Luuka 24:52 - Bbaibbuli y'oLugwere

⁵² Kale awo ni bamusinza kaisi ni bakanga e Yerusaalemi nga bʼasangaala ino.

Luuka 24:52 ပူးပေါင်းရင်းမြစ်များ

EZabbuli 30:11

Okunakuwala kwange okunsuuciiryemu mabina agʼeisangaalo. Ontoireku enima nʼonjizulya eisangaalo.

Matayo 28:17

Era owebamuboine, ni bamusinza, neye abamo kwibo ni bamubuusabuusa.

Matayo 28:9

Awo owebabbaire baaba, oYesu nʼabeerukira ngʼabazwera omumaiso, nʼabakoba ati, “Mbasugiirye!” Era bamwigereraku, ni bakoma amazwi kaisi ni beevambirya oku bigerebye ni bamusinza.

Luuka 24:51

Era awo oweyabbaire akola ekyo, nʼabazwaku nʼayaba omwigulu.

Luuka 24:53

Era buli lunaku basiibanga oku Yeekaalu nga bawuuja oKibbumba.

Yokaana 14:28

Awo oYesu ni yeeyongera ati, “Muwuliire nga mbakobera nti ‘njaba, neye naira egimuli.’ Aale singa mubbaire muntaka, mwandisangaire nze okwaba egiri oBbaabba olwʼokubba iye ankiraku ekitiisya.

Yokaana 16:22

Kale inywe, atyanu ikyo kiseera kyanywe ekyenima, neye tete nalibabona era ni musangaala, era mpaawo eyalibatoolaku eisangaalo lyanywe.

Yokaana 16:7

Neye mbakobera amazima nti nze okubazwaku okwaba egiri oBbaabba kibagasa niinywe olwʼokubba owentayaba, omubbeeri oMwoyo oMutukulye tiyaliiza egimuli. Cooka owenjaba, nalimutuma egimuli.

Yokaana 20:28

Awo oTomasi nʼamwiramu ati, “Niiwe oMusengwa wange, era oKibbumba wange!”

Bikole 1:12

Abasaiza ababiri abo owebazwirewo, abatume ni bairayo omu kibuga e Yerusaalemi nga bazwa oku Lusozi olubeeta olwʼeMisaale eMizaituuni, akagendo akeerya ooti kiromita moiza yonkani okuzwa e Yerusaalemi.

1 Peetero 1:8

Waire oYesu Kurisito nago timumubonangaku neye mumutaka; era waire wona timuli kumubonaku omu kiseera kinu, mumwikiririryamu era mwizwire eisangaalo eribitiriri era eritakobeka.