Luuka 3:34 - Bbaibbuli y'oLugwere

³⁴ oYuda iye yabbaire mutaane wa Yaakobbo, oYaakobbo nʼabba mutaane wa Isaka, oIsaka iye yabbaire mutaane wa Ibbulaimu, oIbbulaimu nʼabba mutaane wa Teera, kaisi oTeera iye yabbaire mutaane wa Nakoli,

Luuka 3:34 ပူးပေါင်းရင်းမြစ်များ

ENtandiika 21:3

OIbbulaimu nʼawa omwana oyo eriina oSaala oguyamubyaliire ati, Isaka.

ENtandiika 25:26

Awo nʼowokubiri yena ni bamubyala era nʼawuluka ngʼengaloye ekwaite ekitindiro kyʼEsawu, kale ni bamuwa eriina bati, Yaakobbo. Atyanu oLabbeeka yabyaire abalongo abo ngʼoIsaka wʼemyanka 60.

Matayo 1:2

OIbbulaimu yabbaire iteeye wa Isaka, oIsaka yabbaire iteeye wa Yaakobbo, era oYaakobbo yabbaire iteeye wa Yuda nʼabagandabe.

Luuka 3:33

kaisi oNasoni iye yabbaire mutaane wʼAminadabbu, Aminadabbu iye nʼabba mutaane wʼAdimini, Adimini iye yabbaire mutaane wʼArini, Arini nʼabba mutaane wa Kazirooni, oKazirooni oyo nʼabba mutaane wa Pereezi, kaisi oPereezi iye yabbaire mutaane wa Yuda,

Luuka 3:35

oNakoli oyo nʼabba mutaane wa Serugi, kaisi oSerugi iye yabbaire mutaane wa Lewu, oLewu oyo nʼabba mutaane wa Peregi, oPeregi iye yabbaire mutaane wʼEbberi, Ebberi iye nʼabba mutaane wa Seera,

Bikole 7:8

Awo oKibbumba nʼakola endagaano nʼoIbbulaimu ngʼamukoba okukomolanga nabuli musaiza wʼomu lulyolwe ngʼakamanyiciryo kʼendagaano eyo. Nʼolwekyo, oIbbulaimu oweyabyaire oIsaka, yamukomoire oku lunaku olwomunaana ngʼabamalire okumubyala. Omu nkola enanyere eyo, oIsaka yena oweyakulire nʼabyala oYaakobbo, yamukomoire. OYaakobbo yena atyo nʼakomola abataanebe, abo abasuukire abazeiza baiswe abakulu omuzwa ebika byaiswe eikumi na bibiri.”

Yoswa 24:2

OYoswa nʼakoba abantu bonabona ati, “OMusengwa iye oKibbumba wa Isirairi akoba ati, ‘Eira, abazeiza baanywe, ngʼotwaliiryemu oTeera oiteeye wa Ibbulaimu nʼoNakoli, owebabbeereire okwitale wʼomwiga Ewufulaate, basinzanga bakibbumba bandi.