikole 4:26

Abafugi bʼoku kyalo beetegeka, era abeekubbemberi bateesera aamo okulwanisya oMusengwa era okulwanisya oyo oguyasukireku amafuta.’

Bikole 4:27

“Era omu butuuce kityo wekyabbaire; okabaka oKerode nʼoPontiyo Piraato nʼaBatali Bayudaaya, era nʼaBaisirairi beekumbaaniirye omu kibuga kinu ni basala olukwe okulwanisya omuweereryawo omutukulye, oYesu oguwasukireku amafuta.

Abʼe Kolose 1:13

OKibbumba yatununwire omwifuge erya Sitaani eryʼendikiirya, nʼatuleeta omu bwakabaka obwʼoMwanawe omutake eino.

Yaakobbo 2:5

Muwulire, boluganda abatake eino! Abadoobi omu byʼomu kyalo kinu oKibbumba tiniibo abeyalondere okubba abasuni omu kwikirirya, era nʼokusuna obwakabaka obuyasuubizire abamutaka?

1 Peetero 2:9

Neye inywe muli bantu abalondemu, era muli bakabona ba Kabaka, era muli igwanga eritukulye, era muli bantu ba Kibbumba iye onyere. Kale nʼomu ngeri eyo kaisi olwo mwezye okulangiriranga ebisa byʼoyo iye eyabeetere okuzwa omu ndikiirya yʼobutamanya oKibbumba, okwingira omu kitangaala ekyʼokumanya oKibbumba.